Jesaea 30:3 - সান্তালী বাইবেল

³ Menkhan Pharaoakʼ asray doe lajao ocoyetʼkoa ar Misor reakʼ umul doe bemanotkoa.

Jesaea 30:3 Iomraidhean Croise

2 Rapajko 18:21

Am do ona loṭocʼ pạṭiol ṭheṅga, metakʼme Misor cetanrem bhorsakʼ kana. Okoe ona pạṭiol ṭheṅga cetanreye bhorsakʼkan uni do ti pạṭi tabokʼtaea. Ar Misorren raj Pharao cetanre okoeye bhorsakʼ uni cetanre hõ onkage hoyokʼa.’

Sereńko 108:12

E Isor, bạiriko upạrte ale baṛe goṛowaleme, ente manwakoakʼ goṛo do jãhãn damge bạnukʼa.

Kạhtukko 25:19

Muhinre bepạtiạran hoṛ cetanre bhorsakʼ do lewe lewe ḍaṭa ar leḍha jaṅga leka.

Jesaea 20:5

Ar okoe Kus disạm cetanreko bhorsakʼkan tahẽkan ar Misor iạteko gorbokʼkan tahẽkan onko do botor arko lajao ocokʼa.

Jesaea 20:6

Enhilokʼ doreão aṛe aṛete tahenkan hoṛ doko mena, ‘ńelpe, nõkʼõe nonkayenako onko do one okoe cetanre goṛo ńam lạgitʼ bon bhorsakʼkan tahẽkan ar Ạsur rajakʼ ti khon rukhiyạ ńam lạgitʼ okoe ṭhen bon senokʼkan tahẽkan. Enḍekhan cekate abo do bon paskao daṛekokʼa?’ ”

Jesaea 36:6

Am dom loṭocʼ, pạṭiol ṭheṅga, metakʼme Misor cetanrem bhorsakʼ kana. Okoe ona pạṭiol ṭheṅga cetanreye bhorsakʼkan uni do ti pạṭi tabokʼtaea. Misorren raj Pharao cetanre okoeye bhorsakʼ uni cetanre hõ onkage hoyokʼa.’

Jirimiạ 2:36

Amakʼ hor pheraotam lạgitʼ do cedakʼem ạcur baṛae kana? Ạsur babotre cetʼlekam lajao ocolen onkage Misor iạte hõm lajao ocokʼa.

Jirimiạ 42:18

Israelren phạdkoren Probhu Isore meneda, ‘Jerusalemre okoeko girobasokʼkan onko cetanre cetʼleka ińakʼ edre ar khĩs paṛaokʼ akan onkage Misortepe senlen khan ińakʼ edre do ape cetanre paṛaokʼa. Ape do ṭiṭkạri ar hirkhạwan hoṛpe hoyokʼa; ape ńelte hoṛko do botor caṛhaoakoa ar ape do ạsisankope hoyokʼa. Ar tishõ niạ ṭhạ̃i do bape ńela.’

Jirimiạ 42:22

Onate ńitokʼ baḍaekakʼpe, okaṭakʼ ṭhạ̃ite senkate girobasokʼpe menetʼkan onḍe do lạṛhạite, akalte ar mahamaritepe gujukʼa.”

Jirimiạ 46:25

Israelren phạdkoren Probhu Isore meneda, “Ńelpe iń do Thebesren boṅga Amon, ar Pharao ar Misor, ar onaren boṅgako ar onaren rapajko sudhạ Pharao ar unire bhorsakʼ kanko upạrte sạjạiyiń ạguiyeda.

Jeheskel 29:7

Ar onko do tinre titeko sapletʼmea unre am dom paṛakʼena ar onkoakʼ tarenrem cirạketʼtakoa. Ar tinre am ṭhenko ṭenḍarena unre am dom rạputʼena ar onate onkoakʼ ḍanḍa dom ḍikạ ḍakeketʼtakoa.

Hosea 10:6

Ona do Ạsurte idi ocoakana ar maharajakʼ khajna lekate emakana. Ona iạte Ephrayim do bae manot ocokʼa, ar Israel do acʼakʼ goṭawakʼ lạgitʼe lajao ocokʼa.

Romiko lạgitʼ Pạul Apostolakʼ ciṭhi 10:11

Sonot sostorreye meneda, “Jãhãege unireye pạtiạukʼ uni do bae lajao ocokʼa.”

Romiko lạgitʼ Pạul Apostolakʼ ciṭhi 5:5

Noa as do bae lajao ocobona, ente Isore emakan sonot Jiu hotete aboakʼ ontor do acʼakʼ dulạṛteye perecʼ akada.