Jesaea 40:10 - সান্তালী বাইবেল

¹⁰ Ńelpe, Probhu Isor do daṛe salakʼe hijukʼkana, uniyakʼ daṛeanakʼ ti do raje calaoetʼtaea. Ńelpe, kuṛại do uni sãorege menakʼa, ar uniyakʼ hala ruạṛ do uni samaṅrege.

Jesaea 40:10 Iomraidhean Croise

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Sereńko 110:6

Uni do eṭakʼ eṭakʼ jạtrenkoe bicạrkoa; ar dhạrti do gocʼkoakʼ hoṛmoteye pereja; uni do dhạrti reakʼ sanam jaegare bạirikoakʼ bohokʼe gejertakoa.

Sereńko 66:3

Isor metaepe, “Amakʼ kạmi ńelte monre botor ar bhokti do rakabokʼ kana. Amakʼ maraṅ daṛe samaṅre amren bạiriko do tumbutʼ hape reakʼko bhankakʼa.

Jesaea 28:2

Ńelpe, Probhu Isorren mitʼṭen ektiạran ar daṛean hoṛ menaea. Arel ar jarkharicʼ mitʼṭecʼ birbão hoe lekage, uni do daṛean birbão reakʼ banbạsi dakʼ leka otre ona nagraha doe tawakʼ giḍikakʼa.

Jesaea 33:2

E Probhu Isor, alere dayakʼme; ale do am lạgitʼgele koyokʼ hor akada. Dinạmge setakʼ jokhecʼ ińren hoṛkoren daṛe baṛe hoyokʼme, ar muhinre bańcaoleme.

Jesaea 49:4

Menkhan ińiń menkeda, “Iń do nahakgeń khaṭao akana; ạuṛiyakʼ ar michạge ińakʼ daṛekoń khoroc akatʼtińạ. Enhõ ińakʼ paona do Probhuakʼ tirege menakʼa, ar ińakʼ kuṛại do Isor ṭhenge.

Jesaea 51:5

Ińakʼ dhorom do hecʼ sorakana ar ińakʼ babańcao reakʼ kạmi hõ ehopʼakana. Ińge jạt jạtrenko cetanre dhoromiń bicạra. Ar sạṅgiń disạmren hoṛko do iń secʼ beṅgetʼ akaeko tahena ar ińakʼ daṛeanakʼ sopo ńel hor akaeko tahena.

Jesaea 53:12

Ona iạte iń do napṛakʼko talareń bakhrawaea ar uni do daṛeanko tulucʼ luṭakʼkoe bakhra joṅa, ente uni do gujukʼ hạbicʼ jiwiye alaeketʼtaea. Uni do kạiyanko tulucʼe lekha mitʼena; uni do ḍher hoṛkoakʼ kạiye gokʼ idikeda ar ghạghạṭko ńutumteye arojkeda.

Jesaea 59:15

Sạriyakʼtetʼ do okare hõ baṅ sendra ńamokʼa, ar okoe bạṛicʼakʼe bạgiyakʼ uni doe santao ocokʼa. Probhu Isor do noakoe ńelkeda ar hok reakʼ bicạr bạnukʼte uni doe edreyena.

Jesaea 59:16

Uni doe ńelkeda are bhaṛoyena, ente hok reakʼ bicạr secʼ teṅgokʼ lạgitʼ do okoe hõ bạnukʼkoa; ar onatege uni do acʼakʼ daṛeanakʼ tite babańcao reakʼe kạmikeda ar uniyakʼ dhoromgeye teṅgo ṭarhaoadea.

Jesaea 59:18

Ar hoṛ okako ceka akatʼ onage uni doe ruạṛakoa; ar okoe acʼ secʼrenko baṅkan onko cetanre acʼakʼ edreye dulakoa ar bạṛicʼ kạmi reakʼ sạjạiye emakoa. Uni do sạṅgiń disạmren hoṛkoakʼ kuṛại hõe emkatakoa.

Jesaea 62:11

Probhu Isor do dhạrti reakʼ ses simạ hạbicʼe lại sodoreda, “Sionren kuṛi metaepe, ‘ńelme amren babańcaoicʼ doe hijukʼkana. Ńelme, uni okaṭakʼ kuṛạiye ńamakatʼ ona do acʼ sãotege menakʼtaea; ar acʼakʼ kuṛại do uni ṭhenge menakʼa.’ ”

Jesaea 63:5

Iń doń beṅgetʼkeda, menkhan gokʼṛoko do celege bạń ńamletʼkoa; ar iń doń hahaṛayena, ar okoehõ bako goṛowạdińa. Ona iạte nijakʼ daṛetege babańcao reakʼ iń kạmikeda, ar ińakʼ edre doe khĩs ocokedińa.

Jirimiạ 31:16

Thirokʼme alom raga ar mẽtʼ dakʼ jodtam, ente amakʼ kạmi reakʼ kuṛại dom ńamgea. Onko do bạirikoakʼ disom khonko ruạṛ hijukʼa.

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Johan 12:13

Unre onko do khijur ḍạr sapʼkate daram ạguiye lạgitʼko oḍok calaoena ar ãṭ aṛaṅte hohowate memenko ehopʼena, “Hosanna, bhorangeae Probhu Isor ńutumte daraekạnicʼ, Israelkoren raj do.”

Johan 12:15

“E Sionren kuṛi, alom botorokʼa. Ńelme, amren raj do gadha hoponre decʼkateye hijukʼkana.”

Ibriko 2:14

Onko gidrạko doko hoyokʼ kana mãyãm ar jelren manwage. Onate Jisu acʼtetʼ hõ jel ar mãyãmren manwae hoyena, jemon gujukʼ reakʼ daṛe okoeyakʼ tire menakʼ uni Soetan do acʼakʼ gujukʼ hoteteye bhagaoe.

1 Johan 3:8

Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodorakana.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Johan sodor 22:12

Jisui meneda, “Ńelme, hako pakogeń hijukʼkana ar mimitʼko akoakʼ kạmiko reakʼ kuṛại do iń soṅgerege menakʼa.