Jesaea 33:12 - সান্তালী বাইবেল

¹² Hoṛko do rapakʼakʼ cun dhiri lekako hoyokʼa ar getʼ giticʼakʼ jạnumko lekage onako do seṅgelreko atar giḍi ocokʼa.”

Jesaea 33:12 Iomraidhean Croise

Sereńko 118:12

Dumur lekageko tudrạu esetʼ akadińạ; ar jạnum jhạuạ reakʼ seṅgel leka onko do usạrateko ĩṛicʼgotʼena. Probhu Isor ńutumte iń do khạṭigeń marao cabakoa.

Jesaea 10:17

Israel reakʼ marsal do hoyokʼa seṅgel leka; onkoren sonotko doko hoyokʼa mitʼṭecʼ seṅgel lepʼ leka. Ar ona seṅgel do mitʼ dinre ona reakʼ joto jạnum ar rạṅgạinikoe atar giḍiya.

Jesaea 27:4

Ona upạrte ińakʼ edre do bạnukʼtińạ. Aha, jạnum ar rạṅgạini upạrte lạṛhại tahentiń khan! Onako upạrte jhãpiń emkea ar seṅgelreń atar giḍikea.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jesaea 9:17

Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.

Jesaea 9:18

Sạrige dusṭạmi do seṅgel leka jolokʼ kana, ona do jạnum ar rạṅgạinikoe atar giḍikakʼa. Ona do bir gajaṛkoe jeretʼeda ar onate dhũạ do cetante tutʼ tutʼ gurlạu rakabokʼa.

Amos 2:1

Probhu Isore meneda, “Moab reakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea, ente uni do Edomren rajakʼ jaṅkoe lo torocʼ akatʼtaea.