Jesaea 46:1 - সান্তালী বাইবেল

¹ Probhu Isore meneda, “Bel debota doe ombagokʼa ar Nebo debota hõe sombodokʼa; unkinren goṛhon muṭhạnkoakʼ bojha do janwarkore lade idikʼa. Babelrenko okoe do boṅga murhutʼko sewawako kan tahẽkan onko do bojha lekako hoyokʼtakoa, ar laṅga janwarko lạgitʼ hõ bojhako hoyokʼa.

Jesaea 46:1 Iomraidhean Croise

Jobakʼ 39:11

Uniyakʼ asambheṛ daṛe iạte uni cetanrem bhorsakʼa? Amakʼ hamal kạmi do cetʼ unim kạmi ocoaea?

Exodus 12:12

Iń do ona ńindạge Misor disạm talateń parom calakʼa ar manwakoren pạhil hoponko ar janwarkoren pạhil hoponkoń gocʼkoa. Iń do Misorren sanam deb-debotakoń sạjạikoa; ar ińkangeạń Probhu Isor do.

Jesaea 2:18

ar boṅga murtiko doko marao utạrokʼa.

Jesaea 2:20

Enhilokʼ hoṛko do oneko pujạwako kan sona ar rupạte benao murtiko do cũd ar bạduṛ ṭhenko giḍikakoa.

Jesaea 21:9

Hanko ńelkom, joṛa joṛa aswarikoko darae kana.” Ona tayom uni doe mena, “Babel do lạnduṛena, lạnduṛena. Onaren sanam boṅga muṭhạnko do otreko tawakʼ posakʼ ocoakana.”

Jesaea 30:6

Dạkhin disạmren janwarko reaṅ nạbi katha: onko goḍetko do kosṭo ar durdosate perecʼ disạm talate ar dhạcri kul ar kul eṅga, bisan biń ar uḍạukʼkan bińkoakʼ disạm talateko calakʼa. Onko do akoakʼ dhon-duribko gadhare ladekate ar damanakʼ jinisko do ũṭ deare ladekate onko jạtrenko ṭhenko idiya one okoe hotete jãhãn labge baṅ hoyokʼtako.

Jesaea 45:20

“Jarwakʼpe ar hijukʼpe, ma hecʼ sorokʼpe, E ape boṅgan hoṛ jạtren paskao akanko. Onko do cetʼ hõ bako baḍaea, one okoe do akoakʼ kaṭ reakʼ goṛhon muṭhạnko gokʼ baṛayetʼ. Onko do nonkan debota ṭhenko koejoṅa okoe do bae bańcao daṛeako.

Jesaea 46:7

Onko do tarenre ladekateko gokʼ idiyedea; ar uniyakʼ jaegareko dohoyedea ar onḍege uni doe tahenkana. Ar ona jaega khon bae ocogokʼkana. Ar jãhãege uni ṭhene rakʼlere hõ bae roṛ ruạṛeda, ar uniyakʼ duk-kosṭo khon hõ bae rukhiyạ daṛeaekana.

Jirimiạ 10:5

Onkoren boṅgako do taher goḍare bitʼ akatʼ bhibhiṛkạu khunṭiko leka kanako, onko do katha bako roṛ daṛeakʼa; onko do gokʼ idiko hoyokʼa; ente bako taṛam daṛeakʼa. Alope botorakoa; onko do apeakʼ bako loksan daṛeakʼa, ar bhạlại hõ bako bhạlại daṛeapea.”

Jirimiạ 50:2

“Ape do jạt jạtrenko ṭhen porcarpe ar lại jạhirpe, nisạn teṅgoepe ar lại jạhirpe. Danaṅ do cetʼge alope dohoya, bickom menpe, ‘eṭakʼko do Babelko ạidạrijoṅa; Bakʼal deboda doe lajao ocokʼa, Merodok debota doe chaka chun ocokʼa. Babelren boṅga murhutʼko doko lajao ocokʼa ar uniren boṅga muṭhạnko hõko chaka chunokʼa.’

Jirimiạ 50:38

Akalte uniyakʼ sanam dakʼko ańjedokʼa, ente ona do boṅgakoakʼ disạm kana, ar onko boṅgako do onḍenko hoṛko koṅka ocokoa.

Jirimiạ 51:44

Iń do Babelren Bel debotań sạjạiyea ar uni okae utʼ akatʼ ona doń becʼ oḍok ocoyea. Jạt jạtrenko do uni ṭhen ạtukʼ dakʼ leka ar bako calakʼa. Ar Babel reakʼ pạcri bhit hõ dạsuṛokʼa.

Jirimiạ 51:47

Nonkan okteko khạṭige hijukʼ kana iń do Babelren boṅga murhutʼkoń sạjạikoa; uniyakʼ goṭa disạmge lajaoakʼ hoyokʼa ar uniren gocʼ ocokʼ hoṛ do ona talareko gurokʼa.

Jirimiạ 51:52

Menkhan ińiń meneda, dinko hijukʼ kana iń do Babelren boṅga muṭhạnkoń sạjạikoa ar Babel reakʼ sanam ṭhạ̃ire ghạl akan hoṛ doko hae haeyokʼa.

Daniel 11:8

Uni do onkoren debotako, dul muṭhạn sanam boṅgako, rupạ ar sonako reakʼ damanakʼ jiniskoe luṭjoṅa ar Misorteye idiya. Ar thoṛa bochor lạgitʼ uni do utạrren raj upạrte jhãp emokʼe ikạ hataṛkakʼa.

Daniel 3:14

Nebukadnesar do onkoe metatʼkoa, “E Sedrok, Mesak ar Abed-nego, noa do cetʼ sạrikana, ińren debota bape sapʼsorae kana, ar iń okoeṭakʼ sonaren murhutʼ iń benao akade uni hõ bape sewawae kana?

Nạhum 1:14

E Niniwi, Probhu Isor do am reaṅe menetʼkana, “Amakʼ ńutum rukhiyại lạgitʼ amre cele hoṛge bako tahena. Amren debotakoakʼ mundilre oka boṅga muṭhạnko menakʼ onakoń marao giḍikakʼa. Ar ạḍitetʼem bạṛicʼgete amakʼ topań teartama.”

Mathae 23:4

Onko do hamal hamal bojha tolkate hoṛkoakʼ tarenreko ladea, menkhan ako do kạtupʼte hõ bako laṛao legaea.

1 Samuel 5:3

Dosar hilokʼ hoṛko do setakʼre beretʼkateko ńelkeda Dagon do Probhu Isorakʼ sinduk samaṅre otre taberteye bhindạṛ akana. Ar unre onko do Dagonakʼ muṭhạnko teṅgoketʼte acʼakʼ jaegareko dohokeda.