Jesaea 34:1 - সান্তালী বাইবেল

¹ E jạtrenko, hecʼ sorokʼpe, ar ańjompe; E hoṛko, luturakʼpe. Dhạrti ar onaren sanam hoṛko ańjompe; prithimi ar ona reakʼ hasa khon benao akan hoṛko ańjomma.

Jesaea 34:1 Iomraidhean Croise

Genesis 6:13

Noa ńelte Isor do Nohae metadea, “Manwa jạtrenko doń maraokoa. Ente dhạrti do onkoakʼ santao ar behokte perecʼ akana. Iń do manwa sãote dhạrti reakʼ jotowakʼiń marao giḍikakʼa.

Sereńko 24:1

Dhạrti ar onare menakʼakʼ jotowakʼge Probhu Isorakʼ kana; Prithimi ar onare tahenko hõ uniren kanako;

Sereńko 50:1

Maraṅ daṛean Probhu Isor do, kathae roṛeda; purub khon pạchim hạbicʼ dhạrtiren sanamko uni doe hohoakatʼkoa.

Sereńko 96:10

Jạt jạtrenko ṭhen lại sodorpe, “Probhu Isorgeye raj kana mente. Dhạrti do ṭarhao kajak akana, ona do tisge baṅ ḍikạḍakekʼa; uni do dhoromte sanam jạtrenkoe ḍanṭaokoa.”

Jesaea 1:2

E serma ańjomme, E pirthimi ańjomme, Probhu Isore meneda, “Iń do hoponkoń joton hara akatʼkoa, menkhan onko do iń upạrteko hul akada.

Jesaea 18:3

E dhạrtiren hoṛko, E dhạrtire girobasokʼ kanko, ape do tinre buru boṭkocʼ cetanre jhạnḍi rakabokʼa ona ńelpe, ar tinre sakwa saḍekʼa ona ańjompe.

Jesaea 33:13

Okoe sạṅgińre menakʼpe, ape do iń okań ceka akatʼ ona ańjompe; ar okoe sorre menakʼpe ape do ińakʼ daṛe aṅgocpe.

Jesaea 41:1

Probhu Isore meneda, “E sạṅgiń disạmren hoṛko, iń samaṅre thir hape akae tahenpe. E jạt jạtrenko, ape do nãwã daṛepe ńama; ape do hecʼ sorokʼpe ar katha roṛpe. Dela, bicạr lạgitʼ mitʼ sãote bon jarwakʼ ma.

Jesaea 43:9

Sanam boṅgan hoṛ jạtrenko doko jarwa midokʼma ar hoṛko do mitʼ jaegareko hecʼ jarwakʼma. Onko modre ona do okoeko jạhir daṛeakʼa, ar pạhil reakʼko do okoeye udukʼ daṛeabona? Ar onkoakʼ kathako je, sạrikan ona sạbud lạgitʼ onko do akoren gohako ạgukoma jemon onko do ona ańjomkateko mendaṛeakʼ, “Noage sạriyakʼ kana.”

Jesaea 48:16

“Ape do iń ṭhen hijukʼte ańjompe. Iń do pạhil khon jãhãnakʼ katha danaṅ dohoy lạgitʼ do bạń roṛ akada; onako katha purạukʼ oktere iń do onḍegeń tahẽkana.” Ńitokʼ Probhu Isor do acʼren Jiu ińre emkateye kol akadińạ.

Jesaea 49:1

E sạṅgiń disạmren hoṛko, ińakʼ katha ańjompe; E sạṅgiń jạtrenko, luturakʼ tińpe. Probhu Isor do kukhi khone ḍakao akadińạ; ar eṅgạńakʼ hoṛmoreń tahẽkan khonge uni do ińakʼ ńutume ńum akatʼtińa.

Jesaea 63:1

Edom reakʼ Bosra khon jeṅgetʼ arakʼ kicricʼ horokʼkate uniye hijukʼkạnicʼ, doe okoe kana? Ṭhonokte perecʼ kicricʼ horokʼkate maraṅ daṛe salakʼ daraekạnicʼ, doe okoe kana? “Iń kangeạń uni do, ińge hok reakʼ kathań roṛeda, ińge maraṅ daṛeteń babańcao kana.”

Jirimiạ 22:29

E disạm, E disạm, E disạm, am do Probhu Isorakʼ katha ańjome.

Jirimiạ 49:7

Edom babotre phạdkoren Probhu Isore meneda, “Temanre ạkil do cetʼ bạnukʼa? Budanko ṭhen khon cetʼ sopolha do caba akana? Onkoakʼ ạkil do cetʼ heṛ akantakoa?

Jeheskel 38:17

“ ‘Iń Probhu Isorgeń menetʼ kana, sedaeakʼ dinkore ińren gutiko, metakʼme Israelren nạbiko hotete okoeyakʼ kathań roṛletʼ uni do cetʼ am dom baṅkana? Ona jokhecʼ bochorke bochor nạbikoko menleda, iń do onko upạrteń ạgumea.

Obodiạ 1:1

Obodiạwakʼ dorson. Edom disạm babotre Probhu Isor do noa kathae roṛetʼkana. Ale do Probhu Isor ṭhen khon mitʼṭecʼ sombatle ańjom akada. Uni do jạt jạtrenko ṭhen mitʼṭecʼ goḍet kolkate noa katha lạlạiye metade tahẽkana, “Dela beretʼpe, Edom upạrte lạṛhại lạgitʼ bon oḍok calakʼa.”

1 Korinthiko 10:26

ente sonot sostor reakʼ katha leka, “Dhạrti ar onare menakʼakʼ jotowakʼge Probhu Isorakʼ kana.”

Dosar Biboron 32:1

“E serma, ińakʼ kathako luturakʼme; E Ot, ińakʼ moca reakʼ katha ańjomtińme.

Dosar Biboron 4:26

enḍekhan teheńge iń do un okte lạgitʼ serma ar ot do ape upạrte goha dohokateń meneda, ape do jordan gaḍa paromkate okaṭakʼ disạmpe ạidạri lạgidokʼkan ona disạmre thoṛa dintegepe ses utạrokʼa. Ar onḍe ḍher din do bape girobas daṛeakʼa, khạṭigepe marao utạrokʼa.

Johan sodor 2:7

“Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana mente! Jitạukʼicʼ do Isorakʼ Parades reakʼ jion dare reakʼ joyiń jom ocoyea.

Bikʼcạrko 5:3

E rapajko, ańjompe baṛe; E disạm cakʼlaoko, luturakʼpe; iń do Probhu Isor ńutumteń sereńa, Israelkoren Probhu Isor ńutumteń sarhao sereńa.

Bikʼcạrko 5:31

E Probhu Isor, amren bạiriko nonkageko marao cabakʼma; menkhan okoe amko dulạṛme Onko do siń cando leka daṛeanko hoyokʼma. Inạ tayom disạmre pongel bochor hạbicʼ suluk tahẽkana.