Jesaea 32:9 - সান্তালী বাইবেল

⁹ E nirdạndi tahenkan maejiuko, ińakʼ katha baṛe bataope. E khạtir monan kuṛiko, ińakʼ kathako luturakʼtińpe.

Jesaea 32:9 Iomraidhean Croise

Sereńko 123:4

Aleakʼ jiwi do nirdandakoakʼ henosta ar bạḍạikoakʼ nihạ̃tkote ạḍitetʼ perecʼ akantalea.

Jesaea 28:23

Ańjompe, ar ińakʼ katha luturakʼpe; ar okań roṛetʼkan monte ona ańjompe.

Jesaea 3:16

Probhu Isor do arhõe meneda, “Sionren maejiu do bạḍạiteko perecʼgea. Onko do hoṭokʼ tiạrkateko beraberi baṛae kana arko bijli baṛayeda; ar chamak chamak taṛamate jhamak jhunur pạigạnko saḍe ocoyeda.

Jirimiạ 9:19

Sion khon jare jare ańjomokʼ kana, “Abo dobon jarkhar utạrena! Ar ạḍitetʼ bon lajao ocoakana! Aboakʼ oṛakʼ duạr do marao utạr akana, ar onatege aboakʼ disạm do bạgiyakʼ hoyokʼtabona.”

Jirimiạ 9:20

Ńitokʼ do E Maejiuko, Probhu Isorakʼ katha ańjompe; uniyakʼ moca reakʼ katha ańjom lạgitʼ lutur jhijtape. Ar aperen hoponerako jare jarekʼ cetʼakope ar eṭakʼko do homor halaṅ reakʼ sereń cetʼakope.

Rak̕joṅ 4:5

Okoe bhage bhage jomakʼko jometʼ tahẽkan ńitokʼ onko do ṭonṭa iạte kulhireko lorao akana. Okoe do jeṅgetʼ arakʼakʼko horokʼetʼ tahẽkan onko do ńitokʼ torocʼ cetanreko giticʼ baṛaekana.

Sephaniạ 2:15

Noage hulạsokʼkan nagraha do one okare nirại menakʼ. Uni do mone moneteye mena, “Ińge minạńa, iń chaḍa ar celege bạnukʼkoa.” Uni do okalekae maraoena, ar bir janwarkoakʼ asray ṭhạ̃ige hoyena! Ar okoe ona aṛeteko parom calakʼ onko doko landa dhudhutʼa ar buḍhạ kạṭupʼko uduga.

Mathae 13:9

Ado phene lại mucạtʼketʼ khan Jisui menkeda, “Ańjom lạgitʼ lutur menakʼtaeicʼ doe ańjomma.”

Dosar Biboron 28:56

Unre ape modre okoeṭakʼ maejiu do dulạṛteye hara akan are sukhi hoṛkan uni hõ acʼren dulạṛiạ jãwãetetʼ se hopon ar hoponerako cetanre jãhãnakʼ cetʼ mãyãge baṅ tahentaea. Hopon se hoponera janame tayom uni hopon se hoponera ar ona tayom hoṛmo khon oḍok akantae baha, okaṭakʼge onko do bae jom ocokoa. Ente aperen bạiriko tinre apeko gherao esetʼkapea ar kosṭoreko paṛao ocopea unre uni do apnarge acʼakʼ ona hoṛmo khon oḍokʼ akan baha ar hopon do hape hapeteye jomea.

Bikʼcạrko 9:7

Ar Jotham do noa kathako lạiyade khan uni do Gerisim buruteye rakapʼente ãṭ aṛaṅte hoṛkoe metatʼkoa, “Sikemren hoṛko, ińakʼ katha ańjompe, inạkhan Isor hõ apeakʼ kathae ańjoma.