Jesaea 49:5 - সান্তালী বাইবেল

⁵ Probhu Isor do acʼren golame hoeocoyiń lạgitʼ kukhireye benaoledińạ jemon Jakob do uni ṭheniń ạgu ruạṛe ar Israel do uni ṭhenko jarwakʼ. Iń do Probhu Isor nońjorreń manot ocoakana ar ińren Isor do ińakʼ daṛegeye hoyakana.

Jesaea 49:5 Iomraidhean Croise

Nehemiạ 8:10

Nehemiạ do onkoe metatʼkoa, “Ape do senkate bhage bhage jomakʼ ar heṛem heṛemakʼ darkha rasa ńũipe ar okoeyakʼ jomakʼ bạnukʼtako onko hõ thoṛa emakope. Teheńakʼ din do aboren Probhu Isor ńutumte sonotakʼ din kana. Ar alope dukokʼa, ente Probhu Isore emakʼ rạskạge apeakʼ daṛe do.”

Jesaea 11:12

Uni do jạtrenko lạgitʼ mitʼṭecʼ jhạnḍiye rakaba ar bidesre bondi akan Israelkoe jarwakoa; ar Jihudạren chirchạtur akan hoṛko pirthimi reakʼ beṛhae khone jarwakoa.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Jesaea 25:1

E Probhu, am kangeam ińren Isor do; iń do amgeń sarhaomea ar amakʼ ńutumgeń õṛhẽytama. Oka hahaṛawakʼ kạmiko ḍher din khonem goṭa akatʼ ona do amge purạ pạtiạr salakʼem kạmi akada.

Jesaea 27:12

E Israelko, enhilokʼ ạtu calakʼkan phurạt gaḍa khon Misor reakʼ rohoṛ gaḍa hạbicʼ Probhu Isor do anaj lekae en pea ar ape mimitʼko dope samṭao ocokʼa.

Jesaea 43:4

Am bodolte iń do eṭakʼ hoṛkoń emokʼa ar amakʼ jiwi bodolte eṭakʼ jạtrenkoń emokʼa, ente ińakʼ nońjorre am dom damangea arem manotgea, ar iń do amiń dulạṛetʼmea.

Jesaea 44:2

Probhu Isor, okoe do ame sirjạu akatʼme, okoe do eṅgamakʼ kukhireye gaṛhaoletʼme ar one uniye goṛowam, uni do niạ kathae meneda, ‘E ińren golam Jakob, ar ińiń bachao akawan Jisurun, am do alom botorokʼa;

Jesaea 49:1

E sạṅgiń disạmren hoṛko, ińakʼ katha ańjompe; E sạṅgiń jạtrenko, luturakʼ tińpe. Probhu Isor do kukhi khone ḍakao akadińạ; ar eṅgạńakʼ hoṛmoreń tahẽkan khonge uni do ińakʼ ńutume ńum akatʼtińa.

Jesaea 50:4

Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.

Jesaea 52:13

Probhu Isore meneda, “Ńelpe, ińren guti doe jo bahakʼa. Uni doe rakapʼ ocokʼa ar ạḍitetʼe maraṅokʼa.

Jesaea 56:8

Probhu Isor, okoe do chirchạtur akan Israelkoe jarwako uni do noa kathae meneda, “Okoe lahareko samṭao ocoakan onko sãote iń do eṭakʼ jạtren hoṛko hõń samṭao jarwakoa.”

Jirimiạ 1:5

“Eṅgamakʼ kukhire ạuriyem gaṛhaokʼrege iń do amiń bachao akatʼmea. Ar amakʼ janam ạurirege iń do amiń begar doho akatʼmea ar jạtrenko ṭhen nạbi lekateń dohoakatʼmea.”

Sakariạ 6:13

Hẽ, unige Probhu Isorakʼ oṛakʼe benaoa. Uni do rajakʼ manote emocokʼa ar acʼakʼ siṅghạsonre duṛupʼkateye ḍanṭaokoa. Uni do mitʼṭecʼ naeke lekate siṅghạsonreye duṛupʼa ar onate noakin banar hudạ talare begartetʼ do baṅ tahena.’

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.

Mathae 15:24

Jisui roṛ ruạṛatʼkoa, “Iń do eken Israel bõsren atʼ akan bhiḍiko ṭhengeń kol ocoakana.”

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Mathae 23:37

“E Jerusalem! E Jerusalem! Am do nạbikom khũnetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko acʼakʼ phạ̃kṛạ̃kʼ latarreye guṅgutʼko onkage iń hõ amren hoṛko hạr samṭaokoń menleda, menkhan onko do bako rebenlena.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Luk 19:42

Uniye menkeda, “Hae, am do suluk ńam lạgitʼ oka jạruṛ ona baṛe teheńem baḍae daṛele khan! Menkhan ńitokʼ ona do amakʼ mẽtʼãhã khon danaṅ akana.

Johan 3:35

Baba do Hopone dulạṛede kana ar uniyakʼ tirege jotowakʼe emakada.

Aposkạmi 10:36

Isor do Israelko ṭhen noa bhage sombate kolletʼ tahẽkana je, Jisu Mạsi, one okoe do sanamkoren Probhu Isorkan, uni hotetege suluk do ńamokʼa mente.

Romiko lạgitʼ Pạul Apostolakʼ ciṭhi 15:8

Baḍaekakʼpe, Isorakʼ katha je sạriyakʼkan ona sạbud lạgitʼge Mạsi do Jihudikoren sapʼ dapʼicʼe hoylena. Noa reakʼ monsubạ do tahẽkana, Isor do hapṛamko ṭhen okae gokʼletʼ tahẽkan ona jemon purạukʼ ar uniyakʼ daya iạte boṅgan hoṛ jạtrenko hõ uniko sarhaoe.

Galathiko lạgitʼ Pạul Apostolakʼ ciṭhi 1:15

Menkhan Isor do janam khongeye bachao doho akadiń tahẽkana ar uniyakʼ dayatege apostol hoyokʼ lạgitʼe hohoakadińạ.

1 Patras 3:22

Jisu do sermateye calao akana ar ńitokʼ Isorakʼ jojomsa aṛere menaea, ar sermaren goḍetko, ar ektiạrianko ar daṛeanko do uniyakʼ gobolre menakʼkoa.