Jesaea 38:8 - সান্তালী বাইবেল

⁸ Ahasakʼ siṛhire siń cando reakʼ umul tinạkʼ dhap laha akan ona umul do gel dhapiń pạc ocoya.’ ” Onatege siń cando sãote umul do arhõ gel dhap pạc ruạṛena.

Jesaea 38:8 Iomraidhean Croise

2 Bõsbudạ 32:24

Onako dinre Hiskiạ do gujukʼ dạkhile ruạyena. Ar Hiskiạ do Probhu Isor ṭhene koeketʼ khan Probhu Isor doe roṛ ruạradea ar mitʼṭecʼ hahaṛa cinhại emadea.

2 Bõsbudạ 32:31

Disạmre okaṭakʼ hahaṛa kạmi ńellen ona reaṅ kuliye lạgitʼ tinre Babelren mukhiyạko do goḍetko kolkedea unre Isor do uni biḍạue lạgitʼ iạteye bạgi oṭo akade tahẽkana, jemon uniyakʼ monre menakʼakʼ sodorokʼtae.

Jesaea 38:9

Jihudạren Hiskiạ raj do acʼakʼ ruạ khone bogeyen tayom okae olletʼ ona do nonka:

Jesaea 7:11

“Am do amren Probhu Isor ṭhen menme jemon uni do mitʼṭecʼ cinhại udukʼam- ar ona cinhạ do patal puri khon serma hạbicʼ jãhãn ṭhạ̃iregeye udukʼam ma.”

Mathae 16:1

Phạrusiko ar Sạdukiko do Jisu bidạue lạgitʼ uni ṭhenko hecʼena ar serma khon mitʼṭecʼ cinhạ udukʼako lạgitʼko metadea.

Bikʼcạrko 6:17

Gideone menkeda, “Amakʼ dayań ńamakatʼ khan, jemoniń bujhạu daṛeakʼ, sạrige am do iń sãote katham roṛeda ar onate mitʼṭecʼ cinhạ baṛe imạńme.