Jesaea 55:2 - সান্তালী বাইবেল

² Okaṭakʼ jomakʼ baṅkan ona lạgitʼ ṭaka poesa do cedakʼpe khoroca? Okaṭakʼte baṅ tirpit ona lạgitʼ do cedakʼpe khaṭaokʼ kana? Ańjompe, ińakʼ katha ańjompe, oka bhageakʼkan ona jompe; ar itilanakʼre rạskạjoṅpe.

Jesaea 55:2 Iomraidhean Croise

Sereńko 22:26

Mạ̃hir hoṛ doko jom bikʼa arko tirpitokʼa; okoe Probhu Isorakʼ sana lekako calakʼ onko do uniko sarhaoea. Onko do jaejug hạbicʼ jiwetʼko tahen ma.

Sereńko 34:11

E gidrạko, dela hijukʼpe, ar ińakʼ katha ańjompe; iń doń cetʼapea cetʼ lekate Probhu Isorpe bhoktiaea mente.

Sereńko 36:8

Amakʼ oṛakʼ reakʼ jomakʼ jomte onko doko tirpitokʼa; amakʼ hạ̃s reakʼ ar gaḍa reakʼem ńu ocokoa.

Sereńko 63:5

Jel ar itilanakʼte tirpitokʼ hoṛ leka ińakʼ jiwi do tirpitokʼ kana; ińakʼ moca do maraṅ rạskạte amakʼgeye õṛhẽ sereńa.

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Kạhtukko 1:33

Menkhan okoe ińakʼ kathako ańjom onko do khạtirjomako girobasokʼa; onko do sulukteko tahena, ar bạṛicʼakʼ do bako botorakʼa.”

Kạhtukko 7:23

Cẽṛẽ cetʼleka usạrate jhampateye ńir bolokʼkan ar mucạtʼre uniyakʼ kunḍire sar ạuri bolokʼ hạbicʼ onkage uni hoṛ hõ bae baḍaekana, noate jiwi do calakʼtaea mente.

Kạhtukko 8:32

“E bạbu, ńitokʼ ińakʼ katha ańjomme; okoe ińakʼ horteko calakʼkan onko doko bhạgangea.

Kạhtukko 9:5

“Dela hijukʼte, ińakʼ jomakʼ jompe, ińakʼ mosola mesal akatʼ darkha rasa ńũipe;

Sosolhayic̕ 6:2

Isor do jãhãe manwa nunạkʼ dhon, sompotti ar manote danae kana, one uni khojogokʼakʼ cetʼge baṅ tahenkan, menkhan Isor do suk bhog lạgitʼ ektiạri bae emakawadea, menkhan eṭakʼ mitʼ hoṛ do ona reakʼ suke joma. Noa do ạḍi duk reakʼ kangea, ar ạuṛiyakʼgea.

Jesaea 1:19

Ape do tabe akan tahenpe aṅgocetʼ khan enḍekhan disạm reakʼ joto khon bhage phosolpe joma,

Jesaea 10:27

Enhilokʼ onkoakʼ bojha ar arãṛ do apeakʼ taren khon ocogokʼa; arpe moṭa akante ona arãṛ do rạpudokʼtakoa.

Jesaea 25:6

Phạdkoren Probhu Isor do niạ buru cetanre sanam jạtren hoṛko lạgitʼ bhage bhage jomakʼ ar mare darkha rasa reakʼ mitʼṭecʼ maraṅ bhoje emokʼa; onare joto khon bhageakʼ jel ar joto khon bhageakʼ darkha rasa hõ tahena.

Jesaea 44:20

Uni do torocʼ jom lekae kạmiya ar uniyakʼ bạulạha akan mon do bạṛicʼ horteye idiyea. Apnarte uni do bae rukhiyạ daṛeakʼa se bae mena, “Ińakʼ jojomti reakʼ niạ jinis do cetʼ eṛeakʼ baṅkana?”

Jesaea 46:6

Adomko do akoakʼ thạilạkʼ khon sonako upʼ oḍokeda ar tulạte rupạko soṅeda. Ar onakote onko do goṛhon muṭhạn tear lạgitʼ sonharko emako kana; ar tayomte do ona goṛhon muṭhạnko ḍobokʼakʼ kana arko sewawakʼ kana.

Jesaea 51:1

Probhu Isore meneda, “Ape okoe do dhorompe khudạuetʼkan ar ińakʼ sana leka calakʼpe kurumuṭukan, ape do ińakʼ katha ańjompe. Okaṭakʼ dhiri khonpe makʼ totʼ akan ar oka khạn khonpe la totʼ ocoakan ona baṛe beṅgetʼakʼpe.

Jesaea 51:4

“E ińren hoṛko, ińakʼ katha ańjompe, ińakʼ kathako luturakʼpe. Iń khonge hukum do oḍokokʼa; ar ińge dhorom reakʼ bicạriń ṭarhao ocoya jemon jạt jạtrenko hõ marsalko ńam.

Jesaea 51:7

“Ińakʼ ańjomtińpe E ape dhorom bakʼḍaeko one okoeyakʼ monre ińakʼ ạnko menakʼ. Ape do manwakoakʼ henosta kathate alope botorokʼa ar onkoakʼ nindạu kathate hõ alope torasokʼa,

Jesaea 62:8

Probhu Isor do acʼakʼ jojom tite, acʼakʼ daṛeanakʼ tite kiriạkateye men akada, “Iń do ar tishõ amakʼ anajko bạirikoakʼ tire bạń emokʼa ar okaṭakʼ darkha rasa lạgitʼpe khaṭaokʼkan ona hõ bidisiạko do tishõ bako ńũiya.

Jesaea 62:9

Ona do okoe phosolko samaṭaoa onkoge joma ar Probhu Isorko sarhaoea. Okoe darkha rasako jarwae onko do ińakʼ sonot ṭhạ̃i reakʼ racareko ńũiya.”

Jesaea 65:23

Onkoakʼ khaṭaoteakʼ do baṅ ạuṛiyagokʼa ar onkoren hoponko do muhinre bako paṛaokʼa, ente onko ar onkoren hoponko do Probhu Isorakʼ bhor ńamjoṅ hoṛko hoyokʼa.

Jirimiạ 12:13

Onko do guhumko ereda menkhan jạnumgeko ireda; onko do kạṭhinko khaṭaokʼkana menkhan cetʼge bako ńameda. Probhu Isorakʼ jolokʼkan edre iạte ape do apeakʼ phosol irpe lajaokʼ kana.”

Jirimiạ 17:24

Menkhan ape do sontorkate ińakʼ katha lekape calakʼ ar jirạukʼ mãhãre nagraha reakʼ phaṭok duạrte jãhãn bojha bape ạgui ar jirạukʼ mãhãre jãhãnakʼ baṅ kạmikate iń ńutumtepe begar dohoy,

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Jirimiạ 31:14

Naekeko do sanamakʼteń purunkoa, ar ińren hoṛko do ińakʼ bhor iạteko tirpidokʼa. Iń Probhu Isorge noa katha doń meneda.”

Hosea 12:1

Ephrayim do hoeye jomeda; uni do goṭa din purub reakʼ hoeye khudạueda ar eṛe katha ar bedhorome ḍhereda. Uni do Ạsurrenko sãoteye bondoboseda ar Misor do jạitun reakʼ sunume kolae kana.”

Hosea 8:7

“Onko do hoegeko era ar sesre do hoe bharḍoko irạ. Phosol reakʼ gelere do jãhãn danage bạnukʼa; ona khon holoṅ do ohoge ńamlena. Ar onare jãhãnakʼge hoyokʼ ona do bidisiạ hoṛgeko jom cabaea.

Habakkuk 2:13

Phạdkoren Probhu Isor doe niṭ dohoakada, jạt jạtrenkoakʼ khaṭaoakʼ reakʼ kuṛại do seṅgelre atar giḍikʼa ar onko do ạuṛiyakʼge apnartetʼko laṅga ocokʼa.

Mathae 15:9

Onko do ạuṛiyakʼgeko sewawạń kana, ar manwakoakʼ hukumkoge onko do dhorom reakʼ sikhnạt menteko cetʼako kana.

Mathae 22:4

Unre uni do arhõ eṭakʼ gutiko noa menkateye kolketʼkoa, ‘ńelpe bhojiń tear akada, ar ińren daṅgra ar posaokoń gur akatʼkoa. Ar ńitokʼ do sanamakʼ sạt akana, ado dela hijukʼ tabonpe.’

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Mark 7:14

Noa tayom Jisu do hoṛko arhõ acʼ ṭhen hoho sorkateye metatʼkoa, “Jotoko ińakʼ katha ańjompe ar bujhạupe.

Luk 15:23

ar lodgopʼ ḍaṅgra ạguiyete gurepe. Ar dela, jom ńũkate bon hesecʼ sekrejokʼma,

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Romiko lạgitʼ Pạul Apostolakʼ ciṭhi 10:17

Enḍekhan ńelokʼkana, Isorakʼ katha ańjom iạtege biswạs do hijukʼkana, ar Mạsi reaṅ do porcar talate ańjomokʼ kana.

Romiko lạgitʼ Pạul Apostolakʼ ciṭhi 9:31

Menkhan Israelko do ạn-ạri hotete Isorakʼ dhoromko khudạuletʼ tahẽkana, menkhan bako hoedaṛeada.

Dosar Biboron 11:13

“Ape do aperen Probhu Isorpe dulạṛea ar goṭa mon ar ontorte uni sewawae reakʼ okaṭakʼ iń hukum akatʼpe ona pạtiạr salakʼpe manaoa.

Ibriko 13:9

Aema lekan nãwã nãwã cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoylentakoa.