Jesaea 53:12 - সান্তালী বাইবেল

¹² Ona iạte iń do napṛakʼko talareń bakhrawaea ar uni do daṛeanko tulucʼ luṭakʼkoe bakhra joṅa, ente uni do gujukʼ hạbicʼ jiwiye alaeketʼtaea. Uni do kạiyanko tulucʼe lekha mitʼena; uni do ḍher hoṛkoakʼ kạiye gokʼ idikeda ar ghạghạṭko ńutumteye arojkeda.

Jesaea 53:12 Iomraidhean Croise

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Jobakʼ 30:16

“Iń bhitrire jiwi do bumbhạu oḍokokʼkantińạ; kosṭo reakʼ dinko doko muṭhiạu akadińạ.

Sereńko 2:8

Am do iń ṭhen khojogokʼme, ado porjạtrenko amakʼ sompotti menteń emama ar goṭa dhạrtige amakʼ ạidạrire hijukʼa.

Sereńko 22:14

Iń do dakʼ lekań dul giḍi ocoakana, ińakʼ sanam jaṅ reakʼ joṛaoko do chaḍao akantińạ, ińakʼ ontor do mom leka hoyakante iń bhitrirege cher lambao idikʼkana.

Exodus 15:9

“Bạiri doe menkeda, ‘onkoń khudạukoa, ariń sapʼkoa, ar onkoakʼ jiniskoń hạṭińjoṅa; iń do onkoakʼ jiniskote apnar iń perejokʼa. Ar tarwaṛe sapʼkate onkoń khudạukoa.’

Jesaea 49:4

Menkhan ińiń menkeda, “Iń do nahakgeń khaṭao akana; ạuṛiyakʼ ar michạge ińakʼ daṛekoń khoroc akatʼtińạ. Enhõ ińakʼ paona do Probhuakʼ tirege menakʼa, ar ińakʼ kuṛại do Isor ṭhenge.

Jesaea 52:13

Probhu Isore meneda, “Ńelpe, ińren guti doe jo bahakʼa. Uni doe rakapʼ ocokʼa ar ạḍitetʼe maraṅokʼa.

Jesaea 52:15

Menkhan uni do aema jạtren hoṛkoe saphakoa, ar uni khạtirte rapajko do moca sikubokʼtakoa; ente okaṭakʼ baṅ lại akawatʼko tahẽkan onageko oroma.”

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Jesaea 53:8

Jobor jạsti ar behok reakʼ bicạr iạte uni doe gocʼ ocolena. Uni piṛhiren hoṛko modre okoeye hudisleda ińren hoṛkoakʼ ghạṭ iạte jiwetʼkoakʼ disạm khon uni doe getʼ begar ocokʼa mente? Ona sạjại ma onkoakʼ paonage coṅ tahẽkan.

Daniel 2:45

Ente am dom ńel akada, buru khon mitʼṭen dhiri do begor manwa titege chaḍao ńurena ar ona dhiri do, pitạl, jaṭaṅ hasa, rupạ ar sonae gejerkeda; maraṅ Isor do noako hoyokʼ lạgidokʼ ghoṭnakoge am doe baḍae ocoakatʼmea; kukmũ do khạṭigea ar ona reakʼ bhedtetʼ hõ sạrigea.

Mathae 26:42

Uni do ruạṛ senkate dosar dhao koeketʼteye menkeda, “E Baba, noa bạṭi iń ṭhen khon baṅ ocogokʼ khan begor onań ńũite, enḍekhan amakʼ sana lekage baṛe hoyokʼma.”

Mark 15:27

Onko do Jisu sãote barea ḍạku hõko kurusketʼkina, mitʼṭen do uniyakʼ leṅga secʼre ar eṭagicʼ do uniyakʼ jojomti secʼre.

Mark 15:28

Onate sonot sostor reakʼ katha noa katha purạuena: “Uni do beạiniko tulucʼe lekhayena.”

Luk 22:37

Sonot sostorre ol akana, ‘uni do kại hoṛko tulucʼe lekha mitʼena.’ Ińiń metapekana, noa katha do ińrege purạukʼa, ente iń reaṅ okako olakan ona do purạu lạgidokʼ kana.”

Luk 23:25

ar Jisu do hoṛkoakʼ sana leka goje lạgitʼ onkoakʼ tireye jimạkadea.

Romiko lạgitʼ Pạul Apostolakʼ ciṭhi 8:34

Ar okoe hale onko do dusi menteye ṭahraokoa? Okoeye gocʼlen ar gocʼko khone jiwetʼ beretʼ ocoyen uni Mạsi Jisu do ńitokʼ Isorakʼ jojomsa aṛere menaea ar abon lạgitʼe nehõrokʼ kana.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.

Kolossiko lạgitʼ Pạul Apostolakʼ ciṭhi 2:15

Uni do sanam bạṛicʼ rajosṭiko ar ektiạriankoakʼ daṛeye cabaketʼtakoa. Nonkate uni do Mạsiyakʼ kurus hotete onko cetanreye jitạuena ar jotoko samaṅre onkoe bemanot ocoketʼkoa.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Ibriko 9:24

Asolakʼ sonot jaega reakʼ nokolakʼ lekate manwa tite tearakʼ jãhãn sonot jaegare Mạsi do bae bololena, bickom ona bodolte uni do sermateye boloyena jemon abo iạte Isor samaṅre ńite hạjir daṛeakʼ.

Ibriko 9:26

Ar onkage hoyokʼ hoylentae khan enḍekhan dhạrti sirjạu khon ehopʼkate ạḍi dhaoge duk jomkate gujukʼ hoykokʼtaea; menkhan ńitokʼ sanam jugko reakʼ mucạtʼre uni do mitʼ dhaogeye sodorena jemon apnartetʼe dãṛẽkʼte kạikoe ocokʼ giḍikakʼ.

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekan hoṛko bańcaoko lạgitʼgeye hijukʼa.

1 Johan 2:1

E ińren dulạṛiạ hoponińko, jemon alope kại, onate ape ṭhen noako kathań olede. Ar jãhãegeye kại eman akatʼ khan enḍekhan Baba ṭhen roṛ goṛowabon lạgitʼ mitʼ hoṛ menaea; uni do Jisu Mạsige, one uni doe dhoromicʼkan.

1 Johan 2:12

E hoponińko, Mạsi iạte apeakʼ kại ikạ akante ape ṭheniń oleda.