Jesaea 44:8 - সান্তালী বাইবেল

⁸ Alope botorokʼa ar alope thar tharaokʼa. Iń do cetʼ ḍher laha khonge niạko bạń lại jạhir akawatʼpea? Apege ińren goha do; iń chaḍa cetʼ ar jãhãe Isor menakʼkoa? Baṅa, ar jãhãn asray buru do bạnukʼa; iń do ar celege bạń baḍae akatʼkoa.”

Jesaea 44:8 Iomraidhean Croise

Genesis 46:3

Isore menkeda, “Iń Isor do, am babaren Isor kạnạń. Misor disạmte calakʼ do alom botorokʼa, ente iń do onḍe am khon mitʼṭecʼ maraṅ utạr jạtrenkoń sirjạukoa.

Genesis 48:19

Menkhan apattetʼ doe menkeda, “Iń doń baḍaegea. Uni hõ maraṅe hoyokʼa ar uni bõsren hoṛ do mitʼ jạtrenko hoyokʼa. Menkhan huḍińicʼ boeha do uni khon hõ maraṅe hoyokʼa ar uni bõsren hoṛko khon ạḍi utạr jạtrenko hoyokʼa.”

2 Samuel 22:32

Probhu eskar chaḍa ar okoe Isor menaea? Aboren Isor chaḍa cetʼ jãhãn aotan buru menakʼa?

Esra 1:2

“Parasren raj Kores do niạ kathae meneda, ‘sermaren Probhu Isor do dhạrti reakʼ sanam rajosṭi ińe em akawạdińa ar Jihudạ reakʼ Jerusalemre acʼ lạgitʼ mitʼṭecʼ oṛakʼ benao lạgitʼe bachao akadińạ.

Esra 8:22

Horre aleren bạirikoakʼ ti khon ale rukhiyạle lạgitʼ raj ṭhen lạṛhại phạdko ar aswariko koeye doń lajaoena, ente ale do rajle metade tahẽkana, “Okoe do Isorakʼ sana lekako calakʼ onko mimitʼko cetanre uniyakʼ bhạlạiyanakʼ ti menakʼa, menkhan okoe uniko bạgiyae onko sanamko cetanre uniyakʼ edre do paṛaokʼa.”

Sereńko 18:31

Probhu eskar chaḍa ar okoe Isor menaea? Aboren Isor chaḍa cetʼ jãhãn aotan buru menakʼa?

Sereńko 18:32

Isorge ińakʼ ḍanḍare daṛeye imạńkana unige ińakʼ horkoe sạbit ocoyetʼtińạ.

Sereńko 86:10

Am dom maraṅgea ar hahaṛawakʼkom kạmikana; eken amkagem Isor do.

Jesaea 17:10

Am do amren babańcaoicʼ Isorrem hiṛiń akadea; ar ona asrayokʼ buru hõm hiṛińakada. Ar am do mońj mońj cara ar eṭakʼ disạm khon ạguwakʼ darkha nạ̃ṛĩkom rohoejoṅ kana,

Jesaea 26:4

Ape do Probhu Isorre jaejug bhorsa akan tahenpe, ente Probhu, Isor do jaejugren asray buru kanae.

Jesaea 30:29

Ar ape do sonot porob ńindạpe manaoetʼ lekape sereńa. Ar hoṛko do tinre tiriạwante Probhu Isorakʼ burure rakapʼkate Israel reakʼ asray buru ṭhenko hijukʼa ar unre cetʼleka rạskạ hoyokʼ onkage apeakʼ ontor hõ rạskạkʼtapea.

Jesaea 41:23

Tayom daram dinkore cetʼ cetʼko hoyokʼa ona lạiyalepe, jemonle baḍae daṛeakʼ, ape dope debotako kana. Boge ar bạṛicʼ jãhãnakʼge mitʼṭecʼ kạmipe jemon ona ńelte hahaṛa arle botorokʼ.

Jesaea 42:9

Ńelpe, lahateakʼ ghoṭnako do ghoṭao akana ar iń do nãwã ghoṭna reakʼ iń lại sodoreda; ar onako ạuri ghoṭaokʼrege ape ṭhen onań lạiyeda.”

Jesaea 43:10

Probhu Isor do Israelkoe metakokana, “Apege ińren goha ar ińren bachao akan golam kanape, ar ape jemonpe pạtiạukʼ arpe baḍae daṛeakʼ, iń kangeạń uni do. Iń lahate okoe Isor hõ bako sirjạu akana ar iń tayomte eṭakʼ cele Isor hõ bako tahena.

Jesaea 43:11

Ińge Probhu Isor do, iń chaḍa ar cele babańcaoko hõ bạnukʼkoa.

Jesaea 43:12

Ińiń lại jạhireda, ariń bańcao akatʼpea ariń sodoreda; unre ape talare cele debota hõ bako tahẽkana. Ar niạ reaṅ do apege ińren gohako kanape. Iń Probhu Isorge inạ katha doń meneda; ińkangeạń Probhu do.

Jesaea 43:9

Sanam boṅgan hoṛ jạtrenko doko jarwa midokʼma ar hoṛko do mitʼ jaegareko hecʼ jarwakʼma. Onko modre ona do okoeko jạhir daṛeakʼa, ar pạhil reakʼko do okoeye udukʼ daṛeabona? Ar onkoakʼ kathako je, sạrikan ona sạbud lạgitʼ onko do akoren gohako ạgukoma jemon onko do ona ańjomkateko mendaṛeakʼ, “Noage sạriyakʼ kana.”

Jesaea 44:2

Probhu Isor, okoe do ame sirjạu akatʼme, okoe do eṅgamakʼ kukhireye gaṛhaoletʼme ar one uniye goṛowam, uni do niạ kathae meneda, ‘E ińren golam Jakob, ar ińiń bachao akawan Jisurun, am do alom botorokʼa;

Jesaea 44:6

Probhu Isor, okoe do Israelren raj are babańcaoicʼ kan, okoe doe phạdkoren Probhu Isor kan, uni do niạ kathae meneda, “Ińge pạhilicʼ ar Ińge sesicʼ; iń chaḍa ar cele Isorge bạnukʼkoa.

Jesaea 45:19

Iń do oko danaṅre hõ bạń roṛakada, ńut reakʼ disạmre hõ bạń roṛakada. Ar Jakobren bõsko hõ bạń men akawatʼkoa,, ‘ape do ạuṛiyakʼgepe ńam baṛayedińa.’ Iń Probhu Isor do hok reakʼ kathań roṛeda; ar oka sạriạkʼkan onageń lại jạhireda.

Jesaea 46:9

Sedae reakʼ kathako disạipe. Iń kangeạń Isor do, iń chaḍa eṭakʼ jãhãe ar celege bạnukʼkoa; Iń kangeạń Isor do, Iń leka do ar celege bạnuiya.

Jesaea 48:3

Probhu Isore meneda, “Oka hoyakan ona do sedaeregeń menleda; ariń baḍae ocoleda ar ińakʼ moca do onae lại jạhirleda. Ona tayom ackageń onkakeda ar ona do hoyena.

Jesaea 48:5

Ona iạte sedaerege iń do niạkoń lạileda ar ona hoyokʼ laharege ape ṭheniń lại jạhirleda, jemon bape mendaṛeakʼ, ‘aleren goṛhon muṭhạnko, aleren murhutʼko ar chãchre dul muṭhạnkoge niạ doko hukumakada.’

Jirimiạ 10:7

E jạtkoren raj, okoe baṅ am do bae botoram? Noa do amakʼ kuṛại kana. Jạt jạtkoren sanam ạkilan hoṛko talare ar onkoakʼ sanam rajosṭiko talare am leka do celehõ bạnukʼkoa.

Daniel 2:28

Menkhan sermare mitʼṭen Isor menaea okoe do okoakʼko reaṅe sodoretʼkan. Ar tayom daram dinkore cetʼko hoyokʼa ona do unige Nebukadnesar raje baḍae ocoakadea. Amakʼ kukmũ, metakʼme aṭetʼre giticʼkate okaṭakʼ kukmũm ńelakatʼ ona do ńitokʼ iń lạiyama.

Daniel 2:47

Raj do Daniele metadea, aperen Isor do sạrige Isorkoren Isor kanae, rapajkoren Probhu kanae ar okoakʼko sodoricʼ hõ kanae, ente am do noa okoakʼko reaṅem sodor daṛeada.

Daniel 4:25

Am do hoṛko tala khonem laga ńir ocokʼa ar janwarko sãotem tahena; am do ḍaṅgra leka ghãsem joma ar serma reakʼ sisirdakʼtem lohodokʼa. Nonkate eae bochor hạbicʼ calakʼa, one tin hạbicʼ bam aṅgocʼ manwakoakʼ rajosṭi cetanre maraṅ Isorgeye rajokʼkana mente ar onako rajosṭi do acʼ okoeye kusiyae unigeye emaekana.

Daniel 6:22

Ińren Isor do acʼren dutkoe kolketʼkote dhạcri kulkoakʼ mocae bondketʼtakoa. Onko do bako ghạl akadińạ, ente Isorakʼ mẽtʼãhãre bin dusạniń tahẽkana. E maharaj, am ṭhen hõ jãhãnakʼ do bạń dosakada.”

Joel 2:27

Unrepe baḍae daṛeakʼa, ińge Israelko talare minạńa ar iń kangeạń aperen Probhu Isor do, ar iń do eṭagicʼ doń baṅkana; ińren hoṛ do ar tishõ bako lajao ocokʼa.

Johan 1:1

Etohopʼrege kathatetʼ tahẽkana, ar kathatetʼ do Isor ṭhen tahẽkana ar kathatetʼ do acʼge Isore tahẽkana.

Johan 10:30

“Iń ar Baba doliń mitʼgea.”

Johan 6:10

Jisui menkeda, “Hoṛko duṛupʼ ocokope.” Ona jaegare ḍher ghãs tahẽkana. Onate gadel hoṛ do ona cetanregeko duṛupʼena. Onḍe do mõṛẽ hajar herel hoṛko tahẽkana.

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakange liń. Ạliń do ape ṭhen bhage sombat liń porcareda jemon noa ạuṛiyakʼko khon jiwetʼ Isor secʼpe, ạcurokʼ. Unige serma ar ot ar jalapuri ar onare menakʼ jotowakʼe sirjạu akada.

Dosar Biboron 32:31

Bạirikoakʼ asray buru do aboakʼ asray buru leka do baṅkana, noa do aboren bạirikoakʼ bicạr phanḍaoakʼ kana.

Dosar Biboron 32:39

Ńitokʼ hudisokʼpe ar ńelpe ińkangeạń uni do; iń chaḍa ar cele Isorge bạnukʼkoa. Ińge gogocʼicʼ ar ińge jiwetʼicʼ, ińge ghạghạlicʼ, ińge bokʼgeyicʼ; ińakʼ ti khone bańcao daṛeakʼ nonkan celege bạnukʼkoa.

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Dosar Biboron 4:35

“Ape jemonpe baḍae daṛeakʼ, Probhu kangeae Isor do ar uni chaḍa cele Isorge bạnukʼkoa, ona iạtege noako dope ńel ocolena.

Dosar Biboron 4:39

“Teheń ape do niạ katha baḍaekakʼpe ar ontorre rebetʼ dohokakʼpe, Probhu Isorge coṭ sermaren ar latar otren Isor kanae, uni chaḍa ar cele Isorge bạnukʼkoa.

Ibriko 12:1

Enḍekhan ńelokʼ kana, Isorre biswạs reakʼ goha lekate aema hoṛ do abo beṛhaeteko ṭhạurạ akana. Onate dela bon, mitʼke mitʼ tạkicʼakʼ ar oka kại abore laṭkao akan ona do sạṅgiń secʼ bon ṭhelao giḍikakʼte sombhuri salakʼ laha secʼ bon ńir calakʼma.

1 Johan 1:2

Ona jion doe sodorlena. Ale do unile ńelakadea ar uni reaṅ gohale emeda. Okoe do Baba ṭhene tahẽkan ar ale ṭhene sodorlen ona jaejug jion reakʼ kathage apele baḍae ocoyetʼpea.

1 Samuel 2:2

Probhu Isor leka sonoticʼ do okoe hõ bạnugicʼan, ente am chaḍa ar cele Isorge bạnukʼkoa; aboren Isor leka asrae buru do ar cetʼge bạnukʼa.