Jesaea 45:1 - সান্তালী বাইবেল

¹ Probhu Isor do acʼren ojokʼ bachao akan hoṛ Kores reaṅe meneda, “Uni samaṅre boṅgan hoṛ jạtrenko jaṅga latarko ar rapajko reakʼ paṭheakʼ raṛaetako lạgitʼ iń do uniyakʼ jojomtiyiń sapʼ akatʼtaea. Iń do uni samaṅre silpińkoń jhija jemon duạrko siń alo tahen.”

Jesaea 45:1 Iomraidhean Croise

1 Rapajko 19:15

Unre Probhu Isor do uniye metadea, “Oka hortem hecʼakan ona hortege ruạṛ senkate Damesek reakʼ hahaṅkarte calakʼme. Ar onḍe seṭerkate Hasayel do Aramren raj mentem ojokʼ bahalea.

Esra 1:1

Jirimiạ hotete roṛlen Probhu Isorakʼ katha purạukʼ lạgitʼ Parasren raj Korese rajokʼ pạhil bochorre Probhu Isor do Koresakʼ ontorre nonkan uskure danadea onate uni do sanam rajosṭire roṛte ar ol hotete noae lại sodorkeda:

Esra 1:2

“Parasren raj Kores do niạ kathae meneda, ‘sermaren Probhu Isor do dhạrti reakʼ sanam rajosṭi ińe em akawạdińa ar Jihudạ reakʼ Jerusalemre acʼ lạgitʼ mitʼṭecʼ oṛakʼ benao lạgitʼe bachao akadińạ.

Jobakʼ 12:21

Cetan hudạren hoṛko cetanre acʼakʼ kurude dula ar daṛeanko doe eken ti ocokoa.

Sereńko 73:23

Enhõ iń do jao ghuṛi am sãorege minạńa; amge ińakʼ jojom tiyem sapʼ akatʼtińạ.

Jesaea 13:2

Probhui Isore meneda, “Ape do poṭor buru cetanre mitʼṭecʼ jhạnḍi rakabtape; ar ãṭ aṛaṅte lạṛhại birko hohoakope ar asol asol hoṛko phaṭok duạrte bolokʼ lạgitʼ tite gạwicʼakope.

Jesaea 13:3

Iń ńutumte begar akan hoṛkoń hukum akatʼkoa; ińakʼ edre dul giḍikakʼ lạgitʼ ińren lạṛhại birkoń hohoakatʼkoa. Ińakʼ mạhima sodor akante onko do rạskạteko gorbokʼ kana.”

Jesaea 41:13

ente iń kangeạń Probhu, amren Isor do: iń do amakʼ jojom tiyiń sapʼ akatʼtama ariń metamkana, alom botorokʼa; iń do amiń goṛowama.

Jesaea 41:2

“Purub secʼren uni do okoeye teṅgo ocokedea, one uni taṛam piche jitge daram edekan? Uni do boṅgan hoṛ jạtrenko uni ṭhene soprotkoa. Ar ona iạte uni do rapajko jaṅgateye lebetʼ gańjaokoa. Uni do acʼakʼ tarwaṛete dhuṛi lekae hoyocokoa ar uniyakʼ akʼte bhusạ lekae oṭaṅkoa.

Jesaea 41:25

“Purub secʼren mitʼṭen hoṛ do ińakʼ ńutume lại sodora; uni do utạr secʼ khon hijukʼ lạgitʼ iń uskurede kana, ar uni doe hijukʼkana. Hasa cetʼlekako lebed ar kuṅkạl cetʼleka hasae lebetʼ gańjaoetʼkan onkage uni do disạm cakʼlaokoe lebetʼ gańjaokoa.

Jesaea 42:6

“Iń Probhu Isorge dhoromreń hohoakatʼmea; iń do amakʼ tiyiń sabtama. Ińgeń rukhiyạmea ar ińren hoṛko lạgitʼ mitʼṭecʼ bondobos menkateń dohomea ar eṭakʼ jạtrenko lạgitʼ do marsal lekań hoe ocomea.

Jesaea 44:28

Ar Kores reaṅ doń mena, ‘uni do ińren gupiyicʼ kanae; ar iń okań kusiyakʼ ona sanamakʼe kạmiya. Uni do Jerusalem reaṅe mena, ‘arhõ teṅgo ruạṛokʼma,’ ar koejoṅ oṛakʼ reaṅ doe mena, ‘ona reakʼ rehetʼ do bạisạukʼma.”

Jesaea 45:5

Iń kangeạń Probhu Isor do, eṭakʼ ar cele hõ bạnukʼkoa; iń chaḍa eṭakʼ Isor do ar bạnuiya. Am bam baḍae akadińre hõ iń doń paṭhe keṭecʼetʼmea,

Jesaea 48:15

Ińge, iń Probhuge kathań roṛ akada; hẽ, ińge uni doń hohoakadea. Iń do uniń ạguiyea ar uni do acʼakʼ kạmireye jo bahakʼa.

Jirimiạ 27:6

Ńitokʼ iń do apeakʼ goṭa disạmge ińren golam Babelren raj Nebukadnesarakʼ tireń soprota; ar bir janwarko hõ uni tabereń dohokoa.

Jirimiạ 43:10

Ona tayom onkom metakoa, Israelren phạdkoren Probhu Isore meneda, ‘ińren guti Babelren raj Nebukadnesar iń hoho ạguiyea ar okaṭakʼ dhiri nonḍeń oko dohoakatʼ ona cetanre uniyakʼ siṅghạsoniń bạisạua; ar ona cetanre uni do acʼakʼ raj tạmbui pasnaotaea.

Jirimiạ 50:3

Utạr khon mitʼ jạtrenko do uni upạrteko hijukʼa ar uniyakʼ disạm do ujạṛakʼko hoeocoya. Okoe hõ onare do bako girobasokʼa; manwa hõ ar janwar hõko dạṛjoṅa.

Jirimiạ 50:35

Probhu Isore meneda, “Babelrenko upạrte, uniren hoṛko upạrte ar uniren cetan hudạren kạmiyạko ar ạkilan hoṛko upạrte tarwaṛe do menakʼgea.

Jirimiạ 51:11

Ape do apeakʼ sarko lasertape, ar ḍhalko hatao joṅpe. Probhu Isor do Madaeren rajkoakʼ jiue uskur akatʼtakoa, ente bạiriko upạrte uniyakʼ monejoṅakʼ do jarkharakʼge. Probhu Isor do khạṭige acʼakʼ oṛakʼ lạgitʼe hala hạlikʼa.

Jirimiạ 51:30

Babelren birbanṭako do lạṛhạiko thirakana; onko do akoakʼ gaṛrege menakʼkoa. Onkoakʼ daṛe do ńurentakoa; ar maejiuko lekako nijor akana. Onkoakʼ tahen ṭhạ̃i do seṅgelteko jeretʼ akatʼtakoa; Babel reakʼ sanam phaṭok duạr reakʼ huṛkạṛko do rạputʼ ocoakana.

Jirimiạ 51:58

Babel reakʼ moṭa pạcri rạputʼkate soman ocokʼa ar ona reakʼ usul phaṭok duạrko do seṅgelte ḍahao maraokʼa. Hoṛko do ạuṛiyakʼgeko laṅga ocokʼa, ar jạt jạtrenkoakʼ khaṭaokʼ reakʼ kuṛại do seṅgelte lo roṅgo cabakʼa.”

Jeheskel 29:20

Acʼakʼ kạmi reakʼ kuṛại lekate uni do Misor disạmiń em akawadea, ente uni do iń lạgitʼe kạmi akada. Ar iń Probhu Isorge noa katha doń meneda.

Daniel 5:6

Ar onate uniyakʼ mẽtʼãhã do keklesetʼentaea ar nunạkʼ botor caṛhaoadea, uniyakʼ ḍanḍa do lạbṛucʼentaea ar gunṭhi kin hõ thar tharaokʼ ehopʼentaea.

Daniel 7:5

“Ona tayom iń do dosaricʼ janwariń ńelkedea. Uni do ńelokʼte Bana lekae tahẽkana. Uni do mitʼ dhaṛateye duṛupʼ akana ar uniyakʼ mocare do pańjra reakʼ pea jaṅ tahẽkana. Uni doe men ocoyena, ‘am do senkate lacʼ bikʼ jel jomme.’

Daniel 8:3

Iń do gaḍa aṛere mitʼṭen bheḍa teṅgo akaniń ńelkedea. Uniyakʼ do barea jeleń dereń tahẽkantaea. Mitʼṭecʼ dereń do eṭakʼakʼ khon jeleńge tahẽkana ar ona do hara rakabokʼkan tahẽkana.

Daniel 8:4

Iń doń ńelkeda Bheḍa do pạchim, utạr ar dạkhin secʼe uṭicʼetʼ kana. Uni samaṅre cele janwarge bako ṭikạu daṛeada ar uni khon bańcaoko leka do celege bako tahẽkana. Uni do acʼakʼ kusi lekae cekayetʼ tahẽkana are daṛe idiyena.

Nạhum 2:6

Gaḍako reakʼ phaṭok duạrko do jhicʼena ar raj oṛakʼ do maraokʼkana.

Nạhum 3:13

Amren lạṛhại phạdko do jotoge maejiuko leka kanako. Amakʼ disạm reakʼ phaṭok duạrko do amren bạiriko samaṅre jhicʼge menakʼa; ar seṅgel do onako reakʼ duạr-sikṛikoe jeretʼ giḍiakada.