Jesaea 47:13 - সান্তালী বাইবেল

¹³ Am okaṭakʼ solham ńamakatʼ ona do ame laṅga ocoakatʼmea. Amren gukʼniko do samaṅ secʼko hijukʼma; ipilko ńelte okoe do cando candoko nạbiyetʼ onko do amre oka paṛao lạgidokʼkan ona khonko rukhiyạmema.

Jesaea 47:13 Iomraidhean Croise

Jesaea 44:25

Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.

Jesaea 47:15

Okoeko soṅgetem kurumuṭuletʼ ar juạn jokhecʼ okoeko tulucʼem karbarletʼ onko do onkageko hoyokʼa. Onko mimitʼko do apan ạpin horteko mohnḍa akana; am bańcaome lạgitʼ mitʼ hoṛ hõ bạnukʼkoa.”

Jesaea 47:9

Menkhan gidrạko adokʼ se amem rạnḍikʼ noa banarge mitʼ dinte mitʼ ripitʼre amre hecʼ paṛaokʼa. Unre amakʼ mantarko ar guniko ḍhergetamre hõ onakin do purạtege amre paṛaokʼa.

Jesaea 57:10

Am do dãṛã dãṛãtem laṅga caba akana, enhõ ‘as do bạnukʼa,’ niạ katha do bam menleda. Menkhan sewakate nãwã daṛem ńam idikeda, onate bam laṅgalena.

Jesaea 8:19

Hoṛko do tinre onko ṭhen calakʼko metapea one okoe do gocʼ hoṛko ar bạṛicʼ jiuko sãote helmelko dohoyetʼ arko biṛ biṛetʼkan, unre ape do cetʼ Isor ṭhen calakʼ lek baṅkantapea? Okoe jiwetʼ menakʼko onkoren hoykate cedakʼ gocʼko sãote sopolha lạgitʼ dope calakʼa?

Jirimiạ 51:58

Babel reakʼ moṭa pạcri rạputʼkate soman ocokʼa ar ona reakʼ usul phaṭok duạrko do seṅgelte ḍahao maraokʼa. Hoṛko do ạuṛiyakʼgeko laṅga ocokʼa, ar jạt jạtrenkoakʼ khaṭaokʼ reakʼ kuṛại do seṅgelte lo roṅgo cabakʼa.”

Jirimiạ 51:64

Ona tayomem mena, ‘Nonkage Babel hõ unumokʼa, ar baṅ rakapʼa, ente Probhu Isor do ona cetanre muhine ạguiya. Uni doe marao utạrokʼa.’ ” Jirimiạ reakʼ katha do nonḍege mucạtʼena.

Jeheskel 24:12

Menkhan sanamakʼ kurumuṭuge eṛeteakʼ hoyakana; ona reakʼ dạriạ icʼ do baṅ cabakʼkana ar icʼtetʼ hõ seṅgelte baṅ caba akana.

Daniel 5:30

Ar enhilokʼ ńindạge Babelren raj Beltsasar doe makʼ gocʼ ocoyena,

Habakkuk 2:13

Phạdkoren Probhu Isor doe niṭ dohoakada, jạt jạtrenkoakʼ khaṭaoakʼ reakʼ kuṛại do seṅgelre atar giḍikʼa ar onko do ạuṛiyakʼge apnartetʼko laṅga ocokʼa.