Jesaea 5:16 - সান্তালী বাইবেল

¹⁶ Menkhan phạdkoren Probhu Isor do dhorom reakʼe bicạra are usulokʼa; sonoticʼ Isor do acʼakʼ dhorom iạte sonot menteye sodorokʼa.

Jesaea 5:16 Iomraidhean Croise

1 Bõsbudạ 29:11

E Probhu, ṭhonokʼ, daṛe, jakjomok, jitạu ar sarhao do amakʼge, ente serma ar dhạrti reakʼ jotowakʼge amakʼ kana. E Probhu Isor, am do sanamakʼ cetanrem rajokʼkana; amakʼ ṭhạ̃i do sanamko cetanrege.

Sereńko 21:13

E Probhu Isor, amakʼ daṛetege sodorokʼme; ale do amakʼ daṛe reakʼle sarhaotama arle sereńa.

Sereńko 46:10

Probhu Isore meneda, “Thirokʼpe; ar noa katha baḍaepe je, iń kangeạń Isor do; sanam jạtrenko do ińko sarhaoińạ, ar dhạrti hõ ińe sarhaoińạ.”

Sereńko 9:16

Dhorom bicạr hotetege Probhu Isor doe baḍae ocokʼkana; bedhoromko do akoakʼ kạmitegeye jhạliyetʼkoa. (Sela)

Jesaea 12:4

Ape do enhilokʼpe mena, “Probhu Isor sarhaoepe, ar uniyakʼ gun reakʼ katha lại pasnaope; uni okae ceka akatʼ ona do sanam jạtrenko baḍae ocokope ar lại pasnaope, uni doe maraṅ utạricʼ kana.

Jesaea 2:11

Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.

Jesaea 2:17

Manwakoakʼ gorbokʼ do copotʼ ocokʼtakoa ar hoṛkoakʼ bạḍại hõ copotʼ ocokʼa. Enhilokʼ do eken Probhu Isorgeye manot ocokʼa,

Jesaea 2:9

Onatege hoṛko doko tumbutʼ ocokʼa ar sanamkogeko copotʼ ocokʼa. Onko do alogem ikạkoa.

Jesaea 28:17

Hok reakʼ bicạr do jokha baber ar dhorom do sạhul baberiń benaoa; arel do apeakʼ eṛeteakʼ hirlạkoe marao tapea, ar ḍubạ dakʼ do apeakʼ okoakʼ asraye cape iditapea.

Jesaea 29:23

Tinre onko do ako talare ińakʼ ti reakʼ kạmi, metakʼme akoren gidrạkoko ńelkoa unre sonoticʼ menteko manaoińạ. Jakobren uni sonoticʼ do sonot menteko aṅgocea ar Israelren Isorko botoraea.

Jesaea 30:18

Enhõ Probhu Isor do ape dayawape lạgitʼe koyokʼ horakada; uni do ape mãyãwape lạgitʼe sapṛao akana. Probhu doe dhoromren Isor kana; okoe uni lạgitʼ koyokʼ hor akaeko tahen onko doko bhạgangea.

Jesaea 33:10

Probhu Isore meneda, “Ńitokʼ doń teṅgokʼa, ńitokʼ doń usul ocokʼa, ńitokʼ do ińakʼ ṭhonok sodorokʼtińa.

Jesaea 33:5

Probhu Isor doe dayawạnicʼ kana! Uni do sermareye tahenkana; Sion do hok reakʼ bicạr ar dhoromteye perecʼ akada.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Jesaea 6:3

Onko do hohowateko menjoṅ kan tahẽkana, “Phạdkoren Probhu Isor doe sonot, sonot, sonotgea; Goṭa dhạrti do uniyakʼ ṭhonokte perecʼgea.

Jesaea 61:8

Probhu Isore meneda, “Iń do hok reakʼ bicạrgeń kusiyakʼa ar luṭakʼ ar behokakʼ doń kurudakʼ kana. Ińakʼ pạtiạrtetʼre kuṛạiyiń emakoa ar jaejug lạgitʼ mitʼṭecʼ bondobosiń bandhaoa.

Jesaea 8:13

Phạdkoren Probhu Isor do sonot mente hudisepe; unige botoraepe; ar unige botoranicʼ mente hudisepe.

Jeheskel 20:41

Iń do boṅgan hoṛ jạtrenko tala khon tinreń oḍok ạgupea ar okako disạmrepe pasnao akan onḍe khoniń jarwapea unre jut so mosola lekate apeń ataṅpea. Unre ape hotete jạt jạtrenko baḍae daṛeakʼa iń kangeạń sonoticʼ do.

Jeheskel 28:22

Probhu Isore menetʼkana, ‘E Sidon, iń doń am upạrten kana; am upạrte okań cekae onate ińakʼ ṭhonok do sodorokʼa. Iń do tinre amiń sạjạimea ar am talare ińakʼ sonottetʼ iń sodortińạ unre amren hoṛko baḍae daṛeakʼa, ińkangeạń Probhu Isor do.

Jeheskel 28:25

“Eṭakʼ jạtrenko talare chirchạtur akan Israelko tinreń jarwakoa unre jạt jạtrenkoakʼ mẽtʼãhã samaṅre onko talare ińakʼ sonottetʼ iń sodora. Unre onko do akoakʼ ona disạmreko girobasokʼa one okaṭakʼ disạm do ińren guti Jakob iń emade tahẽkan.

Jeheskel 36:23

Okaṭakʼ ńutum do jạt jạtrenko talare besonot hoyakan ona ińakʼ maraṅ ńutum reakʼ sonottetʼ iń do apeń udukʼapea; ente onko talare ape do ona ńutumpe besonot akada. Iń do onkoakʼ mẽtʼãha samaṅre ape hotetege ińakʼ ńutumiń sonot ocoytińạ ar unre jạt jạtrenko baḍae daṛeakʼa, ińkangeạń Probhu Isor do.

Jeheskel 38:16

Am do rimil leka disạmem dapal eseda ar ińren hoṛ Israelko upạrtem rakapʼ hijukʼa. E Gog, mucạtʼre ińakʼ disạm upạrte amiń ạgumea. Unre iń do jạt jạtrenkoakʼ mẽtʼãhã samaṅre iń apnartetʼ do am hotete sonot menteń udugokʼa jemon onko do ińko baḍae daṛeạń.

Jeheskel 38:23

Ar nonkate iń do jạt jạtrenkoakʼ mẽtʼãhã samaṅreń sodorokʼa; ar dhorom ar sonotgeń sodora. Unre onkoko baḍae daṛeakʼa, ińkangeạń Probhu Isor do.’

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

Numeri 20:13

Ar ona dakʼ do Meribako metatʼa (metakʼme, “Jhogṛa”). Nonḍe Israelko do Probhu Isor tulucʼko jhogṛayena ar Probhu Isor do nonḍege onko talare apnarakʼ sonottetʼe sodorkeda.

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

1 Patras 1:16

Sonot sostorre Isore menakada, “Ińiń sonotgete ape hõ sonotko hoyokʼpe.”

1 Patras 2:15

Isorakʼ sana do noage, ape do bhage kạmite lelha hoṛkoakʼ bebuj kathako jemonpe cabaetako.

1 Patras 3:15

bickom Mạsi do apeakʼ ontorre Probhu Isor mente jaega emaepe. Apeakʼ as ar bhorsa reaṅ jãhãeko kulipe khan, enḍekhan roṛ ruạṛako lạgitʼ jaoge sapṛao akae tahenpe, menkhan ona reakʼ roṛruạṛ do mạ̃hir ar bhodro salakʼ emakope.

Johan sodor 3:7

“Philạḍelphiạ nagraha reakʼ manḍerren goḍet ṭhen noa katha olme: Okoe do sonot are sạriyicʼkan, ar okoe ṭhen Dạudakʼ choṛan menakʼ, one uniye jhicʼlere okoege bako siń daṛeakʼ are sińlere okoe hõ bako jhicʼ daṛeakʼ,

Johan sodor 4:8

Noko ponea jiwiyanko do hoṛo hoṛo turui goṭecʼkate phạ̃kṛạ̃kʼ ar sanam jaegakore mẽtʼkote perecʼ tahẽkantakoa. Onko do siń ńindạ mitʼ kathageko roṛetʼ tahẽkana, “Sanam daṛeanicʼ Probhu Isor, okoe doe tahẽkan, okoe do menaege, okoe doe hijukʼkan uni doe sonot, sonot, sonotgea.”