Jesaea 49:16 - সান্তালী বাইবেল

¹⁶ Ńelme, ińakʼ ti talkare amakʼ ńutumiń ol dohoakatʼa; am beṛhaeteakʼ pạcriko do jaoge iń samaṅre menakʼa.

Jesaea 49:16 Iomraidhean Croise

Exodus 13:9

Nonkate Probhu Isorakʼ emakʼ noa hukum reakʼ kathape cetʼakoa. Noa niạm manao do nonkan mitʼṭecʼ cinhạ hoyokʼa one ona do ti ar moloṅ reakʼ cinhạ lekae disạ ocopea, Probhu Isor do acʼakʼ daṛete Misor disạm khone oḍok ạguakatʼpea.

Soros sereń 8:6

Amakʼ ontorte dohoyińme mohorchap akatʼleka ar amakʼ soporege mohor chapakʼme; ente dulạṛ do moron leka daṛeanakʼ kana, ar kobor leka kumãyãwakʼ kana ahkaokʼ do. Ona do lepʼ seṅgel leka jolokʼtege tahena, ạḍi tạpis lepʼ lekage ona do.

Jesaea 26:1

Enhilokʼ Jihudạ disạmre niạ sereńko sereńa: Jihudạ disạmre kajak nagraha menakʼ tabona; Isorakʼ babańcaoge hoyokʼa ona reakʼ pạcri ar gaṛko do.

Jesaea 54:12

Amakʼ cuṛạko do podmorag mạnikteń benaoa, ar amakʼ phaṭok duạr do surjokanto mạnikkote ar amakʼ pạcri bhitko do damanakʼ dhirikoteń benaoa.

Jesaea 60:18

Amakʼ disạmre jor jobor reakʼ katha ar do baṅ ańjomokʼa, ar amakʼ simạna talare jãhãn jarkharokʼ ar maraokʼ reakʼ katha hõ baṅ ańjomokʼa. Babańcao do pạcriko reakʼ ńutum hoyokʼa ar sarhao do amakʼ duạrko reakʼ ńutumge.

Jesaea 62:6

E Jerusalem, iń do amakʼ pạcri bhit cetanre pahradarkoń bahal akatʼkoa; onko do siń ar ńindạ hape akan do bako tahena. E pahradarko, tis hạbicʼ Probhu Isor do Jerusalem bae bạisạue ar dhạrtire sarhaoanicʼ mente bae teṅgo rakabe unhạbicʼ Probhu Isor do acʼakʼ gokʼakʼ reakʼ katha disạwaepe; alope jirạukʼa ar uni hõ alope jirạu ocoaea.

Jirimiạ 17:1

Probhu Isore meneda, “Jihudạ reakʼ kại do mẽṛhẽtʼ kolomte ol akana, hirạ reakʼ surshạtege onkoakʼ ontorre, onkoakʼ pinḍ reakʼ dereńre ol gạḍiạu akana.

Jirimiạ 22:24

Probhu Isore meneda, “E Jihudạ rajren Jehoyakimren hopon Konia, iń ńutumte kiriạkateń meneda, ińakʼ jojom ti reakʼ chapakʼ mundạmem hoylenre hõ enhõ iń do amiń or totʼ giḍikama.

Hagae 2:23

E Sealṭiel hopon ińren guti Serubabel, iń Probhu Isor do enhilokʼ ińakʼ chachap reakʼ mundạm lekań hoyocomea, ente iń do amiń bachao akatʼmea.’ Iń phạdkoren Probhu Isorge noa katha doń menetʼkana.”