Jesaea 48:6 - সান্তালী বাইবেল

⁶ Ape do niạkope ańjomakada; ar noa sanamakʼ secʼpe koyokʼ horakada. Ape do cetʼ ona bape aṅgoca? Ńitokʼ khon iń do nãwã nãwãnakʼkoń ańjom ocopea oka do danaṅ reakʼakʼko kan.

Jesaea 48:6 Iomraidhean Croise

Sereńko 107:43

Okoeye ạkilan hoṛkan uni do ona reaṅe moneyakʼma ar Probhu Isorakʼ asambheṛ dulạṛ reaṅ hõ mońjteye hetawakʼma.

Sereńko 119:13

Amakʼ moca khon okako ạn oḍokokʼkan ona do ińakʼ mocageye sodortama.

Jesaea 21:10

E ińren hoṛko, ape do ińakʼ khạrạire enakʼ ar oṭaṅ saphawakʼ jaṅ kanape. Phạdkoren Probhu Isor ṭhen khon, Israelkoren Isor ṭhen khon iń okań ańjomakatʼ ona do apeń baḍae ocoketʼpea.

Jesaea 42:20

Am do ḍherem ńel akatʼre hõ bam moneyakʼ kana; ar lutur jhicʼgetamre hõ jãhãnakʼ bam ańjomeda.”

Jesaea 42:8

“Iń kangeạń Probhu Isor do, ińakʼ ńutum do niạ kangea. Ińakʼ man ar sabasi do eṭakʼ boṅga murhutʼko bạń em ocoakokana.

Jesaea 42:9

Ńelpe, lahateakʼ ghoṭnako do ghoṭao akana ar iń do nãwã ghoṭna reakʼ iń lại sodoreda; ar onako ạuri ghoṭaokʼrege ape ṭhen onań lạiyeda.”

Jesaea 43:19

Ńelpe, iń do mitʼṭecʼ nãwã kạmiń kạmi lạgidokʼ kana. Ona do ńitge ehobokʼa arpe baḍae daṛeakʼa. Iń do hahaṅkar talate horiń benaoa ar khaṅkarre gaḍań ạtu ocoya.

Jesaea 48:7

Sedaere onako do baṅ sirjạu akan tahẽkana, ona do ńitokʼge sirjạu akana; teheń lahare onako do bape ańjomakada. Onatege bape lại daṛeakʼ kana, ‘hẽ, ale do onale baḍaekan tahẽkana.’

Jirimiạ 2:31

“Niạ piṛhiren hoṛko, ińakʼ katha ańjompe. Israelko ṭhen iń do cetʼ hahaṅkar iń hoyakana? Iń do cetʼ kaṛaṅ ńut reakʼ disạmiń hoyakana? Ińren hoṛ do cedakʼko mena, ‘ale do sạdhintegele dãṛãbaṛa daṛeakʼa; ar am ṭhen do bale hijukʼa?’

Jirimiạ 33:3

hohoạńme, ar iń doń roṛ ruạṛama ar nonkan maraṅ ar nonkan danaṅakʼko reaṅ kathań lạiyama one oka do bam baḍaekan.

Jirimiạ 50:2

“Ape do jạt jạtrenko ṭhen porcarpe ar lại jạhirpe, nisạn teṅgoepe ar lại jạhirpe. Danaṅ do cetʼge alope dohoya, bickom menpe, ‘eṭakʼko do Babelko ạidạrijoṅa; Bakʼal deboda doe lajao ocokʼa, Merodok debota doe chaka chun ocokʼa. Babelren boṅga murhutʼko doko lajao ocokʼa ar uniren boṅga muṭhạnko hõko chaka chunokʼa.’

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Mikạ 6:9

Ạkilan hoṛ do Probhu Isorko botoraekana. Ma ańjompe, Probhu Isor do nagraharen hoṛkoe hohoako kana. Uni doe meneda, “Ape do sạjại reakʼ ṭheṅga secʼ ar okoe do onae niṭ akatʼ uni secʼ moneyakʼpe.

Mathae 10:27

Okaṭakʼ ńutreń lại apekan, ona do marsalre roṛpe. Ar luturte okaṭakʼpe ańjometʼkan ona do sạṛim cetan khon porcarpe.

Johan 15:15

Iń do golam bạń metapekana, ente kisạ̃ṛ cetʼe cekakan golam do ona bae baḍaea; menkhan iń do gateń metapekana, ente Baba ṭhen khon okań ańjomakatʼ onage apeń baḍae ocoakatʼpea.

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

1 Korinthiko 2:9

Menkhan sonot sostor reakʼ katha leka; “Isor okoeko dulạṛedekan onko lạgitʼ uni okakoe ṭhik dohoakatʼ, ona do okoe hõ mẽtʼte bako ńelakada, luturte bako ańjom akada ar hudis hõ bako hudis akada.”

Johan sodor 1:19

Onate okam ńelketʼ, okaṭakʼ ńit hoyokʼkan ar noako tayom okaṭakʼ hoyokʼ onako ol dohokakʼme.

Johan sodor 4:1

Noa tayom iń do serma reakʼ mitʼṭecʼ duạr jhicʼ akatʼiń ńelkeda. Ar siṅgạ reakʼ saḍe leka okoeyakʼ aṛaṅ coń ańjomkeda uni doe metadińạ, “Am do nonḍe rakapʼ hijukʼme. Ar noako tayom oka hoyokʼ lạgidokʼkan onań udukʼama.”