Jesaea 44:5 - সান্তালী বাইবেল

⁵ Mitʼṭen doe mena, uni doe Probhu Isor kana; ar dosaricʼ do Jokob ńutumteye ńumogokʼa, ar eṭagicʼ do acʼakʼ tireye ola, uni doe Probhu Isorren kana, ar Israelakʼ ńutumteye pạrisokʼa.’ ”

Jesaea 44:5 Iomraidhean Croise

2 Bõsbudạ 36:23

“Parasren raj Kores do niạ kathae meneda, ‘sermaren Probhu Isor do dhạrti reakʼ sanam rajosṭi ińe em akawạdińa ar Jihudạ reakʼ Jerusalemre acʼ lạgitʼ mitʼṭecʼ oṛakʼ benao lạgitʼe bachao akadińạ. Uniren hoṛko modre, metakʼme ape talare okoeye khojkan uni do onḍeye calakʼma ar uniren Probhu Isor do uni sãoreye tahenma.’ ”

Nehemiạ 9:38

Ona tayom hoṛko doko olkeda: “Niạko karonte ale do ńitokʼ apnar talare olkate bondobosle bandhaoeda, ar ona cetanre aleren mukhiyạko, liwiko ar naekeko doko chapakʼ kana.”

Sereńko 116:16

E Probhu Isor, sạrige iń do amren golam kạnạń, amren golamge, ar amren kạ̃ṛmĩren gidrạge; amge ińakʼ tonolem raṛa akatʼtińạ.

Exodus 13:9

Nonkate Probhu Isorakʼ emakʼ noa hukum reakʼ kathape cetʼakoa. Noa niạm manao do nonkan mitʼṭecʼ cinhạ hoyokʼa one ona do ti ar moloṅ reakʼ cinhạ lekae disạ ocopea, Probhu Isor do acʼakʼ daṛete Misor disạm khone oḍok ạguakatʼpea.

Jesaea 2:3

Jạt jạtren hoṛ do hecʼkateko mena, “Dela, abo do Probhu Isorakʼ burute bon rakapʼlenge, dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ kathage.

Jirimiạ 32:10

Iń do dolelreń suhiyada, ariń mohor chapada ar gohako hõń dohoketʼkoa ar tulạte ona rupạń soṅadea.

Jirimiạ 50:5

Onko do Sionte calakʼ reakʼ horko kukʼliya ar ona secʼ akoakʼ mẽtʼãhãko samaṅtakoa. Onko do hecʼkate Probhu Isor sãote nonkan mitʼṭecʼ bondobosko bandhaoa one ona do tishõ baṅ hiṛińokʼ.

Mikạ 4:2

Jạt jạtren hoṛko do hecʼkateko mena, “Dela, abo do Probhu Isorakʼ burute bon rakapʼa, Dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar abo do uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ katha oḍokokʼa.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

2 Korinthiko 8:5

Alele aslen tahẽkan khonakʼ hõ bạ̃ṛtiko danleda; onko do pạhilre Probhu Isor ṭhen apnarko em maṛaṅena ar ona tayom do Isorakʼ sanaleka ale ṭhenko emleda.

Galathiko lạgitʼ Pạul Apostolakʼ ciṭhi 6:16

Okoe hoṛ noa ạn lekateko calakʼkan onkore, metakʼme Isorren sạri Israelko uni do suluk ar mãyãe dan akoma.

Galathiko lạgitʼ Pạul Apostolakʼ ciṭhi 6:17

Mucạtʼreń menkea, okoe hõ aloko duk ocoyińma, ente Jisuakʼ ghạl dagko reakʼ cinhạkoge ińakʼ hoṛmoreń asen baṛayeda.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.