Jesaea 5:7 - সান্তালী বাইবেল

⁷ Phạdkoren Probhu Isorakʼ darkha bagwan do Israel bõsren hoṛkoge; ar Jihudạren hoṛko do rạskạwanakʼ darkha nạ̃ṛĩge. Uni do hok bicạr reakʼe ńam baṛakeda menkhan mãyãme ńelkeda; uni do dhorom reakʼe ńam baṛakeda menkhan duk reakʼ rakʼe ańjomkeda.

Jesaea 5:7 Iomraidhean Croise

Genesis 4:10

Unre Probhu Isore menkeda, “Cetʼem ceka akada? Ńelme, ot khon amren boehawakʼ mãyãm do iń ṭhene rakʼeda.

2 Samuel 7:10

Ińren hoṛ Israelko lạgitʼ mitʼṭecʼ jaegań ṭhik dohoyte onḍege cara lekań rohoekoa, jemon onko do akoakʼ jaegare sulukteko girobas daṛeakʼ ar ińren hoṛ Israelko cetanre cakʼlaoyicʼ iń bahale tayom onko cetanre bạṛicʼ hoṛkoakʼ okako santao hecʼlen onka do ar bako daṛeakʼa. Iń do sanam bạirikoakʼ ti khon amiń rukhiyạmea. “ ‘Iń Probhu Isor do arhõń meneda, iń apnarge amren bõskoń teṅgo rakapʼkoa.

Jobakʼ 34:28

Onkoakʼ santao iạte reṅgecʼ hoṛkoakʼ rakʼ do uni samaṅre seṭerokʼkana; uni do laṅgaṭkoakʼ rakʼ joṅakʼe ańjometʼtakoa.

Sereńko 147:11

menkhan okoe uniko botorae ar uniyakʼ dulạṛre asko dohoyetʼ, onko iạtege Probhu Isor doe rạskạkʼa.

Sereńko 149:4

Ente Probhu Isor do acʼren hoṛko iạteye rạskạkʼa; uni do mạ̃hir hoṛko bańcaokateye manotkoa.

Sereńko 80:15

Okako poha do amakʼ titem rohoe akatʼ, ar okaṭakʼ reakʼ ḍạr do am lạgitʼem daṛe ocoakatʼ;

Exodus 3:7

Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

Kạhtukko 21:13

Okoe hoṛ reṅgecʼkoakʼ rakʼjoṅre luture tubetʼetʼtae, Uni do tinre acʼe rakʼ homora unre okoe hõ bako luturataea.

Sosolhayic̕ 4:1

Siń cando latarre oka santaoko hoyokʼkan ona secʼ mitʼ dhao beṅgetʼkateń ńelkeda santao ocokʼko doko rakʼeda, menkhan onko jiwi raṛecʼ emako lạgitʼ do celege bạnukʼkoa. Sasantaoko ṭhen do ektiạri menakʼa, menkhan santao ocokʼko jiwi raṛecʼ emako lạgitʼ do celege bạnukʼkoa.

Soros sereń 7:6

E dulạṛiạtiń, E hạ̃sanicʼ, am do ạḍitetʼgem mońjgea, ar ạḍitetʼgem cemkecʼgea!

Jesaea 1:21

Hae, kũạri nagraha, ona do kusumbi leka hoyakana! Mitʼ okte uni do hok reakʼ bicạrte perecʼe tahẽkana; unire dhorom tahẽkana, menkhan ńitokʼ do khũniạhikoko girobasokʼ kana.

Jesaea 1:6

Jaṅga talka khon bohokʼ upʼ hạbicʼ okare hõ niphuṭ do bạnukʼanaṅ, eken ghạl, dal reakʼ cinhạ ar ghaoko menakʼa. Ona do baṅ sapha akantapea se bedhao hõ baṅ hoyakana, ar sunum dulakʼte haso hõ baṅ komao akantapea.

Jesaea 27:2

Enhilokʼ niạ sereńko sereńa; “Sereńpe ona darkha bangwan reaṅ one oka khon rasa ńamokʼkan.

Jesaea 3:14

Probhu Isor do acʼren hoṛko modre haṛam hoṛko ar mukhiyạko upạrte bicạrkateye meneda, “Ape do ińakʼ darkha bagwanpe nosṭo akada; ar reṅgecʼ hoṛkoakʼ jinisko luṭkate apeakʼ oṛakʼtepe idiakada.

Jesaea 3:15

Cetʼ iạte ińren hoṛ dope lebetʼ kucạ akatʼkoa ar reṅgecʼ hoṛ dope lebetʼ gańjao akatʼkoa?” Niạ katha do phạdkoren Probhu Isorgeye meneda.

Jesaea 3:17

Ona iạte Probhu Isor do Sionren maejiuko bohokʼreye ńẽtʼkoa ar onate onko doko ceḍekʼa .”

Jesaea 30:12

Ona iạte Israelren uni sonoticʼ do niạ kathae meneda, “Ape do ińakʼ kathape nihạ̃t akada, ar eṛe ar sasantaoko cetanrepe bhorsakʼkana.

Jesaea 46:12

E keṭecʼ monan hoṛ, okoe do dhorom khon sạṅgińre menakʼpe, ińakʼ katha ańjomtińpe.

Jesaea 5:2

Uni do beṛhaeteye la ạcurkeda ar ona reakʼ dhirikoe ocokʼ giḍikada ar onare joto khon bhageakʼ darkha nạ̃ṛĩye rohoekeda. Uni do ona talare usulge pahra oṛakʼe benaokeda ar darkha lelen kunḍ hõ onareye kholaokeda. Ona tayom do bhage darkha jo lạgitʼe koyokʼ horkeda, menkhan onare do jojo darkha jo joyena.

Jesaea 59:13

Onako do hoyokʼkana, aleakʼ hul ar am baṅ aṅgocme, aleren Isor ṭhen khon sạṅgińte calakʼ, sasantao ar luṭ lạgitʼ uskạu ar mon khon eṛe katha phuṭạukate roṛ.

Jesaea 59:14

Ona iạte hokʼ reakʼ bicạr do pạc ruạṛ akana ar dhorom do sạṅgińre teṅgo akana; sạriyakʼtetʼ do horreye tohodokʼ kana, ar sojheteakʼ do baṅ bolo daṛeakʼ kana.

Jesaea 59:4

Okoe hõ hok reakʼ do bako mamblakʼ kana, okoe hõ dhorom salakʼ do bako okalotikʼ kana. Onko do ạuṛiyakʼregeko bhorsa joṅkana ar eṛe kathako roṛeda; onko do kukhire dusṭạmiko omon ocoyeda ar bạṛicʼakʼko jamaneda.

Jesaea 62:5

Cetʼleka mitʼṭen juạn koṛa do mitʼṭen kũạri kuṛiye baplaye onkage amren hoṛ do amko baplamea; ar cetʼleka jãwãe koṛa do bạhu kuṛi iạteye rạskạkʼ onkage Isor hõ am iạteye rạskạkʼa.

Jirimiạ 12:10

Aema gupiko do ińakʼ darkha bagwanko nosṭo akatʼtińạ ar jaṅgateko lebetʼ gasmanḍao akada; ińakʼ mońj bagwan do ujạṛakʼ ar hahaṅkargeko hoyoco akada.

Jirimiạ 24:2

Mitʼṭecʼ khạclạkʼre do pạhil beleakʼ loa leka bhage loa tahẽkana, ar eṭakʼ khạclạkʼre do ạḍi bạṛicʼ loa jo tahẽkana, ona do nunạkʼ bạṛicʼ tahẽkana je, okoege bako jom daṛeakʼa.

Jirimiạ 50:46

“Babel do dokhol akana.” Noa reakʼ saḍete dhạrti do dal dalaokʼa; ar jạt jạtrenko talare uniyakʼ rakʼ reakʼ aṛaṅ ańjomokʼa.

Jeheskel 22:29

Disạmren hoṛ doko jor jukʼlum kana arko rerecʼkana; reṅgecʼ orecʼko cetanreko behoketʼ kana ar dhorom bicạr baṅkate bidisiạko cetanreko sasantao kana.

Hosea 10:1

Israel doe alak balakokʼkan darkha nạ̃ṛĩ kana; onare do ḍher joge sapʼlena. Uni do joko tinạkʼ saṅge idiyentae unạkʼge pinḍko hõe ḍherkeda; ar disạm hõ tinạkʼ sahre idiyentae unạkʼge uni do mońj mońj boṅga khunṭikoe benaokeda.

Mikạ 6:12

Aperen kisạ̃ṛ hoṛko doko sasantaogea, ar ape hõpe ekʼṛegea ar apeakʼ moca hõ phạsiạragetapea.

Mikạ 6:8

E manwa, okaṭakʼ bhageakʼkan ona ma coṅ udukʼ akawatʼme. Hok reakʼem kạmi, dayam dulạṛ ar amren Isor tulucʼ nindhạntem taṛam chaḍa Probhu Isor do ar cetʼhõ coṅ am ṭhen khon ma bae khojkan.

Habakkuk 1:3

Cedakʼ dusṭami hoṛ ńelko lạgitʼ dom jorae moṭeńkana? Cedakʼ am do behokakʼem sahaoeda? Iń samaṅre jarkhar ar santao hoyokʼkana ar jhogṛa hõ jaoge hoyokʼkana.

Sephaniạ 3:17

Amren Probhu Isor do amrege menaea, ar rurukhiyạme lạgitʼ daṛe menakʼgetaea. Uni do am reaṅ ạḍiye rạskạkʼa ar uniyakʼ khạndri dulạṛ reakʼ tirpitokʼte uni doe thir hapekʼa. Ar am reaṅ rạskạteye sereńa.”

Mathae 23:23

“Hae, ape sostor baḍaeko, Phạrusiko ar phạsiạrako do! Ape do ṭhik lekage pudina, muhori ar jirạ reakʼ bhag do gel hạṭiń reakʼ mitʼ hạṭińge Isorpe emaekana; menkhan bicạr, mãyã, ar pạtiạr, okaṭakʼ do Moseyakʼ ạn-ạriko reakʼ arhõ jạruṛanakʼ kan ona dope bạgi oṭoakawada. Onate lahateakʼko são sãote tayomakʼko hõ manao lektapea.

Luk 18:7

Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma?

Johan 15:2

Ińre okako ḍạr baṅ jokʼ onako doe getʼ giḍikakʼa, ar oka ḍạrko jokʼkan onako doe kamana jemon arhõ bạ̃ṛti jokʼ.

Dosar Biboron 15:9

Sontorokʼpe, apeakʼ monre dusṭạmi hudis do alope rakapʼ ocoya je, eaeakʼ bochor, metakʼme rin khalas reakʼ bochor hecʼakana mente. Ar noa hudiskate reṅgecʼre paṛao akan boeha secʼ alope kurkunḍujokʼa ar eken ti alope bidạgotʼkaea. Arpe onkae khan uni do Probhu Isor ṭhen ape upạrteye raga ar bicạre khoja onate apepe behoketʼ iạte dusirepe paṛaokʼa.

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.