Biblia Todo Logo
Bìoball air-loidhne

- Sanasan -




Jesaea 43:7 - সান্তালী বাইবেল

7 Ińakʼ ńutumte okoeko hoho ocokʼ, okoe do ińakʼ ṭhonok lạgitʼ iń sirjạu akatʼko, okoe doń gaṛhao akatʼko ariń benao akatʼko, onko mimitʼko ạgukope.’ ”

Faic an caibideil Dèan lethbhreac




Jesaea 43:7
36 Iomraidhean Croise  

Ape do baḍaekakʼpe Probhugeye Isor kana mente. Unige abo doe benao akatʼbona, ar abo do uniren kanabon; abo do uniren kangeabon, ar uniyakʼ gukʼpi ṭạnḍiren bhiḍi kanabon.


Okoeyakʼ jionre gun manao joharge uniyakʼ dãṛẽkan unige iń doe manot edeńkana; ar okoe ińakʼ horteye calakʼkan uni doń bańcaoea”


Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.


Tinre onko do ako talare ińakʼ ti reakʼ kạmi, metakʼme akoren gidrạkoko ńelkoa unre sonoticʼ menteko manaoińạ. Jakobren uni sonoticʼ do sonot menteko aṅgocea ar Israelren Isorko botoraea.


E Jakob, okoe ame sirjạu akatʼme, E Israel, okoe ame benao akatʼme, uni Probhu Isor do ńitokʼ niạ kathae meneda, “Alom botorokʼa, ente am doń chaḍao akatʼmea. Iń do amakʼ ńutum ńumkateń hohoakatʼmea, am dom ińren kana.


Onko hoṛko do iń apnar lạgitʼ iń benao akatʼkoa jemon ińakʼ ṭhonokko sodor daṛeakʼ.


E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.


Ińakʼ dhorom do ape ṭheniń ạguiyeda; sạṅgińre ona do bạnukʼa ar ińakʼ babańcao hõ baṅ bilomokʼa. Iń do Sionre babańcao iń dohoya, Israel lạgitʼ, ińakʼ ṭhonokʼ lạgitʼge.”


Iń okakoń cekae ona do iń lạgitʼge, eken iń lạgitʼgeń kạmiyeda. Iń do cetʼ ińakʼ ńutumiń besonot ocoytińạ? Ińakʼ sarhao eṭagicʼ do ohoń emlea.


enḍekhan onkoakʼ ńutum do hopon ar hoponerako khon hõ sorosge ińakʼ oṛakʼre ar ińakʼ pạcri bhitrireń bạisạukea mitʼṭecʼ cinhạ lekate. Ar jaejugakʼ ńutumgeń emkekoa oka do baṅ maraokʼ.


Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.


Okoe cetanre tishõ mạliki bam calao akatʼ, okoe tishõ amakʼ ńutumte bako hoho ocoakan, ńitokʼ ale do onko somanle hoyakana.


Cetʼ iạte am do andesale akan hoṛ lekam hoyakana, ar cetʼ iạte baṅ rurukhiyạ daṛe lạṛhại bir leka dom hoyakana? E Probhu Isor, ale talarege menama ar amren kangeale; am do alom bạgi giḍilea.


Ona jokhecʼ Jihudạren hoṛ do bańcaoko ńama ar Jerusalemren hoṛ do khạtirjomako girobasokʼa. Uni do niạ ńutumgeye hoho ocokʼa, ‘Probhu Isorge aboakʼ dhorom do.’


E ińren Isor, luturakʼme baṛe; ar ańjomme; amakʼ mẽtʼ jhijme ar okaṭakʼ nagraha do amakʼ ńutumte bikạuakan ona reakʼ ujạṛakʼ mitʼ dhao beṅgetʼakʼme. Aleakʼ gunte do baṅ bickom amakʼ maraṅ dayate am ṭhenle nehõrokʼ kana.


E Probhu, ańjomme. E Isor, ikạkaleme. E Probhu moneyakʼtaleme, ar jãhãnakʼ baṛe cekaeme. E ińren Isor, amakʼ ńutum rukhiyạitam lạgitʼ ar alom biloma, ente amakʼ nagraha ar amren hoṛko do amakʼ ńutumtegeko bikạu akana.”


Jemon Israelko do Edomren sarecʼ hĩs ar eṭakʼ jạtrenkoakʼ disạmko ạidạri daṛeakʼ.” Probhu Isor, okoe do noakoe kạmikan, unige noa katha doe meneda.


Apeakʼ jionre ḍherpe jolen khan enḍekhan nonkate ape do ińren celape sạbudokʼa ar ińren Baba doe ṭhonok ocokʼa.


ar uniye ńamkede khan Antiokiạteye ạgukedea. Barnabas ar Sạul do goṭa bochor manḍerren hoṛko sãotekin tahẽyena ar ạḍi utạr hoṛkin cetʼatʼkoa. Ar noa Antiokiạrege celako do pạhil Khristanko ńumocoyena.


Arhõ uni do acʼakʼ bin mucạtʼ ṭhonok reakʼ katha hõ baḍae ocokoe menletʼ tahẽkana. Okoe uniyakʼ dayako ńamakatʼ onko do laha khongeye tear akatʼko tahẽkana acʼakʼ ṭhonok ńam lạgitʼ.


Jãhãege Mạsi tulucʼ mitʼakae menae khan enḍekhan uni do nãwãteye sirjạu akana. Ar mareakʼ sanamakʼ do parom calaoena ar jotowakʼ do nãwã akana.


Khatna ar bin khatna do cetʼ porhoge bạnukʼa, menkhan maraṅ katha do hoyokʼ kana Mạsi hotete nãwã sirjonge.


Okoe laha khon Mạsirele asakan, ale hotetege jemon Isorakʼ mạhima sodorokʼ ona lạgitʼge uni doe bachao akatʼlea.


Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.


Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.


Okoeyakʼ ńutum lekatepe hoho ocokʼkan kĩsạ̃ṛko do cetʼ ona manot ńutum bako henostawakʼ kana?


Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.


Jãhãeye porcar khan, enḍekhan nonka lekae porcar ma jemon uni do Isorakʼ moca reakʼ kathae roṛeda mente. Ar jãhãye sapʼ sopohotʼ khan enḍekhan Isor emakʼ daṛete uni doe sapʼ sopohotʼma, jemon Jisu Mạsi hotete jotowakʼre Isorge ṭhonoke ńam. Ente daṛe ar ṭhonok do jaejug hạbicʼ uniyakʼge. Amen.


Mạsi iạtepe henosta ocokʼkan khan enḍekhan ape dope bhạgangea, ente Isorakʼ mạhimate perecʼ akan Jiu do apere menaea.


Ar okoeye jitạukʼa unige ińren Isorakʼ oṛakʼ reakʼ mitʼṭecʼ khũnṭiń teṅgoyea; uni do tisge bahrete bae calakʼa. Iń do ińren Isorakʼ ńutum ar ińren Isorakʼ nagraha reakʼ ńutum unireń ola. Ona nagraha do nãwã Jerusalemge. Noa do serma khon ińren Isor ṭhen khon pheḍ hijukʼa. Ar okoeye jitạukʼa, iń do unire ińakʼ ńutumiń ola.


Probhu Isor do acʼakʼ maraṅ ńutum iạte acʼren hoṛko tisge bae bạgi daṛeakoa, ente uni do acʼakʼ sanatege acʼren hoṛe hoyocoakatʼpea.


Lean sinn:

Sanasan


Sanasan