Jesaea 5:14 - সান্তালী বাইবেল

¹⁴ Ona iạte patal puri do acʼakʼ nạnḍriye osar akatʼtaea, ar moca do maraṅ okocʼe cahapʼ akada. Ar manotanko ar disạm hoṛko, jhogṛakʼko, gulmaletʼ hoṛko jotoge onḍeko ńurokʼa.

Jesaea 5:14 Iomraidhean Croise

Sereńko 49:14

Bhiḍi palko cetʼleka niṭ akatʼ khạṛreko idi ocokʼ, onkage niṭ akatʼ patal purire onko hoṛ hõko idi ocokʼa; onḍe do gujukʼge onkoren gupiyicʼe hoyokʼa. Din reakʼ etohopʼrege Isor botoraekan hoṛ do onko cetanreko jitạukʼa; ar patal puri do onko hoṛkoakʼ hoṛmoe jomtakoa; onkoakʼ tahen reakʼ jaega do ar cetʼge baṅ tahena.

Sereńko 55:15

Ińren bạiriko cetanre ackage moron baṛe hijukʼma; onko do jiwetʼtege patal puriteko calakʼma, ente oṛakʼ duạrre hõ onkoakʼ do bạṛicʼakʼ menakʼa.

Kạhtukko 1:12

Onko do jiwetʼ hoṛmowante cetʼleka patal purite, metatʼme ona khạndṛuṅteko pheḍokʼkan, onkage dela, abo do jiwetʼte onko bon utʼgotʼkakoma;

Kạhtukko 27:20

Sheol ar Norok cetʼleka tishõ bakin tirpitokʼ, onkage manwawakʼ mẽtʼ hõ baṅ tirpitokʼa.

Kạhtukko 30:16

Sheol, bạńhi maejiu ar jumi, dakʼte onako do tishõ baṅ bikʼa, ar seṅgel, ona do tishõ bae mena, “Inạkʼge,”

Jesaea 14:11

“Amakʼ sanam ṭhonok do Sheolte giḍi ocoakana; ona sãote amakʼ binạ banamko reakʼ saḍe hõ giḍi akana. Am latarre do tejoko menakʼkoa onko do amko thoprom esetʼ akatʼmea.

Jesaea 14:9

“Sheoltem calakʼkante Sheolren hoṛko do am tulucʼ ńapamokʼ lạgitʼ ạḍiko asbasao caba akana. Onate gocʼkoren jiu do am daram idime lạgitʼko beretʼ akana. Okoe niạ dhạrtiren mukhiyạko tahẽkan onko jotogeko beredokʼ kana; ar okoe do jạtrenko cetanre rapajko tahẽkan onko sanamkoge siṅghạson khonko beredokʼ kana.

Jesaea 21:4

Ińakʼ ontor do dhak dhakaokʼ kantińạ; botorteń thar tharaokʼ kana. Oka ńindạ lạgitʼ iń koyokʼ horakatʼ tahẽkan ona do ńitokʼ botoranakʼge hoyakantińạ.

Jesaea 24:8

Toblako reakʼ saḍe ar andoṛetʼko reakʼ sabad ar peṛesaṅ reakʼ rạskạ do caba utạrokʼa.

Jesaea 30:33

Ente jolokʼkan jaega do laharege tear ṭhik akana; ona do raj lạgitʼ sapṛao akana. Ona jaega do khạndri ar osarge benao akana, ar onare seṅgel lạgitʼ ḍher sahanko menakʼa. Probhu Isorakʼ sahẽtʼ do jolokʼkan gondhok ạtukʼ leka onare seṅgele jereda.

Jeheskel 7:12

Okte do hoyena, din hõ seṭerena. Onate jumi kirińetʼkan hoṛ do aloko rạskạkʼma ar ạkhrińetʼko hõ aloko dukokʼ ma, ente onko sanamko cetanre edre do seṭerakana.

Daniel 5:30

Ar enhilokʼ ńindạge Babelren raj Beltsasar doe makʼ gocʼ ocoyena,

Nạhum 1:10

Ape do jạnum jhạuạrepe ramphakʼa ar darkha rasa ńũtepe bulokʼa; ar lanḍha lekape lokʼa.

Habakkuk 2:5

Bạḍạite perecʼ Babel sãote darkha rasa doe bepạtiạr akada, uni doe andesale ocoyedekana. Uni do Seoulre leka lalocicʼ ar gujukʼicʼ leka tishõ bae tirpitokʼa; uni do sanam jạtrenko acʼ ṭhene jarwayetʼkoa ar bondikateye idiyetʼkoa.

Mathae 7:13

“Sakṛa duạrte bolokʼpe, ente okaṭakʼ hor bạṛicʼ secʼe idipe ona reakʼ duạr do osargea ar hor hõ phaelaogea. Ar ḍher hoṛge onateko bolokʼ kana.

Luk 17:27

Ente Noha do jahajre ạuriye bolokʼ hạbicʼ ar ḍubạ dakʼ hecʼkate sanamko ạuriye maraoko hạbicʼ hoṛko doko jom ńũiyetʼ tahẽkana, bạhu joṅkan tahẽkanako arko jãwãeyokʼkan tahẽkana.

Luk 21:34

“Sontor akae tahenpe, jemon apeakʼ mon do rij roṅ, ńũ bulokʼ ar gharońj reakʼ dạndite ten alo tahentape.