Jesaea 47:6 - সান্তালী বাইবেল

⁶ Ińren hoṛko cetanre ińakʼ edre do caṛhaolentińạ ar ińakʼ sompotti doń bhõnḍ ocoleda. Onko do amakʼ tireń soprotletʼkoa ar am do onko cetanre bam mãyãlena. Ar haṛam hoṛko hõ hamal bojham ladeyatʼko tahẽkana.

Jesaea 47:6 Iomraidhean Croise

2 Samuel 24:14

Unre Dạud do Gade metadea, “Iń do ạḍi muhinreń paṛao akana. Manwa tire jemon aloń paṛaokʼ; ona khon boroṅ, Probhu Isorakʼ tire bon paṛaokʼma, ente uniyakʼ daya do asambheṛgetaea.”

2 Bõsbudạ 10:11

Ar amren ạpum okaṭakʼ hamal arãṛe ladeyatʼko tahẽkan ona do arhõ hamal ocoytakome. Amren ạpum do cạbukteye dalletʼkoa menkhan am do kidiń kaṭkomkotem dalkoa.”

2 Bõsbudạ 28:9

Probhu Isorren Oded ńutuman mitʼṭen nạbi do Samariạreye tahẽkana. Uni do lạṛhại phạdko tinre Samariạteko ruạṛ hecʼena unre onko sãote ńapamenteye menkeda, “Aperen hapṛamkoren Probhu Isor do Jihudạ upạrteye raṅgaoente onko do apeakʼ tireye jimạketʼkoa. Menkhan raṅgao khạtirte cetʼlekape gocʼketʼko ona katha do serma hạbicʼ seṭer akana.

2 Bõsbudạ 36:17

Onko upạrte Probhu Isor do Babelren raje ạgukedea. Uni raj do mundil oṛakʼre onkoren juạnkoe gocʼketʼkoa, uni do juạn kuṛi ar koṛako, haṛamko se umerte laha akanko okoege bae mãyãwatʼkoa. Isor do onko sanamkoge uni rajakʼ tireye jimạkatʼkoa.

2 Bõsbudạ 36:20

Okoe gujukʼ ti khon rukhiyạko ńamketʼ onko do Babelteye idiketʼkoa, ar Paras reakʼ raj ạuri teṅgokʼ hạbicʼ onko do Nebukadnesar raj ar uniren hoponkoren golamko hoyena.

Esra 5:12

Menkhan aleren hapṛamko do sermaren Isorko bekusi ocoledete uni do Babelren raj Kaldi Nebukadnesar rajakʼ tireye jimạletʼlea. Nebukadnesar do niạ mundile dhaṅ dhaserleda ar hoṛko bondikate Babelteye idiletʼkoa.

Sereńko 69:26

Am okoeyem sạjại akade onko do unigeko santao akadea; ar okoeyem dal akatʼko onkoakʼ jaljalaoge onkoakʼ galmarao reakʼ bisoe do hoyokʼkana.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Jesaea 13:16

Onkoakʼ mẽtʼãhã samaṅrege gidrạkoko tawakʼ gocʼkoa; onkoakʼ oṛakʼ duạrko luṭtakoa ar maejiuko nosṭokoa.

Jesaea 14:17

Nuige cetʼ, prithimi doe hahaṅkar barag ocoletʼa, ar nagrahakoe dhaṅdhaseletʼ tahẽkana, ar bondiko oṛakʼte bae ruạṛ ocoako kan tahẽkana?’

Jesaea 14:6

Uni do kurkurạukʼ edrete jạt jạtrenkoe ńẽtʼetʼko tahẽkana, one baṅ thirokʼ ńẽtʼkotege. Uni do edrekate jạt jạtrenko cetanre mạlikiye calaoetʼ tahẽkana, ar santaokateye domonetʼko tahẽkana.

Jesaea 43:28

Onate iń do apeakʼ mundilren naekekoń opomankoa ar Jakob do marao ocokʼ lạgitʼ iń soprotea ar Israel do landa-dhutʼicʼ iń hoeocoyea.”

Jirimiạ 50:42

Onko do akʼ sar ar tarwaṛe sasapʼko kanako; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ, jalapuri reakʼ hud hud saḍe leka onkoakʼ sabad do; E Babel kuṛi, onko do lạṛhại reakʼ sajbajte amre jhãp em lạgitʼko hijukʼkana.

Rak̕joṅ 1:14

Ińakʼ ghạṭko do arãṛ lekae tol joṛao akatʼtińạ; uniyakʼ titege onako doe tol mitʼakada. Ar ińakʼ tarenreye lade akawạdińạ, Probhu Isorge ińakʼ daṛe doe caba akattińạ. Ar okoe bạń teṅgo daram daṛeako onkoakʼ tireye soprot akadińa.

Rak̕joṅ 1:21

Hoṛko do ińakʼ kuhrạuko ańjomakada, menkhan jiwi raṛejtiń lạgitʼ do celege bạnukʼkoa. Ińren sanam bạiriko do ińakʼ kosṭo reakʼ kathako ańjomakada; ar amem onka akatʼte onko doko rạskạkʼ kana. Ona din baṛe hecʼ ocoyme okaṭakʼem jạhirakatʼ jemon ona dinre iń lekako hoedaṛeakʼ.

Rak̕joṅ 2:2

Jakobakʼ tahen joto ṭhạ̃ige Probhu Isor doe mohor meṭao akada, uni do cetʼge bae mãyã akawadea. Jihudạ hoponerawakʼ aotan gaṛ hõ acʼakʼ kurkurạukʼ edreteye rạputʼ akada, ar onako do otreye milạu akada. Uniyakʼ rajosṭi ar mukhiyạko doe besonot ocoakatʼkoa.

Rak̕joṅ 4:16

Probhu Isorge onko doe chirchạtur akatʼkoa; onko do ar bae moneyako kana. Hoṛko do naekeko bako manotetʼkoa, ar murubbiko hõ bako mãyãwako kana.

Rak̕joṅ 5:12

Cetan hudạren kạmiyạko do tire tolkateko akaketʼkoa; ar murubbiko do bako manot ocolena.

Jeheskel 28:16

Amakʼ ạḍi utạr beparikote jor julumtem perecʼena arem kạikeda, onate Isorakʼ buru khoniń lagaketʼmea, ar E horhoyicʼ Kerub, am do seṅgel reakʼ dhiriko tala khoniń laga ńirketʼmea.

Obodiạ 1:10

Amren boeha Jakob upạrte santao lạgitʼ am do lajaotem dapalokʼa; am do jaejug lạgitʼem marao utạrokʼa.

Obodiạ 1:16

Ińakʼ sonot burure cetʼleka bubulakʼem ńũletʼ onkage sanam jạtrenko do jaoge ińakʼ edre reakʼ bubulakʼko ńũiya; onko do ona jojomtegeko tahena ar purạteko caba utạrokʼa.

Sakariạ 1:12

Unre Probhu Isorren goḍete menkeda, “E phạdkoren Probhu Isor, am do Jerusalem ar Jihudạ reakʼ eṭakʼ nagrahako cetanre nõkʼõe eaegel bochor raṅgao akanem tahẽkana ar tinạkʼ din onkore begor mãyãtem tahena?”

Sakariạ 1:15

Ar nirdạndiko tahenkan onko sanam jạtrenko cetanre ạḍitetʼ iń raṅgao akana, ente iń do tinre ińren hoṛko cetanre thoṛa ghạṛicʼ iń raṅgaolena unre onko jạtrenko do ińren hoṛkoakʼ dosa sãote arhõ bạṛicʼ dosako juṭucʼatʼko tahẽkana.

Mathae 7:2

ente cetʼleka eṭakʼkoakʼ doskope saba onkage apeakʼ dosko hõ sabokʼtapea, ar cetʼlekape soṅakoa onkage ape lạgitʼ hõ soṅokʼa.

Dosar Biboron 28:50

Onko do botor mẽtʼãhãwan hoṛko hoyokʼa. Ar murubbiko hõ bako manotkoa ar koṛa hoṛ hõ bako mãyãwakoa.

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.