Jesaea 42:6 - সান্তালী বাইবেল

⁶ “Iń Probhu Isorge dhoromreń hohoakatʼmea; iń do amakʼ tiyiń sabtama. Ińgeń rukhiyạmea ar ińren hoṛko lạgitʼ mitʼṭecʼ bondobos menkateń dohomea ar eṭakʼ jạtrenko lạgitʼ do marsal lekań hoe ocomea.

Jesaea 42:6 Iomraidhean Croise

Jesaea 26:3

Okoeyakʼ mon amre tahẽ uricʼ akan uni do purạ suluktem dohoyedekana, ente uni do am cetanreye bhorsakʼ kana.

Jesaea 27:3

Iń Probhu Isorge ona doń ńel todarotetʼ kana; iń do jao okte onare dakʼ iń emakʼ kana. Ar okoehõ jemon ona aloko lokshantiń onate siń ńindạń horhoyeda.

Jesaea 32:1

Ńelpe, mitʼṭen raj do dhoromte raje calaoa ar disạm cakʼlaoko do hok reakʼko bicạra.

Jesaea 41:13

ente iń kangeạń Probhu, amren Isor do: iń do amakʼ jojom tiyiń sapʼ akatʼtama ariń metamkana, alom botorokʼa; iń do amiń goṛowama.

Jesaea 41:2

“Purub secʼren uni do okoeye teṅgo ocokedea, one uni taṛam piche jitge daram edekan? Uni do boṅgan hoṛ jạtrenko uni ṭhene soprotkoa. Ar ona iạte uni do rapajko jaṅgateye lebetʼ gańjaokoa. Uni do acʼakʼ tarwaṛete dhuṛi lekae hoyocokoa ar uniyakʼ akʼte bhusạ lekae oṭaṅkoa.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Jesaea 43:1

E Jakob, okoe ame sirjạu akatʼme, E Israel, okoe ame benao akatʼme, uni Probhu Isor do ńitokʼ niạ kathae meneda, “Alom botorokʼa, ente am doń chaḍao akatʼmea. Iń do amakʼ ńutum ńumkateń hohoakatʼmea, am dom ińren kana.

Jesaea 45:1

Probhu Isor do acʼren ojokʼ bachao akan hoṛ Kores reaṅe meneda, “Uni samaṅre boṅgan hoṛ jạtrenko jaṅga latarko ar rapajko reakʼ paṭheakʼ raṛaetako lạgitʼ iń do uniyakʼ jojomtiyiń sapʼ akatʼtaea. Iń do uni samaṅre silpińkoń jhija jemon duạrko siń alo tahen.”

Jesaea 45:13

Ińakʼ dhoromte Kerosiń uskureya; iń do uniyakʼ sanam horkoń sojheytaea. Uni do ińakʼ nagraha arhõe teṅgo ruạṛa, ińren hoṛko okoe bondi dosare menakʼko onkoe aṛakʼkoa menkhan jãhãn dam se kuṛại lạgitʼ do bae onkaea.’ Phạdkoren Probhu Isor do noa kathageye meneda.”

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Jesaea 49:8

Probhu Isor do nonkae meneda, “Bạsutakʼ okterege amiń roṛ ruạṛama ar bańcaokʼ reakʼ dinre amiń goṛowama. Iń do amiń rukhiyạmea ar am hotete hoṛko lạgitʼ mitʼṭecʼ bondobosiń dohoya, jemon disạmem teṅgo ruạṛ daṛeakʼ ar ujạṛakʼ jaegakore hoṛko arhõm ạidạri daṛeako.

Jirimiạ 12:16

Mitʼdin onko do ińren hoṛko Bakʼal debota ńutumteko kiriạ ocoletʼkore hõ enhõ jodi ińren hoṛkoakʼ horteko taṛam ar ‘Jiwetʼ Probhu Isor ńutumteko kiriạkʼ, enḍekhan onko do ińren hoṛko talareko benao rakapʼa.

Mathae 26:28

ente noa do bondobos reakʼ ińakʼ mãyãm kana, oka do ạḍi hoṛko ńutumte jorokʼkan kại ikạkʼ lạgitʼ.

Luk 2:32

Eṭakʼ jạtrenko ṭhen noa do hor udukʼako reakʼ marsal kana, ar amren Israel jạtrenko ṭhen noa do ṭhonokanakʼ kangea.”

Johan 8:12

Jisu do arhõ hoṛkoe metatʼkoa, “Ińge dhạrti reakʼ marsal do. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

Aposkạmi 13:47

Ente Probhu Isor do noa kathae men akada, ‘boṅgan hoṛ jạtrenko ṭhen iń do mitʼṭecʼ marsal lekań dohoakatʼmea, jemon am hotete goṭa dhạrtiren hoṛ do kại khon bańcaoko ńam.’ ”

Aposkạmi 26:23

Ar ona katha do hoyokʼ kana, Mạsi do duk jojom hoyokʼtaea ar unige pạhilre gocʼko khone jewetʼ beredokʼte acʼ jạtrenko ar boṅgan hoṛ jạtrenko ṭhen marsalakʼ rajosṭi reaṅ lại jạhir hoyokʼtaea.”

2 Korinthiko 1:20

uni do jao ghuṛigeye “Hẽ” kana. Isorakʼ sanam gokʼakʼko do Mạsi hotete “Hẽ” hoyakana. Onate Isorakʼ ṭhonok lạgitʼ Mạsi hotete abo do “Amen” bon roṛeda.

Ibriko 12:24

Okoe doe nãwã bondobosren dene banaricʼ kan uni Jisu ṭhenpe hecʼakana; ar Habelakʼ mãyãm khon okaṭakʼ mãyãm do artetʼ bhage kathae roṛ, ona chiṭiạu akan mãyãm ṭhenpe hecʼakana.

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Ibriko 7:2

ar Abraham do joto jinisko reakʼ gel hĩs khon mitʼ hĩs do uniye emade tahẽkana. Melkisedek reakʼ mane do hoyokʼ kana dhoromren raj. Ar Melkisedek do Salemren hõ raje tahẽkana, ar ona reakʼ mane do hoyokʼ kana sulukren raj.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Ibriko 8:6

Menkhan ńitokʼ bon ńeletʼkana, Jisu oka naeke reakʼ kạmiye ńamakatʼ ona do onko naekekoakʼ kạmi khon hõ bạ̃ṛti sorosgetaea, cetʼleka uni do bondoboste denebanar secʼe hoyakan ona bondobos do lahateakʼ khon hõ sorosgea, ente noa bondobos do arhõ bhage gokʼakʼkore ṭẽhaḍokʼ kana.

Ibriko 9:15

Isor do okoeko hohokate jaejug ạidạri emako lạgitʼe gokʼatʼko tahẽkan onko jemon onako ńam onate Mạsi do mitʼṭecʼ nãwã bondobos reakʼ dene banar secʼrene hoyena. Noa ạidạri ńam do manwa lạgitʼ leṭejokʼakʼ hoyakana, ente pạhil bondobos bahal tahẽkanre manwa okako kại akatʼ onako kại khon chaḍao reakʼ dam lekate Mạsi do jiwiye emleda.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.