Jesaea 48:8 - সান্তালী বাইবেল

⁸ Ape do ona bape ańjomakada ar bujhạu hõ bape bujhạu daṛeakada; sedae khon apeakʼ lutur hõ baṅ jhicʼ akantape tahẽkana. Enteń baḍaekan tahẽkana ape do bepạtiạr hoṛ kanape mente, ar janam khonge huhulko mentepe ńum ocokʼkana.

Jesaea 48:8 Iomraidhean Croise

Sereńko 40:6

Am do janwar dãṛẽ hõ bam khojkana, ar jeredokʼ samaṅokʼakʼ ar kại ńutumte dãṛẽ hõ bam khojkana; menkhan amakʼ katha ańjom lạgitʼ luturem emakawạdińa.

Sereńko 51:5

Iń do janam tora khonge bedhoromre minạńa; ar kại dosarege eṅgạńakʼ kukhireń tahẽkana.

Sereńko 58:3

Janam khonge phạsiạrako do bạṛicʼ horteko calakʼkana; ar eṛe katha roroṛko hõ janam khonge bạṛicʼ horteko sen adokʼkana.

Jesaea 21:2

Mitʼṭecʼ botoranakʼ dorsongeń ńel ocoyena, luluṭicʼ doe luluṭkana, nonosṭoyicʼ doe nonosṭokana. E Elam, rakapʼ senokʼme, gherao esedme, E Madiạ. Iń do uniye hoyocoakatʼ sanam kurkurạuakʼkoń caba utạra.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jesaea 33:1

E jarkharicʼ, hae am do! Am do bam jarkhar akanre hõm jarkhareda; am do bam pạtiạu ocoakanre hõ am dom bepạtiạu ocoakana. Jarkhar reakʼ kạmi sạtlen khange am dom jarkhar ocokʼa; bepạtiạrtetʼ sạtlen khange am dom bepạtiạr ocokʼa.

Jesaea 42:25

Onate uni do acʼakʼ jolokʼkan edre ar lạṛhại reakʼ botor do Israel cetanreye dulkeda. Onate seṅgel do beṛhaete jol rakapʼena, enhõ uni do bae bujhạuleda; seṅgel do uniyakʼ hoṛmore lagaoena, enhõ uni do bae moneyada.

Jesaea 46:8

E kạiyanko, niạ katha disạ dohoype ar moneyakʼpe.

Jesaea 47:11

Menkhan am do durdosarem paṛaokʼa, ar mantar hotete hõ ona do bam kaṭao daṛeakʼa. Unre muhinrem paṛaokʼa, ar bam ṭarhao daṛeakʼa. Ar okaṭakʼ sorbonas babotre laha khon bam baḍaekan tahẽkan ona do ackage amre hecʼ paṛaokʼa.

Jesaea 48:4

Entepe keṭecʼ hoṭokʼan hoṛkan ona doń baḍaekan tahẽkana; apeakʼ taren reakʼ jel do mẽṛhẽtʼ leka ar cạndi do pitạl leka hoyakantapea.

Jesaea 48:7

Sedaere onako do baṅ sirjạu akan tahẽkana, ona do ńitokʼge sirjạu akana; teheń lahare onako do bape ańjomakada. Onatege bape lại daṛeakʼ kana, ‘hẽ, ale do onale baḍaekan tahẽkana.’

Jesaea 50:5

Probhu Isor do ińakʼ luture jhicʼ akatʼtińạ ar iń doń batao akatʼtaea, ar bạń pạc ruạṛ akana.

Jesaea 57:4

Ape do okoepe landa dhutʼae kana? Ar okoepe isiṛae kana ar alaṅpe totʼae kana? Ape do cetʼ sasantaoicʼ ar ekʼṛeyicʼren hopon dope baṅkana?

Jirimiạ 3:20

Menkhan E Israelko, jãwãetetʼ cetanre bepạtiạricʼ bạhu leka ape do ińre bepạtiạrankope hoyakana. Iń Probhu Isorge noa katha doń meneda.”

Jirimiạ 5:11

Israel ar Jihudạren hoṛko do ińre ạḍitetʼ bepạtiạranko hoyakana. Iń Probhu Isorge noa katha doń meneda.”

Jirimiạ 5:21

“E lelha ar bebuj hoṛko, okoe do mẽtʼ tahen tulucʼ bape ńeńelkan, lutur tahen tulucʼ bape ańjomkan, ape do luturakʼtińpe.

Jirimiạ 6:10

Okoeyiń galmaraoakoa ar okoeyiń sontorkoa jemon ińakʼ kathako ańjomtiń? Onkoakʼ lutur do tepetʼgete bako ańjom ńameda. Probhu Isorakʼ katha onko lạgitʼ do mitʼṭecʼ henostage hoyakana; onare jãhãn rạskạge bako ńameda.

Hosea 5:7

Onko do Probhu Isor ṭhen bepạtiạranko hoyakana; onko do bidhuạ gidrạko janametʼkoa. Ar onatege ńitokʼ molokʼ cando do onkoakʼ porobkoe lakopʼtakoa akoakʼ khet baṛge sudhạ.

Hosea 6:7

Adam leka ińiń bandhao akatʼ bondobos do bape manaoleda; ape do ińrepe bepạtiạrena.

Hosea 7:9

Bidisiạko do uniyakʼ daṛeko jom akatʼtaea, menkhan uni do ona bae bujhạu daṛeakʼkana. Uniyakʼ bohokʼ reakʼ upʼ do hanḍe nanḍe ponḍ akantaea, ar ona hõ bae kheyal akada.

Malaki 2:11

Jihudạ doe phạsiạragea. Israel ar Jerusalemre do bạṛicʼakʼ kạmiko hoyakana. Jihudạren hoṛ do boṅgan hoṛkoren hoponerako baplaletʼko iạte Probhu Isore dulạṛetʼko hoṛko besapha ocoakatʼkoa.

Ephesiko lạgitʼ Pạul Apostolakʼ ciṭhi 2:3

Abo sanamkoge abo do aboakʼ jel reakʼ sana bon purạuetʼ tahẽkante onko hoṛko talare mitʼ okte jion bon khemaoetʼ tahẽkana. Ar jel khon okako sana ar hudisko rakabokʼkan tahẽkan ona lekage bon kạmikan tahẽkana. Noa colon iạtege abo hõ eṭakʼko leka Isor ṭhen khon sạjại ńam lek hoṛ bon tahẽkana.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

Dosar Biboron 31:18

Debotako secʼ ạcurkate oka bạṛicʼakʼko kạmi ona iạte iń do khạṭige ińakʼ mẽtʼãhãń danaṅtińạ.