Jesaea 32:16 - সান্তালী বাইবেল

¹⁶ Ona tayom hahaṅkarre do hok reakʼ bicạr ar jo bahakʼkan bagwanre do dhoromge girobasokʼa.

Jesaea 32:16 Iomraidhean Croise

Jesaea 11:9

Ińakʼ sonot buru reakʼ jãhãn jaegare okoehõ bako hạhạna, ar bako nonosṭoa, ente jalapuri cetʼleka dakʼte perecʼge tahen onkage Probhu Isorakʼ ạkilte dhạrti hõ perecʼge tahena.

Jesaea 28:6

Uni do bikʼcạrkoakʼ ontorre dhorom reakʼ monsubại danakoa. Ar okoe phaṭok-duạr ṭhen khon lạṛhạiko ocog onko do daṛeye emakoa.

Jesaea 33:5

Probhu Isor doe dayawạnicʼ kana! Uni do sermareye tahenkana; Sion do hok reakʼ bicạr ar dhoromteye perecʼ akada.

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Jesaea 42:11

Hahaṅkar ar ona reakʼ nagrahakoren do ãṭteko sarhao sereńma; Kedarre tahenkanko hõko sarhao sereńma, Selaren hoṛko hõ hulạsateko sereńma, buru reakʼ cuṛạ khon hõ rạskạteko sereńma.

Jesaea 42:4

Dhạrti reakʼ hok bicạr ạuriye purạu hạbicʼ uni do bae laṅgakʼa se bae talga tạuạgokʼa. Ar jalapuri ḍhipkoren hoṛ do uniyakʼ ạnko ńel hor akaeko tahena.”

Jesaea 48:18

Ape do eken ińakʼ hukumpe ańjomletiń khan apeakʼ suluk do gaḍa leka ar dhorom do jalapuriko leka hoyokʼtapea.

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jirimiạ 31:23

Israelren Isor phạdkoren Probhui meneda, “Bondi dosa khon tinre hoṛkoń ruạṛ ạgukoa unre Jihudạ disạm ar ona nagraharen hoṛ do arhõko mena, ‘E dhoromte perecʼ tahen ṭhạ̃i, E sonot buru, Probhu Isor do ame bhoramma.’

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Sakariạ 8:3

Iń do Sionte ruạṛ hecʼkate Jerusalemreń tahena. Unre Jerusalem do ‘sạriyakʼ reakʼ nagraha’ ar phạdkoren Probhu Isorakʼ buru do ‘sonot buru’ mente ńumogokʼa.