Jesaea 48:19 - সান্তালী বাইবেল

¹⁹ Ona chaḍa aperen bõsko do gitil lekako hoyokʼa ar aperen gidrạko do lemeń gitil leka alekhako hoyokʼa. Onkoakʼ ńutum do iń samaṅ khon tishõ baṅ getʼ giḍikʼtakoa se tis hõ baṅ mohor meṭaokʼa.”

Jesaea 48:19 Iomraidhean Croise

Genesis 13:16

Iń do amren bõsko gitil lekań saṅgekoa. Dhạrti reakʼ gitil jodi jãhãeko lekha daṛeakʼ khan enḍekhan am bõsren hoṛ hõko lekha caba daṛeakoa.

Genesis 22:17

khạṭigeń bhorama, ar sermaren ipilko ar jalapuri reakʼ gitil leka amakʼ bõsrenkoń saṅge ocokoa. Am bõsren hoṛ do akoren bạirikoakʼ nagrahako jitạu joṅa,

1 Rapajko 9:7

enḍekhan Israelko okaṭakʼ disạmiń emakatʼko ona khon doń laga oḍokpea. Ar okaṭakʼ mundil do ińakʼ tahen oṛakʼ lạgitʼ iń begar dohoakatʼ ona hõ ińakʼ mẽtʼãhã samaṅ khoniń sạṅgiń giḍikakʼa. Unre Israel do eṭakʼ eṭakʼ jạtrenko ṭhen kạhtuk ar cigạri lekako hoyokʼa.

Jobakʼ 5:25

Amem baḍaea, amren do aema gidrạko hoyokʼtama ar amren hoponko do ṭạnḍi reakʼ ghãs lekako hoyokʼa.

Sereńko 109:13

Onkoren bõsko doko gocʼ ocokʼma; ar onkoren gidrạkoakʼ ńutum do mohor meṭaokʼma.

Sereńko 9:5

Am do eṭakʼ jạtrenkom dhomkaoetʼkoa ar bedhoromko dom nosṭoyetʼkoa; onkoakʼ ńutum do jaejug hạbicʼem mohor meṭao akatʼtakoa.

Jesaea 10:22

E Israel, amren hoṛkoakʼ lekha do jalapuri reakʼ gitil unạkʼlenre hõ enhõ thoṛa hoṛgeko ruạṛ hijukʼa. Israelko lạgitʼ maraokʼ do ṭhik doho akana ar hok reakʼ sạjại do onkore paṛaokʼgea.

Jesaea 14:22

Phạdkoren Probhu Isore meneda, “Iń do onko upạrteń teṅgona; Babel reakʼ ńutum ar onare jiwetʼ menakʼko hoṛ ar onko bõsren doń caba utạrkoa.

Jesaea 44:3

ente tetaṅokʼkan disạmre dakʼ iń dula. Ar amren hoponko cetanre ińren Jiu iń dulea ar amakʼ bõsren hoṛkoń bhorakoa.

Jesaea 44:4

Onko do dakʼ tala reakʼ ghãs lekako sahre rakapʼa, dakʼ nalako aṛere bạisi dareko lekage.

Jesaea 48:9

Ińakʼ ńutum iạte ińakʼ edreń bilom ocoyeda; ar ińakʼ sabasi lạgitʼ ona doń sambṛaoa jemon aloń marao giḍipe.

Jesaea 54:3

ente am do etom ar kõńe secʼem pasnaokʼa. Amren hoponko do eṭakʼ jạtrenkoakʼ disạmko dokholjoṅa ar ujạṛakʼ nagrahareko girobasokʼa.

Jesaea 56:5

enḍekhan onkoakʼ ńutum do hopon ar hoponerako khon hõ sorosge ińakʼ oṛakʼre ar ińakʼ pạcri bhitrireń bạisạukea mitʼṭecʼ cinhạ lekate. Ar jaejugakʼ ńutumgeń emkekoa oka do baṅ maraokʼ.

Jesaea 66:22

Probhu Isore meneda, “Oka nãwã serma ar nãwã dhạrtiń sirjạu ar cetʼleka iń samaṅre ona ṭikạu tahen onkage apeakʼ ńutum ar aperen bõsko hõko ṭikạu tahena.

Jesaea 9:14

Onatege Probhu Isor do Israelakʼ khijur ḍạr ar chuchi ṭheṅga, metakʼme bohokʼ ar canḍbol do mitʼ dinregeye samakʼ topaga.

Jirimiạ 33:22

Ińren guti Dạudren hoponko ar okoe Liwiko do iń samaṅre teṅgokate sekʼwa reakʼko kạmikan onko do sermaren ipil lekako saṅgekʼa, ar ohogeko lekha caba daṛelena.”

Hosea 1:10

Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’

Sephaniạ 1:4

“Jihudạ upạrte ar Jerusalemre girobasokʼ kan sanamko upạrte ińakʼ tiyiń rakabtińạ. Niạ disạm khon Bakʼal debota sewawae reakʼ jotowakʼko ar lạṭu ar kạticʼ hudạren sanam naekekoń marao utạrkoa.

Romiko lạgitʼ Pạul Apostolakʼ ciṭhi 9:27

Jesaea nạbi hõ Israelko reaṅe roṛleda, “Israel hoponko reakʼ lekha do jalapuri reakʼ gitil unạkʼlenre hõ eken sarecʼkoge bańcaoko ńama.

Dosar Biboron 9:14

Ar alom tạkicʼ daramińạ; onko doń marao utạrkoa ar dhạrti khon onkoakʼ ńutumiń meṭao utạrtakoa. Ar ona tayom do am hotete arhõ daṛean ar maraṅ mitʼṭen jạtrenkoń sirjạukoa.’

Josuạ 7:9

Kananiko ar niạ disạmren eṭakʼ hoṛko niạ katha ańjomkate aleko gherao esetʼlea ar dhạrti khon aleakʼ ńutumko meṭao utạrtalea. Ar inạ tayom do cekate amakʼ ńutumem rukhiyại tama?”

Rut reakʼ kạhini 4:10

Ar gocʼ akanicʼakʼ sompotti ar ńutum jemon rukhiyạkʼtae onate Mahlonren rạnḍi bạhu Rut hõ ińren bạhu menteń ataṅede kana. Ar onate bõsko tala khon ar atorenko tala khon gocʼ akanicʼakʼ ńutum do baṅ meṭaokʼtaea. Ape do teheń noa sanamakʼren gohakope hoyena.”