Jesaea 45:7 - সান্তালী বাইবেল

⁷ Ińge marsal ar ńutiń benao akada; ińge bhạlạiyiń ạguiyeda ar ińge ghoṭnań sirjạueda. Iń Probhu Isorge niạkoń nonkayeda.

Jesaea 45:7 Iomraidhean Croise

2 Rapajko 19:25

Am do cetʼ bam ańjomakada, ḍher din laha khonge ona doń niṭakatʼ tahẽkana mente, ar ḍher din laharege ona reakʼ iń goṭa dohoakada? Ńitokʼ do onań hoyocokeda. Ar onatege pạcrite esetʼ nagrahako do dhiri puńjirem hoyocoakada.

Jobakʼ 10:13

Menkhan noako do amakʼ monrem baeakada, ińiń baḍaea noakoge am dom disạ akada,

Jobakʼ 2:10

Menkhan Job do uniye metadea, “Am do mitʼṭen dundhi maejiu leka katham roṛeda. Abo do cetʼ Isor ṭhen khon eken bhạlạige bon ataṅa, ar be bhạlạiyakʼ do baṅa?” Niạko hoyenre hõ Job do acʼakʼ kathate bae kạileda.

Jobakʼ 34:29

Hape akane tahẽlenre hõ okoege uni do bako dusi daṛelea; Mocae jhicʼletaere hõ uni do celege bako ńel ńamea. Enhõ uni do manwa ar jạtrenko cetanreye tahẽnkana,

Sereńko 105:28

Uni do ńute kolkeda, ar onate ńutena; uniyakʼ katha upạrte onko do bako teṅgolena.

Sereńko 29:11

Probhu Isor do acʼren hoṛko daṛeye jogao akokana; ar suluke dan akokanteye bhorako kana.

Sereńko 74:16

Siń do amakʼge, hẽ ar ńindạ hõ amakʼge; siń cando, ńindạ cando ar ipilko hõ amgem ṭarhao ocoakatʼkoa.

Sereńko 75:7

Menkhan Isorgeye bicạra; uni do mitʼhoṛe copotʼedea ar mitʼ hoṛ doe usuledea.

Sereńko 8:3

Iń do amakʼ tite benaoakʼ serma secʼiń beṅgetʼeda ar onḍem ṭarhao akatʼko ńindạ cando ar ipilkoń ńeletʼkoa.

Jesaea 31:2

Enrehõ uni doe ạkilangea, uni do ghoṭnakoe hoeocoya; acʼakʼ katha do bae ruạṛtaea. Uni do bạṛicʼko upạrte ar onkoren gokʼṛoko upạrteye beredokʼa.

Jesaea 42:16

Kãṛãkoń ạyurkoa, ar bako baḍaekan ar ona suṛucʼ horteń idikoa. Ar ńut do onko laha lahateń marsal ocoya ar harcatʼ hurcutʼ hor doń mitʼsão utạra. Iń do niạkoń nonkaea, ar khạṭigeń nonkaea.

Jesaea 44:24

Amren Probhu Isor, okoe doe amren chakʼḍaoicʼ kan, ar okoe do kukhireye gaṛhaoletʼme uniye meneda, “Iń kangeạń Probhu Isor do; ińge jotowakʼ iń sirjạuakada. Iń do sermań aṭetʼ akada ar ińge prithimiń pasnao akada.

Jesaea 47:11

Menkhan am do durdosarem paṛaokʼa, ar mantar hotete hõ ona do bam kaṭao daṛeakʼa. Unre muhinrem paṛaokʼa, ar bam ṭarhao daṛeakʼa. Ar okaṭakʼ sorbonas babotre laha khon bam baḍaekan tahẽkan ona do ackage amre hecʼ paṛaokʼa.

Jirimiạ 10:16

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Jirimiạ 13:16

Ape do aperen Probhu Isor sarhaoepe, ar baṅkhan uni do ńute ạguapea ar ape do ńut hijukʼkan buru cetanrepe tohodokʼa. Marsal reakʼpe aslenre hõ uni do ńute hoeocoya, ar ona do kaṛaṅ kucạṅ ńutge hoyokʼa.

Jirimiạ 31:35

Okoe do sińre siń cando, ńindạ do ńindạ cando ar ipilko marsal emokʼ lạgitʼe hukumako, ar okoe do jalapuriye lebḍayetʼkan jemon onako reakʼ ḍheoko hud hudạukʼ, ar okoeyakʼ ńutum do phạdkoren Probhu Isorkan,

Jirimiạ 51:20

Probhu Isore meneda, “E Babel, am kangeam ińakʼ lạṛhại reakʼ mutạk, am kangeam ińakʼ lạṛhại reakʼ khanḍa bhanḍa; am hotetege jạtrenkoń chaka chun akatʼkoa, ar am hotetege rajosṭikoń marao giḍiakada;

Rak̕joṅ 3:38

Maraṅ Isorakʼ moca khonge cetʼ bhalạiyanakʼ ar bin bhạlạiyanakʼ cetʼ baṅ oḍokokʼ kana?

Jeheskel 32:8

Am cetan reakʼ serma reakʼ joto marsal doń ńut ocoya; amakʼ disạm cetanre ńutiń ạguiya. Iń Probhu Isorge noa katha doń meneda.

Daniel 2:22

Uni do khạndri ar okoakʼko babotreye sodoretʼkana; unigeye baḍaea ńutre do cetʼ menakʼa; uni sãote do marsal tahẽnkana.

Joel 2:2

Ona do ńut ar kaṛaṅ kucạṅ ńutakʼ dinge, hende rimil ar kaṛaṅ ńutakʼ dinge. Buru ar ḍuṅgriko cetanre cetʼleka aṅga hijukʼ reakʼ marsal pasnao idikʼ onkage maraṅ ar daṛean pohokoren phạdko hijukʼkana. Nonkan lạṛhại phạd do lahateakʼ jugre tishõ bako tahẽkana, ar oka jugko hijukʼkan unrehõ bako tahena.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.

Amos 5:6

Probhu Isor ṭhen calakʼpe enḍekhanpe bańcaokʼa; ar baṅkhan uni do seṅgel leka Josephren, metakʼme Israelren hoṛko talareye jol rakabokʼa. Ar seṅgel do onae joma ar Bethelren okoehõ ona do bako ĩṛĩcʼ daṛeakʼa.

Nạhum 1:8

Menkhan uni do ḍubạ dakʼte Niniwi nagrahae marao utạra; ar okoe acʼ secʼrenko baṅkan onko do ńutteye laga ńirkoa.

Aposkạmi 4:28

Amakʼ daṛe ar sanate oka hoyokʼa mentem goṭa doholetʼ tahẽkan onko do onageko onkakeda.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Jihudạwakʼ ciṭhi 1:13

Noko do birbão talare jalapuri reakʼ ḍheoko leka kanako; ar jalapuri reakʼ photo leka nokoakʼ lajao paṛao kạmiko do capekʼ kana. Noko do ạcur baṛaekan ipil lekanako; jaejug lạgitʼ kaṛaṅ kucạṅ ńutge noko lạgitʼ do jogao dohoakana.

Jihudạwakʼ ciṭhi 1:6

Ona chaḍa okoe serma goḍetko do akoakʼ ạidạri rukhiyạ baṅkate apnarakʼ jaega bạgikateko calaolen onkoakʼ katha disạipe. Ona maraṅ din reakʼ bicạr lạgitʼ Isor do onko jaejug ńutreye tol doho akatʼkoa.