Jesaea 46:3 - সান্তালী বাইবেল

³ “E Jakob bõsrenko, ar Israel bõsren sarecʼ sanam hoṛko, ape do ińakʼ katha ańjompe. Kukhirepe gaṛhaolen okte khon arpe janamen tayom khon ińge ape doń heo ạguakatʼpea.

Jesaea 46:3 Iomraidhean Croise

Sereńko 28:9

E Probhu Isor, amren hoṛko rukhiyạkom, ar amren ạidạriko bhorakome; am do onkoren gupiyicʼ hoyokʼme ar jaejug hạbicʼ saṅgha akae dohokom.

Sereńko 71:6

Janam khonge iń do amreń bhorsa akana; ińren eṅgạńakʼ kukhi khon amgem oḍok ạgukedińa. Amge ińren jao okteren sarhaoicʼ kanam.

Exodus 19:4

Onko do apnar mẽtʼtegeko ńelakada, misrikoń cetʼleka letʼkoa mente. Pajhạṛ cẽṛẽ cetʼleka phạ̃kṛạ̃kʼteye idiko onkage iń do Israelko iń ṭheniń ạgu akatʼkoa.

Jesaea 1:9

Phạdkoren Probhu Isor do abo lạgitʼ adom adom hoṛko jiwetʼ bae doholeko khan enḍekhan aboakʼ dosa do Sodom ar Gomora leka hoykokʼa.

Jesaea 10:20

Enhilokʼ Israelren jiwetʼ tahen hoṛko, metakʼme Jakobakʼ bõsren sarecʼ hoṛ do akoren hạhạnko cetanre ar bako bhorsakʼa, menkhan Probhu Isor cetanre, Israelren uni sonoticʼ cetanre sạrigeko bhorsakʼa.

Jesaea 10:21

Ar sarecʼ tahen hoṛ doko ruạṛ hijukʼa; Jakobren sarecʼ hoṛko do daṛean Isor ṭhenko ruạṛ hijukʼa.

Jesaea 10:22

E Israel, amren hoṛkoakʼ lekha do jalapuri reakʼ gitil unạkʼlenre hõ enhõ thoṛa hoṛgeko ruạṛ hijukʼa. Israelko lạgitʼ maraokʼ do ṭhik doho akana ar hok reakʼ sạjại do onkore paṛaokʼgea.

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jesaea 37:4

Ạsurren raj do jiwetʼ Isor nisṛạue lạgitʼ Rabsakeye kolakadea, menkhan amren Probhu Isor do hoedaṛeakʼa onako sanamakʼ katha ańjomkate uniye sạjạiyea. Onate am do onko lạgitʼ koeme one okoe ńit hạbicʼ jiwetʼ menakʼko.”

Jesaea 4:3

Enhilokʼ Sionre okoe sarecʼko tahen, metakʼme Jerusalemre tinạkʼ jiwetʼko tahen onko do sonot menteko hoho ocokʼa. Jerusalemre jiwetʼ tahen lạgitʼ onko hoṛkoakʼ ńutum do tạlikare ol caṛhaokʼa.

Jesaea 44:21

“E Jakob, E Israel, niạko disạ dohoyme, ente am do ińren guti kanam. Iń do amiń sirjạu akatʼmea, amge ińren golam do; E Israel bạń hiṛiń giḍimea.

Jesaea 46:12

E keṭecʼ monan hoṛ, okoe do dhorom khon sạṅgińre menakʼpe, ińakʼ katha ańjomtińpe.

Jesaea 48:1

E Jakob bõsrenko, noa ańjompe. Ape okoe do Israelpe ńum ocokʼkan, ape do Jihudạ bõs khonpe hecʼakana, ape do Probhu Isor ńutumtepe kiriyạkʼ kana ar Israelren Isor ṭhenpe koejoṅ kana, menkhan sạri se dhoromte do bape onkayeda.

Jesaea 51:1

Probhu Isore meneda, “Ape okoe do dhorompe khudạuetʼkan ar ińakʼ sana leka calakʼpe kurumuṭukan, ape do ińakʼ katha ańjompe. Okaṭakʼ dhiri khonpe makʼ totʼ akan ar oka khạn khonpe la totʼ ocoakan ona baṛe beṅgetʼakʼpe.

Jesaea 51:7

“Ińakʼ ańjomtińpe E ape dhorom bakʼḍaeko one okoeyakʼ monre ińakʼ ạnko menakʼ. Ape do manwakoakʼ henosta kathate alope botorokʼa ar onkoakʼ nindạu kathate hõ alope torasokʼa,

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.