Jesaea 47:8 - সান্তালী বাইবেল

⁸ “Ńitokʼ ańjomme, E suk bhog dulạṛetʼkạnicʼ; am do nirdạndi duṛupʼkate mone monetem meneda, ‘eken ińge minạńa, iń chaḍa do celege bạnukʼkoa. Iń do tishõ bạń rạnḍikʼa se gidrạ atʼko reakʼ dukte bạń dukokʼa.’

Jesaea 47:8 Iomraidhean Croise

Jesaea 14:14

Iń do rimil reakʼ muthni cetanreń dejokʼa; ar maraṅ Isor soman iń hoyokʼa.’

Jesaea 32:11

E nirdạndi tahenkan maejiuko ar khạtir monan kuṛiko, ape do botortepe thar tharaokʼa; ape do apeakʼ kicricʼko bhạnduṛkate ḍanḍare gõṛẽ kicricʼ paṭhe joṅpe.

Jesaea 32:9

E nirdạndi tahenkan maejiuko, ińakʼ katha baṛe bataope. E khạtir monan kuṛiko, ińakʼ kathako luturakʼtińpe.

Jesaea 45:18

Probhu Isor, okoe do sermae sirjạu akatʼ, uni kangeae Isor do; one uni dhạrti do muṭhạne emakawatʼ are benao akatʼ, unige onae bandhoakada. Ar dhạrti do ạlmạl bae benaoleda, bickom girobasokʼ lạgitʼgeye benaokeda. Uni doe meneda, “Iń kangeạń Probhu Isor do, iń chaḍa eṭagicʼ do ar cele hõ bạnuiya.

Jesaea 45:5

Iń kangeạń Probhu Isor do, eṭakʼ ar cele hõ bạnukʼkoa; iń chaḍa eṭakʼ Isor do ar bạnuiya. Am bam baḍae akadińre hõ iń doń paṭhe keṭecʼetʼmea,

Jesaea 45:6

Jemon purub khon pạchim secʼren hoṛko baḍae daṛeakʼ, iń chaḍa ar cele Isorge bạnukʼkoa. Ar iń kangeạń Probhu Isor do, eṭagicʼ ar okoehõ bạnugicʼan.

Jesaea 47:10

Am do amakʼ ona dusṭami cetanrem bhorsakʼkana arem meneda, ‘celehõ bako ńeńel kana.’ Amakʼ ạkil ar bidiạge am dokin bhaṅgṭao akatʼmea; ente mone monetem meneda, ‘eken iń eskarge minạńa, iń chaḍa ar okoehõ bạnukʼkoa.’

Jirimiạ 49:31

E Babelrenko, ape do beretʼpe, ar khạtirjomako tahenkan onko jạtrenko cetanre jhãp empe. Onko jạtrenko do phaṭok duạr hõ bạnukʼtakoa, huṛkạṛ hõ bạnukʼa; onko do ako motogeko girobasokʼ kana.

Jirimiạ 50:11

“E Babelrenko, ape do ińakʼ ạidạripe luṭ akawana ar onatepe rạskạkʼ kana, arpe kusikʼ kana. Ape do phosol enokʼkan mĩhũ lekape don baṛaekana ar khacaṛ sadom lekape hinhạukʼ kana;

Jirimiạ 51:53

Babel do serma hạbicʼe usullenre hõ ar onḍe kajak aotan gaṛpe benaolerehõ, enhõ iń do uni upạrte jarkharicʼ iń kolea.”

Jeheskel 16:49

“Amren boeha kuṛi Sodomakʼ do noa kại tahẽkana, uni ar hoponerako do bạḍại tahẽkantakoa, ente onko do ḍher jomakʼ tahẽkantakoa ar khạtirjomako girobasokʼkan tahẽkana, menkhan onko do reṅgecʼ ar laṅgaṭ hoṛ bako goṛoako kan tahẽkana.

Jeheskel 28:2

“E manwa hopon, am do Turren cakʼlaoyicʼ metaeme, Probhu Isor do noa kathae meneda, amakʼ ontor do gorbote perecʼ akana, ar am dom menakada, iń doń deb kana, iń do jalapuri talare Isorakʼ duṛupʼakʼreń duṛupʼ akana; menkhan am do ekenem manwa kana, deb dom baṅkana, enhõ am do debota tulnim hudisokʼ kana.

Jeheskel 30:9

“ ‘Enhilokʼ nicind tahen kạnicʼ Kus do botor udukʼae lạgitʼ sombat akʼsenko ińakʼ hukum lekate jahajteko oḍok calakʼa. Misor reakʼ ses dinre Kus hõe udạsokʼa, ente ona din do uni cetanre hõ hijukʼa.

Daniel 11:36

“Utạrren raj do acʼakʼ kusi lekae kạmiya. Uni do bạḍạiteye perejokʼa ar sanam debotako khone maraṅokʼa udugokʼa ar debotaren Isor upạrte hõ maraṅ maraṅ kathae roṛa; ar raṅgao ạuri cabakʼ hạbicʼ uni doe jo bahakʼa, ente okaṭakʼ ṭhik dohoakan ona do hoyokʼgea.

Daniel 4:22

E maharaj, am kangeam ona dare do. Am do maraṅ ar daṛeanem hoyakana; amakʼ daṛe do ḍher akante serma hạbicʼem tiyokʼ akada ar amakʼ rajosṭi do dhạrti reakʼ ses simạna hạbicʼ seṭer akana.

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Daniel 4:4

Iń Nebukadnesar do ińakʼ oṛakʼre nirạiteń tahenkan tahẽkana ar ińakʼ raj dolanre iń do ḍag ḍagiń sahrekʼkan tahẽkana.

Daniel 5:23

Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.

Daniel 5:30

Ar enhilokʼ ńindạge Babelren raj Beltsasar doe makʼ gocʼ ocoyena,

Nạhum 1:10

Ape do jạnum jhạuạrepe ramphakʼa ar darkha rasa ńũtepe bulokʼa; ar lanḍha lekape lokʼa.

Nạhum 3:4

Noako do uni kusmbiyakʼ aema utạr loṭghuṭi iạte hoyokʼkana; uni doe cemkecʼgea are bukʼlạuicʼ era kana. Uni do acʼakʼ loṭghuṭi iạte jạt jạtrenkoe ạkhrińetʼkoa; ar disạm disạmrenko do acʼakʼ muhnite.

Habakkuk 1:7

Onko ńelte hoṛ do ạḍiko botorokʼa. Onko do akotege akoakʼ ạn-ạriko benaojoṅa ar okoe tabere hõ tahen do bako aṅgoca.

Sephaniạ 2:15

Noage hulạsokʼkan nagraha do one okare nirại menakʼ. Uni do mone moneteye mena, “Ińge minạńa, iń chaḍa ar celege bạnukʼkoa.” Uni do okalekae maraoena, ar bir janwarkoakʼ asray ṭhạ̃ige hoyena! Ar okoe ona aṛeteko parom calakʼ onko doko landa dhudhutʼa ar buḍhạ kạṭupʼko uduga.

2 Thessalonikiko 2:4

Isor mente cetʼko menakʼ onako sanamakʼ upạrte ar sewa ocokʼ jotowakʼ upạrteye teṅgokʼte uni do apnarte maraṅe udugokʼa; ar Isorakʼ mundilre duṛupʼkate acʼge Isor menteye udugokʼa.

Bikʼcạrko 18:27

Onko do Mikạren naeke ar sanam boṅga muṭhạnko soṅgekate Layisteko calaoena. Ar onḍe okoe do suluk ar khạtirjomako tahẽkan onko sanamko gocʼketʼkoa ar onkoakʼ nagrahako jeretʼ giḍikatʼtakoa.

Bikʼcạrko 18:7

Onko mõṛẽ hoṛ do unre onḍe khon Layisteko senena. Onkoko ńelkeda onḍenko hoṛ do Sidonrenko leka khạtirjoma, sulukte ar bin botorko girobasokʼ kana. Ona jaegare nonkan celege bạnukʼkoa, onko cetanre santaoko calao daṛeakʼ. Ona chaḍa onko do Sidonrenko khon hõ ḍher sạṅgińreko girobasokʼ kana ar eṭakʼ jãhãeko sãote jãhãn karbarge bạnukʼtakoa.