Jesaea 40:12 - সান্তালী বাইবেল

¹² Okoe dakʼko do acʼakʼ loṭteye soṅakada ar sermako do okoe acʼakʼ bitạteye jokha akada? Dhạrti reakʼ dhuṛi do ạṛire okoeye sahopʼ ocoakada ar buru ar ḍuṅgriko hõ okoe tulạteye tulạ akada?

Jesaea 40:12 Iomraidhean Croise

Jobakʼ 28:25

Uni do tinre hoere daṛeye emakʼkana ar dakʼko doe soṅ niṭetʼkana,

Kạhtukko 30:4

Okoe sermate doe rakapʼakana are pheḍ hecʼakana? Okoe do tire hoeye cuputʼ akada? Okoe apnarakʼ kicricʼre sanam dakʼe jarwa dohoakada? Dhạrti reakʼ simạnako do okoeye bandhao akada? Uniyakʼ ńutum ar uniren hoponakʼ ńutum do cetʼ? Amem baḍae khan lạiyạńme baṛe.

Jesaea 48:13

Ińakʼ tite pirthimi reakʼ rehetʼ iń bạisạu akada ar jojomtite sermakoń pasnao akada; ar onakoń hohowakʼre mitʼ domte teṅgo godokʼ kana.

Jirimiạ 31:37

Coṭ serma reakʼakʼko soṅlen khan ar latarre dhạrti reakʼ rehetʼ sendra ńamlen khan enḍekhan Israelko okako cekakan onate onko do bạń bạsutakoa. Iń Probhu Isorge noa katha doń meneda.”

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.