Jesaea 4:3 - সান্তালী বাইবেল

³ Enhilokʼ Sionre okoe sarecʼko tahen, metakʼme Jerusalemre tinạkʼ jiwetʼko tahen onko do sonot menteko hoho ocokʼa. Jerusalemre jiwetʼ tahen lạgitʼ onko hoṛkoakʼ ńutum do tạlikare ol caṛhaokʼa.

Jesaea 4:3 Iomraidhean Croise

Sereńko 69:28

Jiwetʼkoakʼ tạlika khon onkoakʼ ńutum do meṭaokʼtako ma, ar Isor botoraekoakʼ tạlikare onkoakʼ ńutum do alo tahen ma.

Sereńko 87:6

Probhu Isor do jạt jạtrenkoe ol caṛhaokoteye mena, “Nui do Sionregeye janam akana.” (Sela)

Jesaea 1:27

Isor do acʼakʼ hokʼ reakʼ bicạrte Sione chaḍaoa, ar okoe kại khon monko ạcur onko do acʼakʼ dhoromteye chaḍaokoa.

Jesaea 28:5

Enhilokʼ phạdkoren Probhu Isor do acʼren sarecʼ hoṛko lạgitʼ mitʼṭecʼ ṭhonokanakʼ mukuṭ ar mitʼṭecʼ mońj malae hoyokʼa.

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Jesaea 46:3

“E Jakob bõsrenko, ar Israel bõsren sarecʼ sanam hoṛko, ape do ińakʼ katha ańjompe. Kukhirepe gaṛhaolen okte khon arpe janamen tayom khon ińge ape doń heo ạguakatʼpea.

Jesaea 52:1

E Sion, ebhenokʼme, ar beredokʼme, amakʼ daṛe sodortam. E sonot nagraha Jerusalem, amakʼ ṭhonokʼ reakʼ kicricʼ horogtam. Bin khatna ar bhõnḍ hoṛ do amre ar bako bolo daṛeakʼa.

Jesaea 6:13

Unre disạm talare gel hạṭiń reakʼ mitʼ hạṭiń hoṛko tahen, enhõ onko doko jalao marao ocokʼa. Menkhan Elon dare makʼ bhindạṛlere cetʼleka ona reakʼ hurutʼtetʼ tahen, onkage hurutʼtetʼ lekate disạmre sonot itạ leka adom hoṛko tahena.”

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 62:12

Uniren hoṛko do, “Probhu Isor ńutumte begar ocoakan hoṛko men ocokʼa, metakʼme Probhuren chakʼḍao akan hoṛko.” E Jerusalem, am do, “Sendra ńam nagrahagem” men ocokʼa, metakʼme beretʼ ruạṛ akatʼ nagrahage.”

Jeheskel 13:9

Ińakʼ ti do onko nạbiko upạrte rakabokʼa okoe do eṛe dorsonko ńeletʼkan ar eṛeyakʼko gona-poṛayetʼkan. Ińren hoṛkoakʼ somajre onkoakʼ ńutum do baṅ tahena, ar Israel disạmre hõ onko do bako ruạṛ hecʼ daṛeakʼa. Ar unrepe baḍae daṛeakʼa, iń kangeạń Probhu Isor do.

Jeheskel 43:12

“Noa do hoyena mundil oṛakʼ reakʼ ạn; ar buru reakʼ beṛhaeteakʼ ṭhạ̃i do sonot utạrakʼ hoyokʼa. Ar mundil oṛakʼ reakʼ ạn do noa kangea.

Joel 3:17

Probhu Isore meneda, “Unrepe baḍaea daṛeakʼa, ińkangeạń aperen Probhu Isor do; ińge Sionre, ińakʼ sonot burureń girobasokʼ kana. Jerusalem do sonotokʼa; ar bidisiạko hõ onḍe do tishõ bako calakʼa.

Obodiạ 1:17

Menkhan Sion bururen adom hoṛko do rukhiyạko ńama; onko do Isor ńutumte begar akan hoṛ kanako. Ar Jakobakʼ bõsren hoṛ do akoakʼ sompottiko ńama.

Sakariạ 14:2

Jerusalem upạrte lạṛhại lạgitʼ Probhu Isor do sanam jạtrenkoe jarwakoa. Nagraha dokholokʼa, oṛakʼ duạr luṭokʼa ar maejiukoakʼ kuạ̃ritetʼko nosṭoetakoa. Nagraharen adha hoṛ do bondikate eṭakʼ disạmteko idi ocokʼa menkhan sarecʼ hoṛ do nagrahareko tahena.

Malaki 3:16

Unre okoe do Probhu Isorko botorae kan tahẽkan onko do ako akore kathako roṛana ar Probhu Isor do onae moneyada. Okoe Probhu Isorko botorae kan tahẽkan ar uni babotre khạndri reakʼko hudisetʼkan tahẽkan onko disạko lạgitʼ onko samaṅre mitʼṭecʼ puthi do olena.

Luk 10:20

Menkhan bhutko apeakʼ kathako ańjometʼkante alope rạskạkʼa, bickom sermare apeakʼ ńutum ol caṛhao akan iạte hulạsokʼpe.”

Aposkạmi 13:48

Noa katha ańjomkate boṅgan hoṛ jạtrenko doko rạskạyena ar Probhu Isorakʼ kathako sarhaokeda; ar jaejug jion ńam lạgitʼ Isor tinạkʼe niṭ dohoakatʼko tahẽkan onko doko pạtiạuena.

Romiko lạgitʼ Pạul Apostolakʼ ciṭhi 11:4

Menkhan Isor do Eliạ cetʼe roṛ ruạṛe emade tahẽkana? Uniye metade tahẽkana, “Eae hajar herel hoponkoń sarecʼ doho akawana, one onko do Bakʼal-deb ṭhen bako ikhṛum akan.”

Romiko lạgitʼ Pạul Apostolakʼ ciṭhi 11:5

Isor do onkage ńit hõ Israelkoe daya akokanteye bachao doho akatʼkoa.

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana, Jisu Mạsi hotete acʼren hoponko lekateye ataṅ bona mente.

Philipiko lạgitʼ Pạul apostolakʼ ciṭhi 4:3

E sạri juri arãṛtiń am hõń nehõram kana, am do nukin maejiu goṛowạkinme. Unkin do Mạsi reaṅ bhage sombat iạte iń tulucʼ, ar Klement ar ińren eṭakʼ são kạmiyạko tulucʼ kosṭokin sahao akada. Nokokoakʼ ńutum do jion reakʼ puthire olakana.

Kolossiko lạgitʼ Pạul Apostolakʼ ciṭhi 3:12

Onate Isor okoekoe bachao akawan onko sonotko ar dulạṛiạko lekate mãyãkʼ mon, dulạṛ, mạ̃hir, nindhạn ar soborite apnar sajokʼpe.

Ibriko 12:14

Sanam hoṛko tulucʼ sulukte tahen ar sonot hoyokʼ lạgitʼ ahkaokʼpe. Sonot begor Probhu Isor do okoe hõ bako ńelńamea.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Johan sodor 13:8

Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

Johan sodor 17:8

Ar okoe janwarem ńellede uni do lahateye tahẽkana, menkhan ńitokʼ do bạnugicʼan. Tayomte ona athan kunḍ khon rakapʼ hecʼkate uni do jaejug hạbicʼ sạjạiye joma. Unre okoe doko noa dhạrtirenkan, metakʼme dhạrti sirjạu khon okoekoakʼ ńutum do jion reakʼ puthire ol bạnukʼ onko do uni janwar ńelteko hahaṛakʼa; ente janwar do pạhile tahẽkana, ńitokʼ do bạnuiya, menkhan arhõe ńel ocokʼa.

Johan sodor 21:27

Besapha jãhãnakʼ se hirkhạwakʼ kạmiko se eṛe roroṛko nonkan cele hoṛge onḍe do bako bolo daṛeakʼa; ar okoeyakʼ ńutum Bheḍa Hoponakʼ jion reakʼ puthire ol menakʼ, eken onkoge onḍeko bolo daṛeakʼa.

Johan sodor 3:5

Okoeye jitạukʼa uni do nonkan ponḍ kicricʼgeye horoga. Ar iń do jion reakʼ puthi khon uniyakʼ ńutum tishõ bạń meṭaotaea, bickom ińren Baba ar uniren goḍetko samaṅreń aṅgocea.