Jesaea 5:18 - সান্তালী বাইবেল

¹⁸ Hae, onko hoṛ do, one okoe do eṛeteakʼ baberte behok reakʼko or idiyetʼ ar kại do sagaṛ reakʼ baberte.

Jesaea 5:18 Iomraidhean Croise

Sereńko 10:11

Uni do mone moneteye meneda, “Isor doe hiṛiń akada; uni doe dea giḍiakada, ar tishõ bae ńeńela.”

Sereńko 14:1

Bebuj hoṛ doko mena Isor do bạnugicʼan. Onkoakʼ sobhab do bạṛicʼgea ar kạmiko hõ hirkhạgetakoa. Bhageye kạmikan hoṛ do okoe hõ bạnukʼkoa.

Sereńko 36:2

Onko do ako reaṅ cikạ̃ṛ cikạ̃ṛ kathako roṛa, Isor do onkoakʼ kại bae sabtakoa, ar hirkhạ mẽtʼte hõ bae ńelkoa.

Kạhtukko 4:17

Phạsiạratetʼ do onkoakʼ jomakʼ ar santao do onkoakʼ ńũńũakʼ kana.

Jesaea 28:15

Ape do bạḍạitepe meneda, “Ale do moron ar Sheol sãote mitʼṭecʼ bondobosle bandhao akada. Maraokʼ reakʼ cạbuk pheḍ hecʼlenre hõ ale do bae tiyokʼlea, ente eṛeteakʼ do aleakʼ hirlạ ar phikir do aleakʼ asraygele benao akawana.”

Jirimiạ 23:10

Laṭghaṭkote disạm do perecʼ akana; sarap iạte disạm doe hińjrạukʼkana ar hahaṅkar reakʼ ạtiń ṭạnḍiko do rohoṛ akana. Hoṛko do bạṛicʼ horteko sen akana ar onkoakʼ ektiạri do behokakʼteko boeharetʼa.

Jirimiạ 23:14

Ona chaḍa Jerusalemren nạbiko talare do noa botoranakʼ jinisgeń ńelakada, onko do laṭghaṭ ar eṛeyakʼre jionko khemaokana. Onko do sasantaokoakʼ tiko keṭecʼetʼtakoa jemon dusṭạmi khon okoe hõ aloko ruạṛ daṛeakʼ. Onko sanamkoge iń ṭhen do Sodom ar Gomoraren hoṛ lekako hoyakana.

Jirimiạ 23:24

Jãhãege cetʼ nonkan danaṅ jaegareye oko daṛeakʼa okare bạń ńelńam daṛeae? Iń do serma ar ot reakʼ sanam ṭhạ̃irege cetʼ bạń tahẽnkana?”

Jirimiạ 36:23

Jehudi do ona puthi khon pe pon sakame paṛhaoketʼ khan raj do olokʼicʼakʼ churite ona hĩskoe getʼ kuṭrạkeda ar seṅgelreye khadlekeda; nonkate purạ puthige seṅgelteye atar giḍikada.

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jeheskel 13:22

Okoe dhorom hoṛko bạń duk ocoakawatʼko, ape do eṛe kathate onkope as chuṭạu ocoakatʼkoa ar dusṭạmi hoṛ dope cehao akatʼkoa jemon onko do jiwi bańcaotako lạgitʼ bạṛicʼ hor khon aloko ruạṛ hijukʼ.

Sephaniạ 1:12

Unre iń do diuheante Jerusalem reakʼ sanam ṭhạ̃ire khojiń hataoa ar okoe do apnartetʼ tirpit akae tahenteye men, ‘Probhu Isor do bhage bạṛicʼ cetʼge bae cekaea,’ onko doń sạjạikoa.

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Aposkạmi 26:9

“Iń do apnargeń pạtiạukʼkan tahẽkana, Nasaretren Jisu upạrte okań daṛeakʼ ona jotoge kạmi lek tińạ mente,

Bikʼcạrko 17:13

Mikại menkeda, “Mitʼṭen Liwi tinre ińren naekeye hoyakana unre ińiń baḍaea, Probhu Isor do ińakʼe bhạlạiytińạ.”

Bikʼcạrko 17:5

Mikạwakʼ do mitʼṭecʼ mundil tahẽkana. Uni do mitʼṭecʼ ehpod ar debota muṭhạnko benaokate acʼren mitʼṭen hopon do naeke hudạreye dohokedea.