Jesaea 50:1 - সান্তালী বাইবেল

¹ Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Jesaea 50:1 Iomraidhean Croise

1 Rapajko 21:25

Bạhuttetʼakʼ uskurte Probhu Isorakʼ mẽtre okaṭakʼ bạṛicʼakʼ kan onage kạmi lạgitʼ Ahab doe ạkhriń ocoakan tahẽkana. Uni leka ar okoehõ nonka do bako kạmiakada.

2 Rapajko 17:17

Onko do Apnarren gidrạko seṅgelreko khadleyetʼko tahẽkana. Arko janokʼkan tahẽkana ar cinhạko ńelte tayom daram reakʼ katha lại reakʼko hewakʼkan tahẽkana ar Probhu Isorakʼ mẽtʼre oka bạṛicʼakʼ kan ona kạmi lạgitʼko ạkhrińokʼkan tahẽkante Probhu Isorko khĩs ocoyede tahẽkana.

2 Rapajko 4:1

Ar cela-nạbiko modren mitʼṭen maejiu do ãṭ aṛaṅte Elisaeye metadea, “Amren guti ińren jãwãeye gocʼakan ona dom baḍaegea, uni do Probhu Isor botorae hoṛe tahẽkana. Menkhan ńitokʼ iń jãwãeren mitʼṭen paonadar do ińren hoponkin acʼren golame hoyocokine mente unkin idikin lạgitʼe hecʼakana.”

Nehemiạ 5:5

Ale do mitʼ jạtren hoṛkangeale ar aleren gidrạko hõ onkoren gidrạko leka kangeako enhõ aleren hoponko ar hoponerako do golam menkate emokʼ hoyokʼkantalea, ar aleren hoponerako modre adomko do laharege kạ̃ṛmĩko hoyakana. Ńitokʼ do cetʼ ektiạrige bạnukʼtalea, ente aleakʼ jaega-jumi ar darkha bagwan do eṭakʼ hoṛkoakʼ hoyakana.”

Ester 7:4

ente ale gocʼle ar marao utạrle lạgitʼte iń ar iń jạtren hoṛko dole ạkhriń akana. Ale do eken guti ar kạ̃ṛmĩ hoyokʼ lạgitʼle ạkhrińlen khan do hape akangeń tahẽkokʼa, ente onkan kosṭo reakʼ katha maharaj baḍae ocoye do lek baṅ tahẽkokʼa.”

Sereńko 44:12

Am do begor damtege amren hoṛkom ạkhriń akatʼkoa; ar noa iạte cetʼ amakʼ jãhãnakʼ lab hoyakantama?

Exodus 21:7

“Jãhãege acʼren hoponera golamini lekateye ạkhrińle khan, enḍekhan uni kuṛi do golamkoko oḍok calakʼ leka do bae oḍok calakʼa.

Jesaea 1:28

Menkhan huhulko ar kạikại hoṛ do jotoge mitʼ sãoteko maraokʼa, ar okoe Probhu Isorko bạgi akade onko doko caba utạrokʼa.

Jesaea 27:8

Uni do bicạrkateye oḍok giḍi akadea, menkhan bạ̃ṛti sạjại do bae em akawadea; purub reakʼ hoe leka uni doe oṭaṅ idiakadea.

Jesaea 43:27

Amren pạhil ạpum doe kạikeda; amren mańjha mańjhi hoṛ do iń reaṅko ghạṭkeda.

Jesaea 46:8

E kạiyanko, niạ katha disạ dohoype ar moneyakʼpe.

Jesaea 52:3

Probhu Isore meneda, “Begor damtem ạkhriń ocolena arhõ begor damtegem chaḍao ocokʼa.

Jesaea 54:6

Am do bạgi giḍiyicʼ ar jiwi lokʼkantae maejiu lekagem hoyakana, ar juạn oktere bạgi giḍi akade bạhu lekagem hoyakana; menkhan Probhu Isor do arhõ ame hohowam kana. Iń amren Isorge niạ katha doń meneda.

Jesaea 54:7

“Thoṛa ghạṛi lạgitʼ iń bạgiletʼmea, menkhan ạḍi mãyãkateń ruạṛ ạgumea.

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.

Jirimiạ 3:1

Probhu Isore meneda, “Jãhãe hoṛ acʼren bạhui bạgiye ar uni maejiu do uni ṭhen khon senkate eṭakʼ hoṛ tulucʼe baplakʼ, enḍekhan uni herel hoṛ do cetʼ arhõ uni maejiu ṭhene ruạṛ calakʼa? Uniye ruạṛ calaolen khan ona disạm do cetʼ baṅ bhonḍokʼa. Menkhan am do ḍherko sãote tahẽkate kusumbiko lekam laṭghaṭ akada; ar ńit do cekate arhõ iń ṭhenem ruạṛ hijukʼa?

Jirimiạ 3:8

Bạṛicʼ horte senakan Israel do bapag doleliń emade tahẽkana ar sanam lekan laṭghaṭ iạte uniń sạṅgiń giḍiledea. Menkhan iń doń ńelkeda uniren bepạtiạricʼ boeha kuṛi Jihudạ hõ jãhãn botorge bạnukʼtaea; uni hõ senkateye loṭghoṭikeda.

Jirimiạ 4:18

Amakʼ colon ar amakʼ sanam kạmiko iạtege noako do am upạrteko hecʼakana. Noa do amakʼ dusṭami reakʼ sạjạikana. Noa do ạḍitetʼ haṛhatʼgea; noa do amakʼ ontorre bitʼ akana.”

Hosea 4:5

E naekeko, ape do siń ar ńindạpe tohodokʼkana ar ape sãote nạbiko hõko tohodokʼkana. Onatege iń do aperen gogo Israel doń marao utạrea.

Levitikus 25:39

“Aperen jãhãe Israel boeha reṅgecʼ khạtirte apnartetʼe ạkhrińokʼ enḍekhan uni do golam lekate alope khaṭaoea.

Mathae 18:25

Uniyakʼ do halateakʼ cetʼ hõ baṅ tahẽkantaea. Onate kisạ̃ṛ doe hukumkeda uni ar uniren era hopon ar uniyakʼ menakʼakʼ jotowakʼko ạkhrińkate jemon paona ạdạiyokʼtae.

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?