Jesaea 41:8 - সান্তালী বাইবেল

⁸ Probhu Isore meneda, “Menkhan E ińren guti Israel, ar ińiń bachao akade Jakob, ińren dulạṛicʼ Abrahamren bõs,

Jesaea 41:8 Iomraidhean Croise

2 Bõsbudạ 20:7

E aleren Isor, amren hoṛ Israelko samaṅ khon niạ disạmren hoṛkom laga ńirketʼkote amren guti Abraham bõsren hoṛko jaejug lạgitʼem em akatʼkoa.

Sereńko 135:4

Probhu Isor do Jakob acʼ lạgitʼe bachaowana, ar Israel do acʼakʼ ạidạri lekage.

Sereńko 136:21

Uni do onkoakʼ disạm ạidạri lekateye ematʼkoa; ente uniyakʼ dulạṛ do jaejuggetaea.

Sereńko 136:22

Uni do onkoakʼ disạm ạidạri lekate acʼ botoraekan Israelkoe ematʼkoa; ente uniyakʼ dulạṛ do jaejuggetaea.

Sereńko 33:12

Bhạgangeako onko jạtrenko do, okoeren Isor doe Probhu kan; Bhạgangeako onko hoṛ do, okoe do acʼakʼ nij ạidạri menteye bachao akatʼko.

Jesaea 14:1

Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.

Jesaea 29:22

Ona iạte Abrahamren babańcaoicʼ Probhu Isor do Jakobakʼ bõs babotreye meneda, “Jakob do ar bae lajao ocokʼa; uniyakʼ mẽtʼãhã do ar baṅ mulinokʼtaea.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Jesaea 42:19

Ińren golam chaḍa ar okoeye kãṛãwa? Ińiń kol akade goḍet leka kala do okoe menaea? Ar iń cetanre bhorsakʼkạnicʼ kãṛã doe okoekana? Probhu Isorren golam leka kãṛã do okoe menaea?

Jesaea 43:1

E Jakob, okoe ame sirjạu akatʼme, E Israel, okoe ame benao akatʼme, uni Probhu Isor do ńitokʼ niạ kathae meneda, “Alom botorokʼa, ente am doń chaḍao akatʼmea. Iń do amakʼ ńutum ńumkateń hohoakatʼmea, am dom ińren kana.

Jesaea 43:10

Probhu Isor do Israelkoe metakokana, “Apege ińren goha ar ińren bachao akan golam kanape, ar ape jemonpe pạtiạukʼ arpe baḍae daṛeakʼ, iń kangeạń uni do. Iń lahate okoe Isor hõ bako sirjạu akana ar iń tayomte eṭakʼ cele Isor hõ bako tahena.

Jesaea 43:5

Alom botorokʼa, ente iń do am sãotege minạńa. Purub disạm khon amren bõskoń ạgukoa ar pạchim disạm khon do amiń jarwamea.

Jesaea 44:21

“E Jakob, E Israel, niạko disạ dohoyme, ente am do ińren guti kanam. Iń do amiń sirjạu akatʼmea, amge ińren golam do; E Israel bạń hiṛiń giḍimea.

Jesaea 45:4

Ińren golam Jakob lạgitʼ, ińiń bachao akawan Israel lạgitʼ iń do amakʼ ńutum ńumkateń hohoakatʼmea. Ar iń bam baḍae akadińre hõ amgeń bahna akatʼmea.

Jesaea 48:12

“E Jakob, E ińiń bachao akawan Israel, aben do ińakʼ katha ańjomben. Iń kangeạń uni do; ińge pạhilicʼ ar ińge sesicʼ.

Jesaea 49:3

Uni doe metadińạ, “E Israel, am do ińren golam kanam; am talate iń do ińakʼ ṭhonokiń sodortińạ.”

Jesaea 51:2

Aperen baba Abraham beṅgetʼaepe ar ape okoeye janam akatʼpe uni Sara hõ beṅgetʼaepe. Iń tinreń hohowade tahẽkana unre uni do mitʼ hoṛgeye tahẽkana, ar uniń bhoradete lekhare aema hoṛiń hoy ocoketʼkoa.

Jesaea 63:16

E Probhu Isor, am do aleren baba kanam. Abraham do bae baḍae akatʼlere hõ se Jakob bae aṅgoclere hõ, enhõ amge aleren baba kanam; am do jaejug hạbicʼ chakʼḍaoicʼ kanam ar noage amakʼ ńutum do.

Jirimiạ 33:24

“Hoṛko okako menetʼ, baṅma, ‘Probhu Isor do Israel ar Jihudạren hoṛkoe bachaoan tahẽkana, menkhan ńitokʼ do onkoe nihạ̃t giḍikako kana,’ ona do cetʼ bam kheyaletʼ kana? Onko do ińren hoṛko nihạ̃tetʼkoa ar jạtrenko lekate bako ńeletʼkoa.

Levitikus 25:42

Israel do ińren golam kanako; ińge Misor disạm khoniń oḍok ạgu akatʼkoa; onate onko do ar tishõ golam lekate bako ạkhrińokʼa.

Malaki 1:2

Probhu Isore meneda, “Iń do apeń dulạṛ akatʼpea, ” Menkhan apepe meneda, “Am do oka lekam dulạṛketʼlea” Probhu Isor doe roṛ ruạṛakeda, “Esao do cetʼ Jakobren boeha bae tahẽkana? Enhõ Jakob iń dulạṛkedea menkhan Esao do bạń moneyadea. Ińge uniyakʼ burukoń jarkharketʼtaea ar uniyakʼ ṭhạ̃i do hahaṅkarren toyokoakʼ iń hoyoco akada.”

Mathae 3:9

Ar Abraham bõsren hoṛ kanape, mente monre alope hudisjoṅa. Ińiń metapekana, noako dhiri khon Isor do Abrahamren bõskoe benao daṛeakoa.

Galathiko lạgitʼ Pạul Apostolakʼ ciṭhi 3:19

Enḍekhan cetʼ lạgitʼ ạn do? Ona do manwae kạiyetʼkante Isorakʼ gokʼakʼ tulucʼ em juṭucʼena. Ar okoe reaṅe gokʼ dohoakatʼ tahẽkan uni Abrahamren bõs ạuriye hijukʼ hạbicʼ bahal tahen lạgitʼ iạte ạn-ạriko do emlena. Serma goḍetko hotete mitʼṭen dene banarrenicʼ hotete noa ạn do bahal tahẽkana.

Dosar Biboron 10:15

Enhõ uni do aperen hapṛamkoe bạsutatʼkote apeye dulạṛketʼpea. Uni do sanam jạtrenko tala khon onkoren bõsko, metakʼme apeye dulạṛketʼpea ar teheń hõ uniren bachao akan jạtrenkoge menakʼpea.

Dosar Biboron 14:2

Ape do Probhu Isor ńutumte mitʼṭen begar akan jạtrenko kanape. Dhạrtiren sanam jạtrenko mod khon Probhu Isor do apegeye bachao akatʼpea jemon uniren ạidạri porjakope hoyokʼ.

Jakob 2:23

Nonkate sonot sostor reakʼ katha do purạulena, “Abraham do Isorakʼ kathae biswạsada ar onate Isor do dhorom menteye ataṅkedea.” Onate uni do Isorren dulạṛiạ menteye hoho ocolena.