Jesaea 53:6 - সান্তালী বাইবেল

⁶ Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Jesaea 53:6 Iomraidhean Croise

Genesis 22:6

Noa menkate Abraham do jeredokʼ samaṅokʼakʼ lạgitʼ sahan bojha do acʼren hopone gokʼadea ar acʼ do seṅgel ar chorae hataokeda. Ar ona tayom do mitʼte taṛamkin ehopʼena.

Sereńko 119:176

Atʼ akan bhiḍi leka iń doń chingạu akana; amren golam baṛe sendra ńameń me, ente amakʼ hukumko do bạń hiṛiń akada.

Sereńko 69:4

Okoe khamakha iń cetanreko edrekʼkan Onkoakʼ lekha do ińakʼ bohokʼ upʼ khon hõ ḍhergea. Ar okoe iń nosṭoyińko menetʼkan onko do ạḍiko daṛegea; onko do eṛe iạte ińren bạiriko hoyakana. Ar bạń kombṛo akatʼre hõ em ruạṛ hoyokʼkan tińạ.

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Jesaea 53:12

Ona iạte iń do napṛakʼko talareń bakhrawaea ar uni do daṛeanko tulucʼ luṭakʼkoe bakhra joṅa, ente uni do gujukʼ hạbicʼ jiwiye alaeketʼtaea. Uni do kạiyanko tulucʼe lekha mitʼena; uni do ḍher hoṛkoakʼ kạiye gokʼ idikeda ar ghạghạṭko ńutumteye arojkeda.

Jesaea 53:5

Aboakʼ kại gunạkʼtege uni doe ghạl ocolena; aboakʼ ghạtko iạtege uni doe talga tạuạkʼ ocoyena. Okaṭakʼ sạjại hotete abore suluk hecʼakan ona sạjại do unigeye em ocoyena, ar uniyakʼ dal ur iạte abo do bon bogeyena.

Jesaea 53:7

Uni doe santao ocoyena ar duke jomkeda, menkhan enhõ acʼakʼ moca do bae jhicʼletʼtaea; uni do mage lạgidokʼkan bhiḍi hopon lekae tiyạkʼ idi ocoyena, ar kạpciyicʼ samaṅre hape akan bhiḍi leka uni do moca bae jhicʼletʼtaea.

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Jesaea 55:8

Probhu Isore meneda, “Ińakʼ hudis joṅakʼko do apeakʼ hudisakʼko leka do baṅ kana; ar ińakʼ hor hõ apeakʼ horko leka do baṅkana.

Jesaea 56:11

Onko do lebṛa seta lekanako, onko do bikʼ bako baḍaea. Onko do bebuj gukʼpiko lekanako; jotokoge apan ạpin horteko ruạṛ calao akana ar apnarakʼ lab reakʼko kurumuṭu kana.

Jesaea 6:7

Ar ona aṅgra do ińakʼ mocare jakʼketʼteye menkeda, “Ńelme, noa do amakʼ luṭikine joṭetʼkeda; amakʼ behokakʼko do sạṅgiń akana ar amakʼ kại do ikạyentama.”

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.

Jirimiạ 50:6

“Ińren hoṛ do atʼ akan bhiḍiko lekako hoyakana; onkoren gukʼpiko do bạṛicʼ horteko ghańjeṛ idi akatʼkoa. Onko gukʼpiko iạte onko do buru burukore ar boṭkocʼ boṭkocʼko calakʼkana ar akoakʼ chaṛko hiṛińakada.

Jeheskel 3:18

Iń do tinre mitʼṭecʼ dusṭạmi hoṛiń metaea, ‘khạṭige am dom gujukʼa,’ unre am do uni bam sontore, se uniyakʼ jiwi bańcaotae lạgitʼ bạṛicʼ hor khon ruạṛ hijukʼ lạgitʼ jãhãnakʼ bam metae, enḍekhan uniyakʼ gujukʼ lạgitʼ do amgeń dạyimea.

Daniel 9:5

Ale dole kại akada, arle behok akada. Ale do bạṛicʼakʼle kạmi akada arle hul akada. Ale do amakʼ hukum ar ạn-ạriko reakʼ hor khonle ocokʼ akana.

Romiko lạgitʼ Pạul Apostolakʼ ciṭhi 4:25

Aboakʼ kạiko iạte Jisu do gujukʼ tireye soprotʼlena ar dhorom menteye ataṅ bon lạgitʼ uni do gocʼko khone jiwetʼ beretʼ ocoyena.

Jakob 5:20

enḍekhan noa katha baḍaekakʼpe, jãhãe mitʼṭen kại hoṛ bhul hor khone ruạṛ ạguiye uni do gujukʼ khone bańcaoea ar ạḍi utạr kạiye dapaltaea.

1 Patras 2:25

Bhiḍiko lekape chingạu adokʼkan tahẽkana, menkhan ńitokʼ do okoe apeakʼ jiwikoe ńeletʼkan uni gupiyicʼ ṭhenpe ạcur ruạṛ akana.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

Bikʼcạrko 21:25

Unre hõ Israelko talare cele rajge bako tahẽkana. Ar okoe oka bhageye hudisetʼ tahẽkan onkageko kạmikan tahẽkana.