Jesaea 51:10 - সান্তালী বাইবেল

¹⁰ Amge cetʼ khạndri jalapuri reakʼ dakʼ do bam ańjetʼ ocoleda? Amge cetʼ jalapuri bhitrite hor do bam tearleda one amren chaḍao akan hoṛko taṛam paromlen?

Jesaea 51:10 Iomraidhean Croise

Sereńko 106:10

Uni do hirkhạkʼ kankoakʼ ti khon onkoe rukhiyạketʼkoa; bạirikoakʼ ti khon onkoe chaḍaoketʼkoa.

Sereńko 106:9

Uniyakʼ hukumte arakʼ doreão do ańjetʼena; ar hahaṅkar talate calakʼ leka onko do jalapuri talateye parom idiketʼkoa.

Sereńko 74:13

Amakʼ daṛetege am do jalapurim bar hạṭiń akada; amge jalapurire dakʼ maṅgaṛkoakʼ bohokʼem gejer akatʼtakoa.

Sereńko 77:19

Am do jalapuri talatem horleda, ar athantar dakʼ talatem ḍaharleda, menkhan amakʼ jaṅga reakʼ cinhạ do baṅ ńellena.

Exodus 14:29

Menkhan Israelko do tala horte kuṭhạ̃ṛgeko parom calaoena. Ar dakʼ do onko dene banar secʼ bhit leka teṅgo tahẽkana.

Exodus 15:13

Amakʼ asambheṛ dulạṛtem chaḍao ạguketʼkoa ar amge onko dom ạyurkoa. Apnarakʼ daṛete amakʼ sonot oṛakʼre amgem ạyur ạgukoa.

Jesaea 11:15

Probhu Isor do jalapuri reakʼ locoṅe marao utạra; uni do lolo hoete phurạt gaḍa cetanre acʼakʼ daṛeye uduga. Uni do onae hạṭińa ar eae goṭecʼ nalae benaoa, jemon hoṛko do panahe horokʼkateko parom daṛeakʼ.

Jesaea 11:16

Misor khon oḍok hijukʼ jokhecʼ cetʼleka Israelko lạgitʼ mitʼṭecʼe horletʼ onkage uniren jiwetʼ tahen hoṛko lạgitʼ Ạsur khon mitʼṭecʼ raj ḍahar do oḍokokʼa.

Jesaea 35:10

Probhu Isorren chaḍao hoṛ doko ruạṛ hijukʼa. Onko do rạskạ sereń sereńte Sionteko bolokʼa; onkoakʼ bohokʼ reakʼ mukuṭ do jaejug reakʼ rạskạge hoyokʼtakoa. Onko do kusi ar rạskạte onako ńama, unre duk ar kũhrạukʼ dokin dạṛjoṅa.

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Jesaea 35:9

Onḍe do cele dhạcri kul hõ bako tahena, cele kaṭaha janwarko hõ ona horte do bako calakʼa; ar onko do onḍe ńelhõ bako ńelokʼ, menkhan eken chakʼḍao ńam hoṛge ona horteko taṛama,

Jesaea 42:15

Iń do buru boṭkocʼkoń jarkhara ar onḍenakʼ sanam aṛakʼ sakamkoń rohoṛ kạrcuba; ar gaḍako do ghuṭu otiń hoeocoya ar jolako doń ańjetʼ rohoṛa.

Jesaea 43:16

Probhu Isor do jalapuri talate hore benaoleda, ona khạndri dakʼ talate suṛucʼ horgeye benaoleda.

Jesaea 50:2

Ińiń hecʼlenre onḍe do cedakʼ okoege bako tahẽkana? Ińiń hoholetʼre goṅeń lạgitʼ do cedakʼ bako tahẽkana. Ape chaḍaope lạgitʼ ińakʼ ti do cetʼ ḍher khaṭogetińa? Ape bańcaope lạgitʼ cetʼ daṛe hõ komaogetińa? Ńelpe dhomoktege jalapuriń ańjetʼ ocoyeda ar gaḍakoń khaṅkhor ocoyeda; onaren hakoko do dakʼ begorteko seakʼ kana ar tetaṅteko gujukʼ kana.

Jesaea 62:12

Uniren hoṛko do, “Probhu Isor ńutumte begar ocoakan hoṛko men ocokʼa, metakʼme Probhuren chakʼḍao akan hoṛko.” E Jerusalem, am do, “Sendra ńam nagrahagem” men ocokʼa, metakʼme beretʼ ruạṛ akatʼ nagrahage.”

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Mikạ 7:15

Misor disạm khon oḍok hijukʼ reakʼ dinko leka am do hahaṛawakʼ kạmiko udukʼaleme.

Sakariạ 10:11

Iń do kosṭo reakʼ doreão talateń calakʼa ar doreão reakʼ ḍheokoń domona ar onate nil gaḍa reakʼ khạndri jaegako do rohoṛokʼa. Ạsur reakʼ bạḍại do rạputʼ ocokʼa ar Misor reakʼ ḍanṭao hõ sạṅgińokʼa.