Jesaea 50:2 - সান্তালী বাইবেল

² Ińiń hecʼlenre onḍe do cedakʼ okoege bako tahẽkana? Ińiń hoholetʼre goṅeń lạgitʼ do cedakʼ bako tahẽkana. Ape chaḍaope lạgitʼ ińakʼ ti do cetʼ ḍher khaṭogetińa? Ape bańcaope lạgitʼ cetʼ daṛe hõ komaogetińa? Ńelpe dhomoktege jalapuriń ańjetʼ ocoyeda ar gaḍakoń khaṅkhor ocoyeda; onaren hakoko do dakʼ begorteko seakʼ kana ar tetaṅteko gujukʼ kana.

Jesaea 50:2 Iomraidhean Croise

Genesis 18:14

Probhu Isor ṭhen bin leṭejokʼakʼ do cetʼge bạnukʼanaṅ. Hijukʼkan bochor niạ okte iń do arhõ am ṭheniń hijukʼa ar unre Sarawakʼ hoborre mitʼṭen koṛa gidrại tahena.”

2 Bõsbudạ 32:15

Ńitokʼ Hiskiạ do nonka alo baṛeye eṛepe are bulạupe ma. Uni do alope pạtiạuaea, ente jãhãe jạtren se jãhã rajosṭiren debota iń se ińren hapṛamkoakʼ ti khon acʼren hoṛko bae bańcao daṛeakatʼkoa. Enḍekhan tinạkʼ khạṭigea je, aperen debotako do ińakʼ ti khon bako bańcao daṛeapea mente.’ ”

Sereńko 106:9

Uniyakʼ hukumte arakʼ doreão do ańjetʼena; ar hahaṅkar talate calakʼ leka onko do jalapuri talateye parom idiketʼkoa.

Sereńko 107:33

Uni do gaḍakoe hahaṅkar ocoyeda, ar jharnako doe rohoṛ jaega ocoyeda,

Exodus 14:21

Tayomte Mose do jalapuri cetanre acʼakʼ tiye tiyạrketʼtaea; ar Probhu Isor do goṭa ńindạ mitʼṭecʼ purub reakʼ maraṅ hoeye ạguketʼte dakʼ doe bar hạṭiń ocokeda. Uni do dakʼe bar hạṭińketʼ khan jalapuri talate mitʼṭecʼ kuṭhạ̃ṛ hore tearkeda.

Exodus 14:29

Menkhan Israelko do tala horte kuṭhạ̃ṛgeko parom calaoena. Ar dakʼ do onko dene banar secʼ bhit leka teṅgo tahẽkana.

Exodus 7:18

Onate joto hakoko gujukʼa ar nonka bạṛicʼ so oḍokokʼa, Misorrenko do dakʼge bako ńũ daṛeakʼa.’ ”

Exodus 7:21

Unre gaḍaren sanam hakoko gocʼena ar nunạkʼ bạṛicʼ so oḍokokʼ ehopʼena, Misorrenko do dakʼge bako ńũ daṛeada. Ar Misor reakʼ sanam jaegarege mãyãm do ńelena.

Kạhtukko 1:24

Apeń hohowatʼpere ape do bape hetawatʼtińạ, ar tiyiń ạwilletʼre okoe hõ bape moneyada.

Jesaea 11:15

Probhu Isor do jalapuri reakʼ locoṅe marao utạra; uni do lolo hoete phurạt gaḍa cetanre acʼakʼ daṛeye uduga. Uni do onae hạṭińa ar eae goṭecʼ nalae benaoa, jemon hoṛko do panahe horokʼkateko parom daṛeakʼ.

Jesaea 19:5

Nil gaḍa reakʼ dakʼ do ańjetʼ rohoṛokʼa, ar gaḍako do rohoṛte paṛagokʼa.

Jesaea 23:11

Probhu Isor do jalapuri cetanre acʼakʼ tiye tiyạr akatʼtaea ar rajosṭikoe daldalao akada. Uni do Kanan disạm babotre mitʼṭecʼe hukum akada jemon ona reakʼ gaṛkoe marao giḍikakʼ.

Jesaea 36:20

Niạko disạmren sanam debotako hõ cetʼ ińakʼ ti khon apnarakʼ disạmko rukhiyạ daṛeakawada? Enḍekhan Probhu Isor do cetʼ ińakʼ ti khon Jerusaleme rukhiyại daṛeakʼa?’ ”

Jesaea 41:28

Ińiń beṅgetʼ ạcurketʼ khan celege bạń ńamletʼkoa; sopolha emokʼ lạgitʼ onko modre okoehõ bạnukʼkoa, one uniń kulile khan roṛ ruạṛe em daṛeạń.

Jesaea 42:15

Iń do buru boṭkocʼkoń jarkhara ar onḍenakʼ sanam aṛakʼ sakamkoń rohoṛ kạrcuba; ar gaḍako do ghuṭu otiń hoeocoya ar jolako doń ańjetʼ rohoṛa.

Jesaea 43:16

Probhu Isor do jalapuri talate hore benaoleda, ona khạndri dakʼ talate suṛucʼ horgeye benaoleda.

Jesaea 44:27

Athantar dakʼ doń metakʼa, ‘rohoṛokʼme; iń do amakʼ gaḍakoń ańjetʼ ocoya.’

Jesaea 51:10

Amge cetʼ khạndri jalapuri reakʼ dakʼ do bam ańjetʼ ocoleda? Amge cetʼ jalapuri bhitrite hor do bam tearleda one amren chaḍao akan hoṛko taṛam paromlen?

Jesaea 54:6

Am do bạgi giḍiyicʼ ar jiwi lokʼkantae maejiu lekagem hoyakana, ar juạn oktere bạgi giḍi akade bạhu lekagem hoyakana; menkhan Probhu Isor do arhõ ame hohowam kana. Iń amren Isorge niạ katha doń meneda.

Jesaea 59:1

Ńelpe, Probhu Isorakʼ ti do baṅ khaṭotaea abo bańcao bon lạgitʼ; uniyakʼ lutur hõ baṅ goṛdhotaea aboakʼ ańjomta bon lạgitʼ.

Jesaea 59:16

Uni doe ńelkeda are bhaṛoyena, ente hok reakʼ bicạr secʼ teṅgokʼ lạgitʼ do okoe hõ bạnukʼkoa; ar onatege uni do acʼakʼ daṛeanakʼ tite babańcao reakʼe kạmikeda ar uniyakʼ dhoromgeye teṅgo ṭarhaoadea.

Jesaea 63:13

okoe do jalapuri talate onkoe ạyur idiletʼko uni do okare menaea? Ar onatege onko do hahaṅkarre taṛametʼkan sadom leka bako tohotʼlena.

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.

Jesaea 65:12

apeakʼ likhạ do tarwaṛegeń hoeocoya, ar ape sanamkoge gur ocokʼ lạgitʼ hoṭokʼpe lahaetapea. Ente, iń do apeń hohowatʼpe tahẽkana menkhan bape goṅledińa, ińiń roṛleda menkhan bape ańjomletʼtińạ. Ińakʼ mẽtʼre ape do bạṛicʼakʼpe kạmi akada ar iń edre ocoyiń lạgitʼ onape bachao akawana.”

Jesaea 66:4

Onate iń do onko cetanre sạjạiyiń ạguiya ar onko okaṭakʼko botorakʼ onage onko cetanreń paṛao ocoya, ente ińiń hoholetʼre okoege bako goṅledeńa, ar kathań roṛletʼre hõ okoege bako ańjomletʼtińạ. Onko do ińakʼ mẽtʼre oka bạṛicʼakʼkan onageko kạmikana, ar okaṭakʼteń edrekʼ onageko bachao joṅkana.”

Jirimiạ 14:9

Cetʼ iạte am do andesale akan hoṛ lekam hoyakana, ar cetʼ iạte baṅ rurukhiyạ daṛe lạṛhại bir leka dom hoyakana? E Probhu Isor, ale talarege menama ar amren kangeale; am do alom bạgi giḍilea.

Jirimiạ 35:14

Rekabiạren hopon Jonadab do acʼren hoponko darkha rasa ńũiye baronletʼkoa ar onko do ona hukumko bataoleda. Ar teheń hõ onko do darkha rasa bako ńũiyeda, ente onko do akoren hapṛamkoakʼ hukumko bataoetʼkana. Menkhan iń do aema dhao apeń metatʼpe tahẽkanre hõ, ińakʼ katha do bape ańjomletʼtińạ.

Jirimiạ 35:15

Iń do ińren sanam gutiko, metakʼme nạbiko aema dhao ape ṭheniń kolletʼkoa. Onkoko metatʼpe tahẽkana, ‘bạṛicʼ hor khon ruạṛpe ar colonko bhageytape; ar debotako sewawako lạgitʼ do alope pańjakoa. Enḍekhan okaṭakʼ disạm do ape ar aperen hapṛamkoń em akatʼpe onḍepe thamgạḍi akanpe tahena.’ Menkhan ape do ińakʼ katha bape moneyada ar ańjom hõ bape ańjomleda.

Jirimiạ 5:1

Probhu Isore meneda, “Jerusalem reakʼ ḍaharkore onte note ńir baṛaepe ar beṛhaete beṅgetʼ ạcurpe. Onḍenakʼ nagraha reakʼ haṭ bajarkore khoj hataope. Ńelpe, nonkan jãhãepe ńamea se baṅa okoe do dhorom ar sạriyakʼreye dãṛãnkan enḍekhan iń do ona nagrahań ikạkakʼa.

Jirimiạ 7:13

Ape do noakope kại akada, metakʼme bar bar metatʼpere hõ ape ańjomletʼtińạ ar hohoatʼpere hõ bape goṅledińa.

Jirimiạ 7:27

“Am do noako katham galmaraoakore onko do amakʼ katha bako ańjomtama; arem hohoakore hõ onko do bako goṅama.

Jirimiạ 8:6

Iń do mone lagaokateń ańjomakada, onko do ṭhikakʼ katha bako roṛeda. Bạṛicʼakʼko khon mon ạcurkate okoehõ bako meneda, ‘hae, cetʼ iń cekakeda!” Sadom cetʼ leka lạṛhạireye ńir bolokʼkan onkage onko do apan ạpin horteko calakʼkana.

Daniel 3:15

Ńitokʼ ape do sakwa, tiriạ, binạ banam, peṛesaṅ, taranakʼ banam, joṛa murli ar sanam lekan bajna reakʼ saḍe ańjomkate ińren bekʼnaoicʼ murhutʼ ḍobokʼae lạgitʼ sapṛao akaepe tahen enḍekhan ma bhagege. Ar jodi bape ḍobog enḍekhan jolokʼkan bhaṭare unregepe khadle ocokʼa. Unre cele debota hõ ińakʼ ti khon do bako bańcao daṛeapea?”

Daniel 3:29

Ona iạte iń do noań hukumiń emetʼkana, jãhãn jạtren, disạmren se pạrsiren hoṛ jodi Sedrok, Mesak ar Abed-nego takoren Isor upạrte jãhãe jãhãnakʼe roṛ enḍekhan uni doe makʼ khanḍa khunḍi ocokʼa ar uniyakʼ oṛakʼ-duạr do guricʼ mande leka hoyokʼtaea, ente nonka do cele debotage bako babańcaoa.”

Daniel 6:20

Ar ona khandṛaṅ ṭhen senkate botorokʼ salakʼ Daniele hohoadea, “E jiwetʼ Isorren guti Daniel, jao okte okoeyem sewawae kan uni amren Isor do cetʼ dhạcri kulkoakʼ moca khone rukhiyạ akatʼmea?”

Daniel 6:27

Uni do rurukhiyạ are babańcaoa; uni do sermare ar dhạrtire hõ cinhạ lekate ạḍi lekan hahaṛa kạmikoe kạmikana. Uni do dhạcri kulkoakʼ moca khon Daniele rukhiyạ akadea.”

Hosea 11:2

Mekhan Israel tinạkʼ iń hohowade unạkʼge uni do iń ṭhen khon sạṅgińteye ocokʼ calaoena. Uniren hoṛko do Bakʼal debota ṭhen janwar dãṛẽko samaṅketʼkoa ar boṅga murhutʼko ṭhen dhup jeretʼko ehopʼena.

Hosea 11:7

Ińren hoṛko do iń ṭhen khon ruạṛ calakʼko niṭ akada. Ona iạte onko do maraṅ Isor, metakʼme ińko hohowạńre hõ bạń goṛowakoa.

Nạhum 1:4

Uni do jalapuriye dhomkaoetʼte onae ańjetʼ ocoyeda; ar gaḍako doe rohoṛ ocoyeda. Bason ar Karmel do gosokʼkana ar Lebanon reakʼ bahako do tolmojokʼkana.

Habakkuk 3:8

E Probhu Isor, gaḍako cetanre amakʼ edre do cetʼ caṛhao akana? Amakʼ edre do cetʼ gaḍako cetanrege paṛao akana? Am do cetʼ jalapuri cetanrem ạṛis akana? Ona iạte cetʼ am do amren sadomko ar amakʼ jit reakʼ rãt gạḍikorem decʼ baṛaekana?

Numeri 11:23

Probhu Isor do Moseye roṛ ruạṛadea, “Probhu Isorakʼ daṛe do cetʼ komgea? Ińakʼ katha amre sạrikana se baṅa ona do ńitgem ńela.”

Mark 4:39

Jisu doe beretʼena ar birbãoe dhomkaoketʼte doreãoe metatʼa, “Thirokʼme ar hapekʼme,” Onate hoe do thirgotʼena ar jotowakʼ ḍel ḍel nijhumena.

Johan 1:11

Uni do acʼrenko ṭhene hecʼlena, menkhan acʼren hoṛge bako ataṅledea.

Johan 3:19

Uni do dusi menteye lekha ocoakana ente dhạrtire marsal hecʼakana, menkhan manwakoakʼ kạmiko bạṛicʼgete manwa do marsal khon ńutge bạ̃ṛtiko dulạṛetʼkana.