Jesaea 34:7 - সান্তালী বাইবেল

⁷ Onko sãote do bir ḍạṅgrako, sanḍ ḍaṅgrako ar juạn ḍaṅgrako hõko gurkoa. Onkoakʼ disạm do mãyãmte ńũ bulokʼa, ar itilte dhuṛi do poṭomokʼa.

Jesaea 34:7 Iomraidhean Croise

Sereńko 22:21

Onko dhạcri kulkoakʼ moca khon de bańcaoińme. Onko bir sanḍ ḍaṅgrawakʼ dereń khon hõ amgem rukhiyạ kedeńạ.

Sereńko 68:30

Onko ar onkoakʼ ạguakʼ rupạ reakʼ ṭakako baṛe lebetʼ gańjaome ar pạṭiol gaṛren bir janwar ar Misor do dhomkao emaeme; dhomkao kom bạchur ar phẽṭaṛko leka onko jạtrenkoge. Ar okoe jạtrenko do lạṛhạiko kusiyakʼkan Isor do onkoe chirchạtur cabakoa.

Sereńko 92:10

Bir sanḍakʼ usul dereń leka am do ińakʼ bohokʼem usul akatʼtińạ; ar rạskạ salakʼ nãwã sunumte ińem ojokʼ akadińạ.

Jesaea 63:6

Iń do edrete jạt jạtrenko jaṅgateń en ketʼkoa; ar edrete bul bhuteṛko lekań hoyocoketʼkoa ar otre onkoakʼ mãyãmiń suḍrạu ocokeda.”

Jirimiạ 25:34

E gukʼpiko, ape do ragpe, homor halaṅpe; E gukʼpikoren mukhiyạko, ape do dhuṛire guṛdạukʼpe, ente ape gurpe reakʼ okte do seṭer akana; ape do mońj mitʼṭecʼ hasa reakʼ bhajan lekape rạputʼ gejer ocokʼa.

Jirimiạ 46:21

Misorren din mạjuri lạṛhại phạdko do lodgopʼ mĩhũ leka kanako. Onko hõ ruạṛkate mitʼ domteko dạṛ pharakokʼa; ar bako teṅgo ṭarhaokʼa, ente onko cetanre maraokʼ reakʼ dinge hijukʼkana, onkoakʼ sạjại ńam reakʼ okte do sor hecʼ akana.

Jirimiạ 50:11

“E Babelrenko, ape do ińakʼ ạidạripe luṭ akawana ar onatepe rạskạkʼ kana, arpe kusikʼ kana. Ape do phosol enokʼkan mĩhũ lekape don baṛaekana ar khacaṛ sadom lekape hinhạukʼ kana;

Jirimiạ 50:27

Uniren sanam ḍaṅgrako gocʼkope; onko do gocʼko lạgitʼko idi ocokʼma. Hae, onko do sạjạiyokʼ reakʼ dinge paṛao akatʼkoa.”

Jeheskel 32:6

Buru-ḍuṅgri hạbicʼ iń do amakʼ mãyãmte disạmiń lohoda; ar amakʼ mãyãmte ạtukʼ dakʼ do aragokʼa.

Jeheskel 39:17

“E manwa hopon, iń Probhu Isorgeń menetʼkana, am do joto lekan cẽṛẽko ar sanam bir janwarko hohoatem metakoa, ‘jarwakʼpe ar ape lạgitʼ Israelakʼ buru boṭkocʼkore one okare maraṅ okocʼ dãṛẽ reakʼ iń bondobos akatʼ ona lạgitʼ beṛhae secʼ khon jarwakʼpe. Onḍe ape do jel ar mãyãmpe joma.

Jeheskel 39:18

Ape do daṛean hoṛkoakʼ jelpe joma ar dhạrtiren disạm cakʼlaokoakʼ mãyãmpe ńũiya; noko hoṛko do Bason disạmren moṭa soṭa bheḍa, bheḍa hopon, merom boda ar ḍaṅgra leka kanako.

Numeri 23:22

Uni do Misor khon onkoe oḍok ạgu akatʼkoa, bir ḍaṅgrawakʼ daṛe leka onkoakʼ daṛe do.

Numeri 24:8

Isor do Misor khon onkoe oḍok ạgu akatʼkoa, ar unige onkoren bir ḍaṅgrawakʼ daṛe leka do. Onko upạrte okoe jạtrenko teṅgona onko doe utʼ cabakoa, onkoakʼ jaṅ doe rạpudtakoa, ar sarte onko doe tuńkoa.

Dosar Biboron 33:17

Uniren pạhil janam adar doe ṭhonokana, uniyakʼ bohokʼre kạpil gại reakʼ dereńge menakʼa. Onate uni do prithimiren sanam jạtrenkoe hoṭakʼ pạsirkoa, ar ses simạnare menakʼko jạtrenko hõ. Ephrayimren do lakh lakh ar Manaseren do hajar hajar hoṛko hoyokʼa.”