Jesaea 47:3 - সান্তালী বাইবেল

³ Amakʼ uluṅ do oṭagokʼa ar lajao do ńel ńamokʼtama. Iń doń hala hạlia, okoeyakʼ nehõr hõ bạń ańjoma.”

Jesaea 47:3 Iomraidhean Croise

Genesis 3:7

Onate bana hoṛakʼ mẽtʼ do saṛentạkina. Ar uluṅgea kin mente kin bujhạukeda. Ar loa dare reakʼ sakamko rokʼkate ạkin lạgitʼ kicricʼkin benaoana.

Jesaea 20:4

onkage Ạsurren raj do Misor lajao ocoye lạgitʼ Misorren ar Kusren bondi akan koṛakoge cetʼ ar haṛamkoge cetʼ jotoge koṭo ar eken jaṅga ar oṭakʼ dhaṛakateye idikoa.

Jesaea 3:17

Ona iạte Probhu Isor do Sionren maejiuko bohokʼreye ńẽtʼkoa ar onate onko doko ceḍekʼa .”

Jesaea 35:4

Ḍurukiạ monanko metakope, “Ape do daṛeanko hoyokʼpe, ar alope botorokʼa. Aperen Isor doe hijukʼa, uni do halahạli ar sạjại emokʼ lạgitʼgeye hijukʼa; ar hecʼkateye bańcaopea.”

Jirimiạ 13:22

Am apnartetʼem kulilen khan, ‘ińre noa do cedakʼ hoyena?’ Enḍekhan ona reakʼ roṛ ruạṛ do hoyokʼkana, ạḍi utạr kạiko iạte amakʼ kicricʼko do oṛecʼ akantama arem jorbojor ocoakana.

Jirimiạ 13:26

Amakʼ kicricʼ do mẽtʼãhã hạbicʼ iń rakabtama jemon amakʼ lajaoteakʼ ńelokʼtam.

Jirimiạ 51:11

Ape do apeakʼ sarko lasertape, ar ḍhalko hatao joṅpe. Probhu Isor do Madaeren rajkoakʼ jiue uskur akatʼtakoa, ente bạiriko upạrte uniyakʼ monejoṅakʼ do jarkharakʼge. Probhu Isor do khạṭige acʼakʼ oṛakʼ lạgitʼe hala hạlikʼa.

Jirimiạ 51:4

Onko do ghạl iạte Babel reakʼ hor horte gocʼ bhinḍạṛ akanko tahena.”

Jirimiạ 51:56

Babel upạrte jarkharkoko hijukʼa; uniren birbão hoṛ doko sapʼ ocokʼa ar onkoakʼ akʼ do rạpudokʼtakoa; ente Probhu Isor do hala hạliren Isor kanae; Babel reakʼ kuṛại do purạtegeye emaea.

Jeheskel 16:37

ona iạte amren onko sanam dulạṛiạkoń jarwakoa one okoeko tulucʼem rạskạ mitʼlen. One okoeyem dulạṛletʼko tahẽkan ar okoeyem hirkhạwako kan tahẽkan onko sanamkoń jarwakoa. Iń do beṛhae khon am upạrteń jarwakoa ar onko samaṅre amakʼ kicricʼ iń bhạnduṛtama jemon onko do amakʼ lajaoteakʼko ńel daṛeatam.

Nạhum 3:5

Phạdkoren Probhu Isore meneda, “E Niniwi, iń do am upạrteń teṅgo akana; amakʼ mẽtʼãhã hạbicʼ kicricʼ iń rakabtama. Amakʼ uluṅ do jạt jạtrenkoń ńel ocokoa ar rajosṭiren do amakʼ lajaoakʼtetʼge.

Romiko lạgitʼ Pạul Apostolakʼ ciṭhi 12:19

Dulạṛiạ boehako, okoehõ alope hala ruạṛakoa, bickom Isorge sạjại lạgitʼ aṛakʼaepe. Sonot sostorre Probhu Isore meneda, “Hala ruạṛ reakʼ ektiạri do eken ińakʼge menakʼtińạ; ar ińgeń hala ruạṛa.”

Dosar Biboron 32:35

Behok reakʼ sạjại emokʼ reakʼ ạidạri do ińakʼge; okoeyakʼ oka kuṛại onage uniń emaea. Okte purạulen khan bạirikoakʼ jaṅga do leńjedokʼtakoa; onkoakʼ maraokʼ reakʼ din do sor hecʼakana. Onko lạgitʼ oka ṭhik dohoakan, ona do usạrage onkore paṛaokʼa.”

Johan sodor 16:19

Ar ona maraṅ nagraha do pe hạṭińte hạṭińena ar jạt jạtrenkoakʼ nagrahako do lạnduṛena. Tayomte ona maraṅ nagraha Babel reakʼ katha Isor do disạ hecʼadea, uni do acʼakʼ edre reakʼ botoranakʼ bubulakʼte perecʼ bạṭi reakʼ ńũi lạgitʼ Babele emadea.

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”