Jesaea 40:3 - সান্তালী বাইবেল

³ Mitʼṭecʼ ãṛaṅ doe hohokana “Hahaṅkarre Probhu Isor reakʼ hor tearkataepe; khaṅkarre aboren Isor lạgitʼ mitʼṭecʼ ḍahar mitʼsãope.

Jesaea 40:3 Iomraidhean Croise

Sereńko 68:4

Isor lạgitʼ sereńpe, ar uni õṛhẽ sereńaepe; hahaṅkar talate okoe do rãt gạḍire decʼkateye hijukʼkan uni lạgitʼ usul hor tearpe; uniyakʼ ńutum do Probhu Isor, uni samaṅre hulạsokʼpe.

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Jesaea 40:4

Mitʼke mitʼ buru-nala do dhapaokʼa, buru ḍuṅgriko do copodokʼa, harcatʼ hurcutʼakʼ do mitʼsãokʼa, ar khoedakʼ lopakʼakʼ do bilạn ṭạnḍikʼa.

Jesaea 43:19

Ńelpe, iń do mitʼṭecʼ nãwã kạmiń kạmi lạgidokʼ kana. Ona do ńitge ehobokʼa arpe baḍae daṛeakʼa. Iń do hahaṅkar talate horiń benaoa ar khaṅkarre gaḍań ạtu ocoya.

Jesaea 49:11

Ińakʼ sanam buruko do horiń hoeocoya; ar ińakʼ ḍaharko do sạriạukʼa.

Jesaea 57:14

Probhu Isore mena, “Sạriạupe, sạriạupe, hor tearpe. Ińren hoṛkoakʼ hor khon mitʼke mitʼ tokʼhotʼakʼko ocokʼ giḍikakʼpe.”

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Johan 1:23

Johane menkeda, “Ińge ona hohokạnicʼ reakʼ aṛaṅ do, one okoe reaṅ Jesaea nạbiye menakatʼ, hahaṅkarre mitʼṭen hohokạnicʼ reakʼ aṛaṅe baḍae ocoyetʼkana, Probhu Isorakʼ hor sojhe kataepe.”