Jesaea 32:18 - সান্তালী বাইবেল

¹⁸ Ińren hoṛko do sulukte perecʼ jaegare, khạtirjomako tahen jaegare ar nirdạndi tahen jaegare girobas akanko tahena.

Jesaea 32:18 Iomraidhean Croise

Sereńko 107:7

Uni do sojhe horteye idiketʼkoa jemon nagrahare senkate aloko girobas daṛeakʼ.

Exodus 9:26

Menkhan Israelko okareko tahẽkan ona Gosenre do arel baṅ ńurlena.

Kạhtukko 24:15

E bedhorom hoṛ, dhorom hoṛakʼ oṛakʼ upạrte alom tãṛãkʼgokʼa, ar uniyakʼ tahen ṭhạ̃ire hat alom lagaoa;

Jesaea 11:10

Enhilokʼ Jesaea reakʼ kahle do sanam jạtrenko lạgitʼ mitʼṭecʼ jhạnḍi lekae teṅgona; ar sanam jạtrenko do uni ṭhenko jarwakʼa ar uniyakʼ ṭhạ̃i do ṭhonokanakʼ hoyokʼtaea.

Jesaea 14:3

E Israel, oka hilokʼ Probhu Isor do amakʼ harkhet saset khon, amakʼ jala, hamal kạmi ar golam khone rukhiyạmea enhilokʼ am do Babelren raj upạrte nonkage ṭiṭkạri katham roṛa, “Ńelpe, sasantaoicʼ do cetʼlekae cabayena! Uniyakʼ sasantao edre do mucạtʼentaea.

Jesaea 2:4

Uni do boṅgan hoṛ jạtrenko talareye bicạra; ar aema jạtrenko talare hok reakʼe bicạr chinḍạutakoa. Onko do akoakʼ tarwaṛe rạputʼkate nahel reakʼ phalko benaojoṅa ar borlom rạputʼkate do datromkoge. Mitʼ jạtrenko do eṭakʼ jạtrenko upạrte tarwaṛe ar bako rakaba; onko do lạṛhại hõ ar bako lạṛhạiya.

Jesaea 26:12

E Probhu Isor, suluk baṛe teṅgo aleme; ente okale ceka daṛeakatʼ ona sanamakʼge am do ale lạgitʼem kạmi akatʼa.

Jesaea 26:3

Okoeyakʼ mon amre tahẽ uricʼ akan uni do purạ suluktem dohoyedekana, ente uni do am cetanreye bhorsakʼ kana.

Jesaea 28:12

Uni do onkoe metatʼko tahẽkana, “Niạ kangea ona jirạukʼ jaega do, laṅga akan hoṛ do nonḍegeko jirạu joṅma. Ńelpe, ona kangea aosan jaega do.” Menkhan onko do ona bako ańjomleda.

Jesaea 30:15

Probhu Isor, Israelren uni sonoticʼ do niạ kathae meneda, “Kại khonpe ruạṛlen khan bańcaope ńama, ar pạtiạrre diṛho akaepe tahelen khan do daṛepe ńama.” Menkhan ape do bape rạmjạulena.

Jesaea 33:6

Piṛhi cetan piṛhi uni do onkoren rurukhiyạyicʼ, babańcaoicʼ, ạkil ar buj reakʼ daṛe kanae. Probhu Isor botoraege onkoakʼ dhon do.

Jesaea 65:21

Onko do oṛakʼ-duạr benaokate onḍeko girobasokʼa ar darkha bagwan benaokate ona reakʼ joko joma.

Jesaea 65:9

Iń do Jakob khon ar Jihudạ khon mitʼṭen bõsiń beretʼkoa; onko do ińakʼ buru-ḍuṅgrikoren ạidạriko hoyokʼa. Ińren bachao akan hoṛ do onako ạidạrijoṅa ar ińren gutiko do onḍeko girobasokʼa.

Jirimiạ 33:16

Ona jokhecʼ Jihudạren hoṛ do bańcaoko ńama ar Jerusalemren hoṛ do khạtirjomako girobasokʼa. Uni do niạ ńutumgeye hoho ocokʼa, ‘Probhu Isorge aboakʼ dhorom do.’

Jeheskel 34:28

Onko do jạt jạtkoren luluṭ jinis do ar bako hoyokʼa, bir janwarko ṭhen hõ bako jom ocokʼa. Onko do khạtirjomako tahena ar celege bako botor ocokoa.

Sakariạ 2:5

Probhu Isore meneda, uni acʼtetʼge ona beṛhaete seṅgel reakʼ pạcriye hoyokʼa ar uni do acʼakʼ ṭhonokte onḍeye tahena.’ ”

Sakariạ 2:8

Phạdkoren Probhu Isor do acʼakʼ ṭhonok sodortae lạgitʼ onko jạtrenko ṭhene kol akadińạ one okoe do aboko luṭ akatʼbon. Uni doe meneda, “Jãhãege apeye joṭetʼpe uni do ińakʼ mẽtʼ reakʼ monigeye joṭeda.

Sakariạ 3:10

Enhilokʼ ape mimitʼko do apeakʼ darkha nạ̃ṛĩ ar loa dare buṭạre duṛubokʼ lạgitʼ ape ạḍepaseren hoṛkoń neotakoa. Iń phạdkoren Probhu Isorge noa katha doń meneda.’ ”

Ibriko 4:9

Enḍekhan ńelokʼkana, Isorren hoṛko lạgitʼ jirạukʼ reakʼ ạt do menakʼ hataṛgea,

1 Johan 4:16

Baḍaegea bon Isor do aboe dulạṛetʼ bona, ar uniyakʼ dulạṛre aboakʼ biswạs menakʼ tabona mente. Isor do acʼtetʼgeye dulạṛkana. Ar dulạṛre okoeye tahen kan, uni do Isorregeye tahenkana ar Isor do unireye tahenkana.