Jesaea 43:6 - সান্তালী বাইবেল

⁶ Ar utạr reakʼ disạm doń metaea, ‘onko aṛakʼkako me,’ Ar dạkhin disạm doń metaea, ‘alom aṭkaokoa. Iń do unkiniń metakinạ, ‘aben do sạṅgiń disạm khon ińren hoponko ạguko ben, ar pirthimi reakʼ ses simạna khon ińren hoponerako ạguko ben.

Jesaea 43:6 Iomraidhean Croise

Sereńko 107:3

Uni do eṭakʼ eṭakʼ disạm khon mitʼ jaegateye ạgu akatʼkoa, onko do purub, pạchim ar utạr dạkhin khone ạguakatʼkoa.

Jesaea 11:12

Uni do jạtrenko lạgitʼ mitʼṭecʼ jhạnḍiye rakaba ar bidesre bondi akan Israelkoe jarwakoa; ar Jihudạren chirchạtur akan hoṛko pirthimi reakʼ beṛhae khone jarwakoa.

Jesaea 18:7

Unre phạdkoren Probhu Isor ṭhen do onko usul ar cĩkạ̃ṛ jạtrenko ṭhen khon sandesko hijukʼa. Onko do boṅgan hoṛ jạtren kanako okoe do sor ar sạṅgińren hoṛko botorakokan. Onko do noko daṛean jạtren kangeako okoe do eṭakʼko jaṅgateko lebetʼ gańjaoetʼko ar okaṭakʼ disạm do gaḍa soḍokʼkote hạṭiń akantako. Onko jạtrenkoakʼ dan sandes do Sion burure, phạdkoren Probhu Isorakʼ tahen ṭhạ̃ite ạgukʼa.

Jesaea 27:13

Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Jesaea 45:22

“E dhạrti reakʼ ses simạnarenko, iń secʼ ruạṛokʼpe ar bańcaokʼpe, ente iń kangeạń Isor do, iń chaḍa ar cele hõ Isor doko baṅkana.

Jesaea 49:12

Ńelpe, onko do sạṅgiń khonko hijukʼa; okoe do utạr khon, okoe do pạchim khon ar okoe do Sinim disạm khonko hijukʼa.”

Jesaea 49:22

Probhu Isore meneda, “Ńelme, iń do isạrate eṭakʼ jạtrenkoń hohowakoa ar ińakʼ nisạn iń udukʼakoa. Onate onko do hoborate ińren hoponkoko ạgukoa ar ińren hoponerko doko ghõṛa ạgukoa.

Jesaea 54:3

ente am do etom ar kõńe secʼem pasnaokʼa. Amren hoponko do eṭakʼ jạtrenkoakʼ disạmko dokholjoṅa ar ujạṛakʼ nagrahareko girobasokʼa.

Jesaea 60:4

“Am do beṛhaete beṅgetʼ rakabme, onko sanamkoge mitʼ domte am ṭhenko hijukʼkana; amren hoponko do sạṅgiń khonko hijukʼkana ar amren hoponerako doko heo ạgu ocokʼkana.

Jesaea 60:9

Sạrige sạṅgiń disạmren hoṛko do iń lạgitʼko koyokʼ horeda; amren hoponko lạgitʼ sona rupạ reakʼ maraṅ maraṅ Tạrsis jahajko do jotoko khon laha lahate hijukʼkana. Israelren uni sonoticʼ do, amren Probhu Isorakʼ ńutum sarhaotae lạgitʼ amren hoponkoko hijukʼkana, ente uni doe ṭhonok ocoakatʼmea.

Jesaea 66:20

Probhu Isor ńutumte samaṅokʼ lekate sanam jạtrenko tala khon aperen boehako do rãt gạḍikote, sadomkote, gadhakote ar ũṭkoante ińakʼ sonot buru Jerusalemteko hijukʼa. Israelko cetʼleka sapha bhajanre anaj samaṅokʼakʼ jinisko ạgui onkage onko do Probhu Isorakʼ oṛakʼteko ạguiya.

Jirimiạ 23:8

bickomko mena, ‘okoe do Israelko utạr ar eṭakʼ disạmteye sạṅgińletʼko ar onḍe khone ạguketʼko uni jiwetʼ Probhu Isor ńutumte kiriạkateń meneda.’ Onate onko do akoakʼ disạmreko girobasokʼa.”

Jirimiạ 29:14

Ape dope baḍaeyińạ, ar iń do apeakʼ bondi dosa khoniń ruạṛ ạgupea. Okoe jạtrenko ar ṭhạ̃ireń sạṅgiń akatʼpe onḍe khon iń doń samṭao jarwapea. Ar okaṭakʼ ṭhạ̃i khon bondikateń idi ocoletʼpe iń do onḍegeń ạgu ruạṛpea. Iń Probhu Isorge noa katha doń meneda.”

Jirimiạ 3:14

‘Iń Probhu Isor do arhoń meneda, ‘E bạṛicʼ horte sen akan hoṛko, dela ruạṛ hijukʼpe, ente iń kangeạń aperen jãwãe do. Iń do ape tala reakʼ mimitʼ nagraha khon mitʼ hoṛ ar mimitʼ bõsrenko khon babar hoṛ bachaokate Sionteń ạgupea.

Jirimiạ 31:8

Ńelpe, utạr disạm khon iń do Israelkoń ạgukoa ar dhạrti reakʼ ses simạna khoniń jarwa mitʼkoa. Onko modre kãṛãko, leḍhako, bhạrti hoṛmoko ar bedon rakapʼ akatʼko maejiu hõko tahena; ar maraṅ utạr mitʼṭecʼ dolko ruạṛ hijukʼa.

Jeheskel 36:24

“ ‘Boṅgan hoṛ jạtrenko tala khon ińge apeń oḍok ạgupea; ar goṭa disạm khoniń jarwapea ar apeakʼ disạmteń ruạṛ ạgupea.

Joel 3:7

“Ańjompe, okako ṭhạ̃ikore onkope ạkhriń akatʼko onḍe khon iń do onkoń hoho ạgukoa ar ape okaṭakʼpe ceka akatʼ onage apeakʼ bohokʼreń ruạṛapea.

Sakariạ 6:6

Hende sadomkoakʼ rãt gạḍi do utạr disạm secʼ calakʼkana, ar ponḍ sadomkoakʼ rãt gạḍi do pạchim secʼ ar nana parkan roṅan sadomkoakʼ rãt gạḍi do dạkhin secʼ calakʼkan tahẽkana.”

Dosar Biboron 30:4

Serma reakʼ ses simạnakorepe giḍi ocokʼre hõ Probhu Isor do onḍe khone halaṅ samṭao ạgupea.