Jesaea 43:10 - সান্তালী বাইবেল

¹⁰ Probhu Isor do Israelkoe metakokana, “Apege ińren goha ar ińren bachao akan golam kanape, ar ape jemonpe pạtiạukʼ arpe baḍae daṛeakʼ, iń kangeạń uni do. Iń lahate okoe Isor hõ bako sirjạu akana ar iń tayomte eṭakʼ cele Isor hõ bako tahena.

Jesaea 43:10 Iomraidhean Croise

Sereńko 102:27

Menkhan am do enkagem tahena; amakʼ bahaokʼ dinko do tishõ baṅ mucạdokʼa.

Exodus 8:6

Unre Aron do Misor reakʼ sanam dakʼ cetanre acʼakʼ tiye tiạrkeda. Ar onate roṭeko rakapʼ hecʼente disạmko perecʼ cabakeda.

Jesaea 41:20

jemon ona ńelte hoṛko baḍae arko bujhạu daṛeakʼ, noa do Probhu Isorakʼ tigeye kạmi akada, Israelren uni sonoticʼge niạkoe nonka akada.”

Jesaea 41:4

Okoe noa doe kạmi akada? Ar okoe hotete niạ kạmi do hoyakana? Piṛhike piṛhi cetʼko hoyokʼ ona do pạhil khon okoeye ṭhik dohoakada? Iń Probhu Isorge pạhil khon minạńa ar ses okteren hoṛko sãote hõń tahena.”

Jesaea 41:8

Probhu Isore meneda, “Menkhan E ińren guti Israel, ar ińiń bachao akade Jakob, ińren dulạṛicʼ Abrahamren bõs,

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Jesaea 43:12

Ińiń lại jạhireda, ariń bańcao akatʼpea ariń sodoreda; unre ape talare cele debota hõ bako tahẽkana. Ar niạ reaṅ do apege ińren gohako kanape. Iń Probhu Isorge inạ katha doń meneda; ińkangeạń Probhu do.

Jesaea 45:5

Iń kangeạń Probhu Isor do, eṭakʼ ar cele hõ bạnukʼkoa; iń chaḍa eṭakʼ Isor do ar bạnuiya. Am bam baḍae akadińre hõ iń doń paṭhe keṭecʼetʼmea,

Jesaea 45:6

Jemon purub khon pạchim secʼren hoṛko baḍae daṛeakʼ, iń chaḍa ar cele Isorge bạnukʼkoa. Ar iń kangeạń Probhu Isor do, eṭagicʼ ar okoehõ bạnugicʼan.

Jesaea 48:12

“E Jakob, E ińiń bachao akawan Israel, aben do ińakʼ katha ańjomben. Iń kangeạń uni do; ińge pạhilicʼ ar ińge sesicʼ.

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Jesaea 55:4

Ńelpe, jạt jạtrenko lạgitʼ uni do mitʼṭecʼ goha lekań teṅgo akadea, hoṛkoren mitʼṭecʼ ạyuricʼ ar cakʼlaoicʼge.

Hagae 2:23

E Sealṭiel hopon ińren guti Serubabel, iń Probhu Isor do enhilokʼ ińakʼ chachap reakʼ mundạm lekań hoyocomea, ente iń do amiń bachao akatʼmea.’ Iń phạdkoren Probhu Isorge noa katha doń menetʼkana.”

Johan 15:27

Ape hõ iń reaṅ gohape ema, ente pạhil khonge ape do iń são sãote menakʼpea.

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

1 Korinthiko 15:15

Ona chaḍa noa kathage sạbudokʼ kana je, Isor reaṅ abo do eṛe goha bon emeda, ente aboakʼ goha do noage je, Isor do Mạsi gocʼko khone jiwetʼ beretʼ akadea. Menkhan gocʼkoakʼ jiwetʼ beredokʼ bạnukʼ khan uni do Mạsi hõ bae jiwetʼ beretʼ akadea,

Dosar Biboron 32:39

Ńitokʼ hudisokʼpe ar ńelpe ińkangeạń uni do; iń chaḍa ar cele Isorge bạnukʼkoa. Ińge gogocʼicʼ ar ińge jiwetʼicʼ, ińge ghạghạlicʼ, ińge bokʼgeyicʼ; ińakʼ ti khone bańcao daṛeakʼ nonkan celege bạnukʼkoa.

Dosar Biboron 4:35

“Ape jemonpe baḍae daṛeakʼ, Probhu kangeae Isor do ar uni chaḍa cele Isorge bạnukʼkoa, ona iạtege noako dope ńel ocolena.

Dosar Biboron 4:39

“Teheń ape do niạ katha baḍaekakʼpe ar ontorre rebetʼ dohokakʼpe, Probhu Isorge coṭ sermaren ar latar otren Isor kanae, uni chaḍa ar cele Isorge bạnukʼkoa.

Philipiko lạgitʼ Pạul apostolakʼ ciṭhi 2:7

Bickom uni do golam reakʼ rupe hatawante manwa lekate janamkate acʼ doe khạliyena.

Kolossiko lạgitʼ Pạul Apostolakʼ ciṭhi 1:7

Ona bhage sombat reakʼ katha do ạlińren dulạṛiạ Epaphras ṭhenpe ańjomakada. Uni do ape lạgitʼ Mạsiren mitʼṭen pạtiạr sapʼdapʼicʼ kanae.

Johan sodor 1:2

Isorakʼ katha ar Jisu Mạsiyakʼ goha reaṅ Johan okae ńelletʼ tahẽkan, onako reaṅ uni do nonḍe gohae emakada.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Johan sodor 3:14

“Laodikiạ nagraha reakʼ manḍerren goḍet ṭhen noa ciṭhi olme, “Okoe do Amen, ar okoe do pạtiạricʼ are sạri goha kan, ar okoe doe Isorakʼ sirjonren etohopʼicʼkan, uni do noa kathae meneda: iń do amakʼ kạmiko reakʼ iń baḍaea.