Jesaea 34:5 - সান্তালী বাইবেল

⁵ Ińakʼ tarwaṛe do sermare ńu rosao akana, ńelpe, bikʼcạr lạgitʼ ona do Edom cetanre, metakʼme okoeko hoṛ do jarkharokʼ lạgitʼ iń dohoakatʼko onko cetanre pheḍ hijukʼa.

Jesaea 34:5 Iomraidhean Croise

Sereńko 137:7

E Probhu Isor, Jerusalem ḍahao maraokʼ dinre Edomrenko cetʼko cekaleda ona baṛe disạime; onkoko menleda, “Lạnduṛpe, ona reakʼ rehetʼ hạbicʼ lạnduṛpe.”

Sereńko 17:13

E Probhu Isor, ma beretʼme, ar teṅgo daramkote, otre baṛe tawakʼ bhindạṛkom. Amakʼ tarwaṛete bedhoromkoakʼ ti khon rukhiyạyińme.

Jesaea 21:11

Duma, metakʼme Edom upạrte nạbi katha do nonka: Seyir khon okoe coṅ hohoateye mitạńkana, “E hohorhoyicʼ, tinạkʼ ńindạ akana? E hohorhoyicʼ, tinạkʼ ńindạ akana?”

Jesaea 24:6

Ona iạte mitʼṭecʼ sarap do dhạrtiye utʼ cabaea; ar uniren hoṛko do dusikoko hoyokʼa. Ona iạte dhạrtire okoeko girobasokʼ kan onko doko atar giḍi ocokʼa ar thoṛa hoṛge jiwetʼko tahena.

Jesaea 43:28

Onate iń do apeakʼ mundilren naekekoń opomankoa ar Jakob do marao ocokʼ lạgitʼ iń soprotea ar Israel do landa-dhutʼicʼ iń hoeocoyea.”

Jesaea 63:1

Edom reakʼ Bosra khon jeṅgetʼ arakʼ kicricʼ horokʼkate uniye hijukʼkạnicʼ, doe okoe kana? Ṭhonokte perecʼ kicricʼ horokʼkate maraṅ daṛe salakʼ daraekạnicʼ, doe okoe kana? “Iń kangeạń uni do, ińge hok reakʼ kathań roṛeda, ińge maraṅ daṛeteń babańcao kana.”

Jesaea 65:12

apeakʼ likhạ do tarwaṛegeń hoeocoya, ar ape sanamkoge gur ocokʼ lạgitʼ hoṭokʼpe lahaetapea. Ente, iń do apeń hohowatʼpe tahẽkana menkhan bape goṅledińa, ińiń roṛleda menkhan bape ańjomletʼtińạ. Ińakʼ mẽtʼre ape do bạṛicʼakʼpe kạmi akada ar iń edre ocoyiń lạgitʼ onape bachao akawana.”

Jirimiạ 46:10

Menkhan ona din do phạdkoren Probhu Isorakʼ din kana. Enhilokʼ do uniren bạiriko cetanre hala hạli reakʼ dinge hoyokʼa. Tarwaṛe ạuriye tirpitokʼ hạbicʼ ar uniyakʼ mãyãm reakʼ tetaṅ ạuri meṭaokʼ hạbicʼ uni do gocʼkotegeye tahena; ente phạdkoren Probhu Isor do mitʼṭecʼ teṅgenokʼakʼ menakʼtaea utạr senakʼ disạmre, phurạt gaḍa aṛere.

Jirimiạ 47:6

Ape do nonkape rakʼeda, ‘E Probhu Isorakʼ tarwaṛe, ar tinạkʼ din tayomem jirạukʼa? Amakʼ khaprege bolo ruạṛokʼme; jirạukʼme, ar thir hapeakan taheme.’

Jeheskel 32:29

“Edom, ar uniren rapajko ar uniren sanam disạm cakʼlaoko okare menakʼko; onkoakʼ daṛe tahẽlenre hõ lạṛhạire gocʼakan hoṛko sãoteko giticʼ akana. Okoe Seolteko pheḍ sen akan onko bin khatna akan hoṛko sãote onko doko giticʼ akana.

Jeheskel 35:1

Probhu Isor do ińe metadińạ,

Jeheskel 35:15

Ar Israelko ạidạri lekate okaṭakʼ disạmko ńamakatʼ ar ujạṛ akan ńelte cetʼ lekam rạskạkʼkan onkage iń do am sãoteń beohara. E Seyir buru, am ar Edom reakʼ sarecʼ sanam ṭhạ̃i do ujạṛ utạrakʼge hoyokʼa. Unre hoṛko baḍae daṛeakʼa, ińkangeạń Probhu Isor do.’ ”

Jeheskel 35:8

Amakʼ buruko do gocʼ hoṛkoakʼ mạ̃ṛĩteń pereja; lạṛhạire okoeko gocʼakan onko do amakʼ burukore, nalakore ar amakʼ sanam dakʼ ạtukʼ ṭhạ̃ikore giḍi akanko tahena.

Jeheskel 36:5

Iń Probhu Isorgeń menetʼkana, ińakʼ dugur dugurokʼkan edre iạte eṭakʼ jạtrenko ar sanam Edomrenko upạrte kathań roṛetʼkana, ente onko do goṭa mon reakʼ rạskạte ar nihạ̃t gikʼḍi monte ińakʼ disạm do ạidạri menteko hạtińana; jemon onako ạidạri daṛeakʼ arko luṭ daṛeakʼ. Iń Probhu Isorge noa katha doń menetʼkana.

Sephaniạ 1:7

Ape do Probhu Isor samaṅre hape akan tahenpe, ente Probhu Isorakʼ din do hecʼ sor akana. Probhu Isor do mitʼṭecʼ samaṅokʼakʼ reakʼe nenḍa akada; ar uni okoeye neota akatʼko onko doe sapha akatʼkoa.

Sephaniạ 2:12

Probhu Isore meneda, “E Kusrenko, apehõ ińakʼ tarwaṛetepe gujukʼa.”

Malaki 1:4

Edom doe men boteja, “Alele chakachun akanre hõ jarkharakʼko do arhõle benao rakaba.” Menkhan phạdkoren Probhu Isore meneda, “Onkoko beretʼ daṛeakʼa menkhan iń do onań rạputʼ giḍikatakoa. Onko do ‘bedhorom’ reakʼ disạmko menocokʼa one onko jạtrenko do jao okte Probhu Isorakʼ edre latarre menakʼko.

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

Galathiko lạgitʼ Pạul Apostolakʼ ciṭhi 3:10

Sonot sostorre olakana, “Sarapanicʼ kanae uni do, one okoe ạn-ạri reakʼ mimitʼ hukumko leka bae senokʼkan.” Enḍekhan ńelokʼ kana, ạn-ạrire bhorsakʼkan sanamkorege noa sarap do menakʼa.

Dosar Biboron 32:14

Uni do palrenkoakʼ dahe ar bhiḍi meromko reakʼ toa, ar bhiḍi hoponkoakʼ jele jom ocokedea, Basan disạmren palren merom bodakoakʼ itil do guhum reakʼ mĩhĩ holoṅ tulucʼe jom ocokedea. E Israel, am do darkha reakʼ rasagem ńũ akada.

2 Patras 2:14

Onkoakʼ mẽtʼ do loṭghuṭite perecʼgea ar tisge kạkại do bako bạgiya. Onko do dhoromre nijor monanko lalocko udukʼakote bhul horteko idikoa. Onkoakʼ ontor do eken lalocgeye cetʼakada. Onkore sarap menakʼa. Onko do sojhe hor bạgikate bhul hor secʼko ghańjeṛ akana.

Johan sodor 1:16

Uni do acʼakʼ jojom tite eae goṭecʼ ipile sapʼ akatʼko tahẽkana ar moca khon do banarsa dharanakʼ mitʼṭecʼ laser tarwaṛe oḍokokʼkantae tahẽkana. Uniyakʼ mẽtãhã do tạpiste jolokʼkan siń cando leka jhak jhakaokʼkan tahẽkana.