Jesaea 5:30 - সান্তালী বাইবেল

³⁰ Enhilokʼ onko do doreão reakʼ hud hud saḍe leka Probhu Isorren hoṛko cetanreko gondraokʼa. Jãhãege unre disạm secʼe beṅged enḍekhan uni do ńut ar kosṭogeye ńela; ar marsal hõ rimilte danaṅokʼte ńutokʼa.

Jesaea 5:30 Iomraidhean Croise

Sosolhayic̕ 12:2

Unre siń cando, ar marsal, ńindạ cando ar ipilkoko ńutokʼa, ar jạṛi dakʼko tayom rimil do arhõ ruạṛ hijukʼa.

Jesaea 13:10

Unre sermaren ipilko do marsal bako emokʼa; siń candoe rakabokʼ okterehõ ńutge tahena ar ńindạ cando hõ bae terdeja.

Jesaea 13:4

Ańjompe, buru boṭkocʼ cetanre ḍher hoṛkoakʼ sabadge ańjomokʼ kana. Ańjompe, sanam jạtren ar rajosṭiren hoṛ do jarwa mitʼkateko gulmaletʼkana. Phạdkoren Probhu Isor do lạṛhại lạgitʼ phạdkoe sajaoetʼkoa.

Jesaea 17:12

Hae, hae, jạt jạtrenkoakʼ hud hudạukʼ do ańjomokʼ kana! Ona do jalapuri reakʼ hud hudạukʼ lekage. Disạmrenkoakʼ hud hudạukʼge ańjomokʼ kana. Onko do ḍubạ dakʼ reakʼ hud hud saḍe lekageko andoṛeda.

Jesaea 30:6

Dạkhin disạmren janwarko reaṅ nạbi katha: onko goḍetko do kosṭo ar durdosate perecʼ disạm talate ar dhạcri kul ar kul eṅga, bisan biń ar uḍạukʼkan bińkoakʼ disạm talateko calakʼa. Onko do akoakʼ dhon-duribko gadhare ladekate ar damanakʼ jinisko do ũṭ deare ladekate onko jạtrenko ṭhenko idiya one okoe hotete jãhãn labge baṅ hoyokʼtako.

Jesaea 59:9

Ona iạte hok reakʼ bicạr do abo ṭhen khon sạṅgińre tahen kana ar dhorom do abo hạbicʼ baṅ seṭerokʼ kana. Abo do marsal bon khojkana, menkhan jotoge ńutgea; ḍig ḍig marsal bon khojkana, menkhan kaṛaṅ kucạṅ ńutre bon dãṛãnkana.

Jesaea 8:22

Ona tayom onko do ot secʼ beṅgetʼkate eken duk kosṭo ar ńutko ńela. Ar botoranakʼ ńutre onko doko sạṅgiń ocokʼa.

Jirimiạ 13:16

Ape do aperen Probhu Isor sarhaoepe, ar baṅkhan uni do ńute ạguapea ar ape do ńut hijukʼkan buru cetanrepe tohodokʼa. Marsal reakʼpe aslenre hõ uni do ńute hoeocoya, ar ona do kaṛaṅ kucạṅ ńutge hoyokʼa.

Jirimiạ 30:5

“Iń Probhu Isorgeń meneda, suluk reakʼ aṛaṅ do baṅ bickom toras reakʼ ãṭ aṛaṅge ańjomokʼ kana.

Jirimiạ 50:42

Onko do akʼ sar ar tarwaṛe sasapʼko kanako; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ, jalapuri reakʼ hud hud saḍe leka onkoakʼ sabad do; E Babel kuṛi, onko do lạṛhại reakʼ sajbajte amre jhãp em lạgitʼko hijukʼkana.

Jirimiạ 6:23

Onko ṭhen do akʼ sar ar borlom menakʼa; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ onkoakʼ sabad do jalapuri reakʼ hud hud saḍe leka; E Sionren hoponera, onko do amre jhãp em lạgitʼ lạṛhại bir lekako thạrakana.”

Rak̕joṅ 3:2

Uni doe laga ńir akadińạ; marsalre do baṅ, menkhan ńutreye taṛam ocoakadińạ;

Jeheskel 26:3

Ona iạte iń Probhu Isorgeń menetʼkana, ‘E Tur, am secʼ do bạnuńa. Jalapuri cetʼ leka ḍheokoe rakapʼ ocoy onkage iń hõ am upạrte ḍher jạtrenkoń ạgukoa.’

Joel 2:10

Onko samaṅre dhạrti do dal dalaokʼa, serma hõ thạl thạlokʼa, siń cando ar ńindạ cando dokin ńutokʼa ar ipilko hõ bako terdeja.

Amos 5:18

Hae ape do! Ape do ahkaokʼ salakʼ Probhu Isorakʼ din ńeljoṅpe khojkana! Ar cedakʼ ona din lạgitʼ dope gorojokʼkana? Ape ṭhen ona din do marsal reakʼ do baṅ hoyokʼa menkhan ńut reakʼge hoyokʼa.

Amos 8:9

Probhu Isore menetʼkana, “Enhilokʼ tikin jokhecʼ siń cando doń hạsur ocoyea ar siń marsalrege dhạrti doń ńut ocoya.

Mathae 24:29

“Onako din reakʼ santao tayomge siń cando doe ńutokʼa, ar ńindạ cando do bae terdeja, ipilko hõ coṭ khonko ńurokʼa ar siń cando, ńindạ cando, ar ipilko do bako ṭarhao tahena.

Johan sodor 6:12

Ona tayom iń ńelkeda, uni do turuiyakʼ mohor chape raṛaketʼ khan ạḍi ãṭ dhạrti laṛaoena. Siń cando do ekalteye hende cabayena ar ńindạ cando do mãyãm lekae arakʼena.