Jesaea 51:11 - সান্তালী বাইবেল

¹¹ Probhu Isorren rukhiyạ akan hoṛ doko ruạṛ hijukʼa ar sereń sereńte Sionteko rakapʼa. Ar jaejugakʼ rạskạge onkoakʼ bohokʼ reakʼ mukuṭ do hoyokʼtakoa. Onko do ạḍiko hulạsokʼa ar duk ar kũhrạu do onko khon ńir pharakokʼa.

Jesaea 51:11 Iomraidhean Croise

Sereńko 126:2

Unre aboakʼ mẽtʼãha do rạskạte perecʼena, ar alaṅ do hulạskote. Unre eṭakʼ jạtren hoṛko roṛetʼ tahẽkana, “Probhu Isorge onko lạgitʼ aema bhageakʼe kạmi akada.”

Sereńko 126:5

Mẽtʼ dakʼ joro jorote okoe do itạko eretʼkan onko hõ hulạs salakʼko ira.

Jesaea 11:15

Probhu Isor do jalapuri reakʼ locoṅe marao utạra; uni do lolo hoete phurạt gaḍa cetanre acʼakʼ daṛeye uduga. Uni do onae hạṭińa ar eae goṭecʼ nalae benaoa, jemon hoṛko do panahe horokʼkateko parom daṛeakʼ.

Jesaea 25:8

Gujukʼ do jaejug lạgitʼe marao giḍikakʼa. Probhu Isor do sanamkoakʼ mẽtʼ dakʼe jodtakoa ar uniren hoṛkoakʼ henosta do goṭa dhạrti khone sạṅgiń giḍikakʼa. Probhu Isor do niạ kathageye meneda.

Jesaea 35:10

Probhu Isorren chaḍao hoṛ doko ruạṛ hijukʼa. Onko do rạskạ sereń sereńte Sionteko bolokʼa; onkoakʼ bohokʼ reakʼ mukuṭ do jaejug reakʼ rạskạge hoyokʼtakoa. Onko do kusi ar rạskạte onako ńama, unre duk ar kũhrạukʼ dokin dạṛjoṅa.

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

Jesaea 48:20

Ape do Babel khon oḍok calakʼpe, ar Babelrenko khon dạṛ pharakokʼpe. Ar rạskạ reakʼ aṛaṅte lại saḍepe ar noa jạhirpe, “Probhu Isor do acʼren golam Jakobe chaḍao akadea.”

Jesaea 49:13

E sermako rạskạte sereńpe; E pirthimi, hulạsokʼme; E buru-ḍuṅgriko, hulạsokʼpe; ente Probhu Isor do acʼren hoṛko jiwi raṛecʼe emakoa ar santao ocokʼkan acʼren hoṛko cetanreye mãyãkʼa.

Jesaea 55:12

Ape do rạskạ salakʼ bahretepe calakʼa ar suluktepe idi ocokʼa. Buru ḍuṅgriko do am samaṅre ãṭ aṛaṅteko sereńa ar ṭạnḍi reakʼ dareko doko thayoea.

Jesaea 61:7

Ińren hoṛko do lajao bodolte sompotti reakʼ dobṛa hĩsko ńama, ar bemanot bodolte do dhonteko hulạsokʼa. Onkoakʼ disạmre dobṛa hĩsko ńama ar jaejugko rạskạkʼa.

Jesaea 65:14

Ontorre rạskạ iạte ińren golamko doko sereńjoṅa, menkhan ape do mon reakʼ jalatepe raga ar rạputʼ ontor iạtepe hae haeyokʼa.

Jesaea 65:19

Iń do Jerusalem iạteń rạskạkʼa ar ińren hoṛko iạteń kusikʼa; ona talare ar jãhãn rakʼjoṅ do baṅ ańjomokʼa.

Jirimiạ 31:13

Kũạri kuṛiko doko enecʼa arko rạskạ joṅa, juạnko ar haṛamko hõ bako badokʼa. Onkoakʼ homor halaṅ do rạskạteń pheraotakoa; duk bodolte jiwi raṛecʼ ar rạskạń emakoa.

2 Thessalonikiko 2:16

Aboren Probhu Jisu Mạsi ar Isor Baba do apeakʼ ontorreye udgạupema ar sanam bhage kạmi ar kathareye kajak ocopema.

Jihudạwakʼ ciṭhi 1:24

Eken mitʼ goṭen Isor menaea, okoe doe aboren babańcaoicʼ kan uni do apepe tohodokʼ khon bańcaokate niphuṭge acʼakʼ ṭhonok samaṅre rạskạteye hạjir daṛeapea. Sanam jugko reakʼ pạhil khon cetʼ leka tahẽkan onkage ńit hõ ar jaejug hạbicʼ aboren Probhu Jisu Mạsi hotete Isorakʼge ṭhonok, mạhima, daṛe ar ektiạri tahentae ma. Amen.

Johan sodor 21:1

Ona tayom iń do mitʼṭen nãwã serma ar mitʼṭen nãwã dhạrtiń ńelkeda. Pạhilakʼ serma ar pạhilakʼ dhạrti do parom calaoena ar jalapuri hõ ar baṅ tahẽlena.

Johan sodor 21:4

Uni do onkoakʼ mẽtʼ dakʼe jodtakoa. Moron do ar baṅ hoyokʼa; duk, haso ar rakʼ joṅ do ar baṅ tahena, ente pạhilakʼ joto do parom calao akana.”

Johan sodor 22:3

Isor ar Bheḍa Hoponakʼ siṅghạson do ona nagrahare tahena ar uniren golamko do uniko sewawaea.

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”