Jesaea 5:13 - সান্তালী বাইবেল

¹³ Onate buj bạnukʼtako iạte ińren hoṛko do eṭakʼ disạmre bondi akanko tahena. Onkoren manotan hoṛ do reṅgecʼteko gujukʼa, ar onkoren eṭakʼko hoṛ do tetaṅteko chaṭ chaṭaokʼa.

Jesaea 5:13 Iomraidhean Croise

2 Rapajko 17:6

Hoseawakʼ rajokʼ areyakʼ bochorre Asurren raj do Samariạ hatkate Israelko Asurteye bondi idiketʼkoa. Uni do Halare, Haber gaḍa aṛe Gosan ṭoṭhare ar Mediạkoakʼ nagrahakoreye girobas ocoketʼkoa.

Kạhtukko 10:21

Isor botoraekoakʼ luṭi do ḍher hoṛgeye ńeljutkoa, menkhan ạkil begorte bebuj hoṛ doko gujukʼa.

Jesaea 1:3

Ḍaṅgra do acʼren kisạ̃ṛe oromedea, gadha hõ acʼren mạlikakʼ nandware oromeda, menkhan Israel do acʼren mạlik bae baḍaeyede kana, ar ińren hoṛ hõ iń do bako bujhạu edeńkana.”

Jesaea 1:7

Apeakʼ disạm do ujạṛ akantapea, nagrahako do seṅgelte jarkhar akana. Apeakʼ khetko reakʼ phosolko do apeakʼ mẽtʼ samaṅrege porjạtrenko luṭ idiyetʼ kana; ar bidisiạko do disạmko jarkhar akada.

Jesaea 23:9

Uniyakʼ sanam bạḍạiko maraotae lạgitʼ ar dhạrtiren manotan hoṛko bemanotko lạgitʼ phạdkoren Probhu Isorge niạ doe goṭa doholetʼ tahẽkana.

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Jesaea 3:1

Ńitokʼ ńelme, phạdkoren Probhu Isor do Jerusalem ar Jihudạ khon ṭheṅga ar ṭhesae ocokʼeda. Uni do onkoakʼ sanam jomakʼ ar dakʼkoe ocoga.

Jesaea 3:3

mõṛẽgel cetanren subedarko ar manotan hoṛko, jạdu udukʼko ar biń sasapʼkoe sạṅgińkoa.

Jesaea 44:19

Okoe hõ bae hudisokʼkana; ar okoeyakʼ hõ bud ar ạkil baṅ do bạnukʼte oneye men, “Iń do niạ reakʼ mitʼ hĩste seṅgel iń jol akada, ar ona reakʼ koela seṅgelte piṭhạń rapakʼ akada ar jel hõń rapakʼkeda ariń jom biyena. Enḍekhan niạ reakʼ sarecʼ hĩste do cetʼ hirkhạwanakʼ jinisiń benaoa? Kaṭ munḍhạtʼ samaṅre cetʼ iń doń ombagokʼa?”

Jesaea 49:21

Unre am do mone monetem mena, ‘noko do okoeye janam akawạdińa? Iń do hoponkoń atʼletʼkote bạńjhi lekań hoylena; ariń sạṅgiń ocolena; iń doń ńir baṛaekan tahẽkana. Enḍekhan noko do okoeye ạsul haraketʼkoa? Iń ma coṅ eskargeń giḍi ocolen, menkhan noko? Noko do oka khonko hecʼakana?’ ”

Jesaea 65:13

Onatege Probhu Isor doe meneda, ‘ińren golam doko joma, menkhan ape do reṅgecʼtepe gujukʼa; ińren golamko do dakʼko ńũiya, menkhan ape do tetaṅpea; ińren golam doko rạskạkʼa, menkhan ape dope lajao ocokʼa.

Jirimiạ 14:18

Bahreteń oḍok calakʼkan khan iń do mạ̃ṛĩkoń ńeleda; ar nagrahateń bolokʼkan khan do akalte kosṭokʼkan hoṛkoń ńeletʼkoa. Naeke ar nạbiko do nonkan disạmreko dãṛãbaṛae kana one ona reaṅ cetʼge bako baḍaekan.’ ”

Jirimiạ 14:3

Lekman hoṛ do dakʼ lạgitʼ akoren gutikoko koletʼkoa; menkhan onko do dakʼ reakʼ ṭhạ̃ite hecʼkate dakʼ bako ńametʼkante eken kanḍawategeko ruạṛ calakʼ kana; onko do lajao arko as chuṭạu akante bohokʼko poṭom esetʼ akatʼtakoa.

Jirimiạ 8:7

Kisni hõ acʼakʼ niṭakatʼ okteye baḍaekana, mala potam, bhạluạ ar kõkʼ hõ akoakʼ ruạṛ hijukʼ reakʼ okteko baḍaekana, menkhan ińren hoṛko do ińakʼ ạn-ạri secʼ bako moneyakʼ kana.

Rak̕joṅ 4:9

Akalte gujukʼ khon tarwaṛete gujukʼge bhagea; ińren hoṛko do khet reakʼ phosol ṭonṭate reṅgecʼ jalateko ạsitʼ cabakʼkana.

Jeheskel 7:12

Okte do hoyena, din hõ seṭerena. Onate jumi kirińetʼkan hoṛ do aloko rạskạkʼma ar ạkhrińetʼko hõ aloko dukokʼ ma, ente onko sanamko cetanre edre do seṭerakana.

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

Amos 8:13

Enhilokʼ ńelokʼte mońj juạn kuṛiko ar daṛean juạn koṛako do ona katha lạgitʼ tetaṅteko loraokʼa.

Luk 19:44

Onko do am ar amre menakʼko sanam hoṛ sapʼkate otreko tawakʼkoa ar amre do dhiri cetan dhiri hõ baṅ tahena, ente Isore hiriletʼme okte do bam baḍae oromlakʼa.”

Romiko lạgitʼ Pạul Apostolakʼ ciṭhi 1:28

Nonkate manwa do Isor bako manaoedete Isor hõ kại monreye soprotkatʼkoa, ar onatege manwa do be ṭhikakʼko kạmikana.

2 Patras 3:5

Noko hoṛ do dikhitegeko hiṛińeda baṅma, sedaere Isorakʼ kathatege serma do sirjạulena ar dakʼte ar dakʼ khonge dhạrti hõ sirjạulena mente.