Jesaea 41:11 - সান্তালী বাইবেল

¹¹ “Okoe am cetanreko raṅgaokʼkan onko do khạṭige lajao arko bemanot ocokʼa. Okoe am upạrteko teṅgonkan onko do cetʼ cinhạge baṅ tahentakoa; onko doko marao utạrokʼa.

Jesaea 41:11 Iomraidhean Croise

Exodus 11:8

Amren kạmiyạko hecʼkate iń samaṅre ikhṛumkateko mena, ‘amren sanam hoṛkoante oḍok calakʼme!’ Ar ona tayom doń oḍok calakʼa.” Noa katha menkate Mose do Pharao ṭhen khon raṅgaokateye oḍok hecʼena.

Exodus 12:29

Ona tayom pon gel tạrik reakʼ tala ńindạ okte Probhu Isor do Misor disạmren mitʼke mitʼ pạhil hoponkoe gocʼketʼkoa. Nonkate raj siṅghạsonren ạidạriyicʼ Pharaoren pạhilicʼ hopon khon ehopʼkate hajot oṛakʼre menayicʼren pạhilicʼ hopon hạbicʼ, ar janwarkoren hõ pạhil hoponko gocʼena.

Exodus 23:22

Uniyakʼ kathape luturakʼ ar iń okakoń lạiyakatʼ onape onkae enḍekhan iń do aperen bạirikoren bạiriń hoyokʼa ar okoe ape upạrteko teṅgokʼ onko upạrteń teṅgokʼa.

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Jesaea 29:5

Menkhan amren locotʼ locotʼ bạiriko do lopotʼ dhuṛi lekako hoyokʼa; onko kurmutạhako do oṭaṅokʼkan bhusạ lekako hoyokʼa. Hẽ, mitʼ ripitʼrege phạdkoren Probhu Isor do huḍur, ot laṛao ar ãṭ saḍete, bharḍo ar birbão hoe ar jojomkan seṅgelteye sạjạikoa.

Jesaea 29:7

Unre sanam gad gad boṅgan hoṛ jạtrenko okoe do Ariel upạrteko lạṛhạikan, metakʼme okoe do uni ar uniyakʼ gaṛ upạrteko lạṛhạikan arko cipạyede onko do kukmũ ar ńindạ reakʼ dorson lekako hoyokʼa.

Jesaea 29:8

Reṅgecʼ akade hoṛ kukmũte jom mae jojomkan, menkhan ebhenlenre ńelme, reṅgecʼma tahenkange. Ar tetaṅakade hoṛ kukmũte ńũ mae ńũńũkan, menkhan ebhenlenre ńelme, uni do nijor ar tetaṅedekangea. Onkage onkoakʼ hõ hoyokʼtakoa sanam gad gad boṅgan hoṛ jạtrenkoakʼ do, one okoe Sion buru upạrteko lạṛhạikan.

Jesaea 34:12

Rajosṭi calao lạgitʼ cele rajge onḍe do bako tahena. Ar onaren sanam mukhiyạko doko maraokʼa.

Jesaea 40:17

Jạt jạtrenko do uni samaṅre cele hõko baṅkana; onko do celege bae moneyetʼkoa; uni ṭhen do ạuṛiyakʼgeko lekhakʼ kana.

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Jesaea 41:24

Menkhan ape do sạrige cele hõpe baṅkana, ar apeakʼ kạmiko hõ cetatakʼge baṅkana; ar okoe apeye bachaope uni doe hirkhạwạnicʼ kana.

Jesaea 41:29

Ńelpe, onko jotogeko ạuṛiyakʼgea, onkoakʼ kạmi do cetʼhõ baṅkana. Onkoren dul muṭhạnko do eken hoe baragge.”

Jesaea 45:24

Onko do iń reaṅko roṛa, ‘eken Probhu Isorrege dhorom ar daṛe do menakʼa.’ Hoṛko do iń ṭhenko hijukʼa ar okoe ińko edreạń onko doko lajao ocokʼa.

Jesaea 49:25

Mekhan Probhu Isore meneda, “Hẽ, daṛeanicʼren jhuṭiạuicʼ hõe recʼ idi ocokʼa ar kumãyaicʼren recʼ akawanicʼ hõe chaḍao ocokʼa. Okoe am tulucʼko jhogṛakʼ onko tulucʼ do ińgeń jhogṛakʼa ar amren hoponko do ińgeń rukhiyạkoa.

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Jesaea 54:15

Jãhãege amre jhãpe em enḍekhan bujhạume uni do bạń kol akadea. Ar okoe ame akromonme uni do am hotete gujukʼ hoyokʼtaea.

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”

Jirimiạ 12:17

Menkhan jodi jãhãe jạtrenko ona bako onkae enḍekhan onko doń or totʼ giḍikakoa. Iń Probhu Isorge noa katha doń meneda.”

Jirimiạ 2:3

Israel do Probhu Isor lạgitʼ sonoticʼgeye tahẽkana; uniyakʼ pạhil phosol reakʼ gelege. Ar okoe onako jomketʼko onko do jotoge dusiko hoyena, ar onko sanamko cetanrege muhin do hecʼ paṛaoena. Iń Probhu Isorge noa katha doń meneda.”

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Sakariạ 12:3

Enhilokʼ tinre sanam jạtrenko Jerusalem upạrteko jarwakʼa unre uni do sanam jạtrenko lạgitʼ mitʼṭecʼ hamal dhiri lekań hoeocoyea. Ar okoe ona dhiri rakapʼ reakʼko kurumuṭui onko do apnargeko ghạl ocokʼa.

Aposkạmi 16:39

Onko do Pạul ar Silạs ṭhen senkate ikạko koekeda ar hajot oṛakʼ khonko oḍok ketʼkinte nagraha bạgiyakʼ lạgitʼko nehõratʼkinạ.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.