Jesaea 30:2 - সান্তালী বাইবেল

² Iń sãote sopolha baṅkate Misorteko calakʼ kana; onko do goṛo ńam lạgitʼ Pharaoakʼ asrayko hataoeda ar Misor reakʼ umulreko hirlạkʼ kana.

Jesaea 30:2 Iomraidhean Croise

1 Rapajko 22:7

Menkhan Jehosaphate menkeda, “Nonḍe do cetʼ Probhu Isorren jãhãe nạbi bạnuiya one uni ṭhen bon kulijoṅ daṛeke?”

2 Rapajko 17:4

Menkhan Asurren raj doe baḍaekeda, Hosea do mitʼṭen badmas hoṛkanae mente, ente uni do Misorren raj So ṭhen goḍetkoe kolletʼkoa ar Asurren raj do jao bochor oka khajnae emaekan tahẽkan ona do ar bae emokʼkana. Ona iạte Salmaneser do Hoseae sapʼkedete hajotreye bhoraokedea.

2 Rapajko 18:21

Am do ona loṭocʼ pạṭiol ṭheṅga, metakʼme Misor cetanrem bhorsakʼ kana. Okoe ona pạṭiol ṭheṅga cetanreye bhorsakʼkan uni do ti pạṭi tabokʼtaea. Ar Misorren raj Pharao cetanre okoeye bhorsakʼ uni cetanre hõ onkage hoyokʼa.’

Jesaea 16:3

Onko doko mena, “Solha emalepe; ar lạiyalepe cetʼle cekaea. Ape do tikin reakʼ umul do ńindạ reakʼ ńut leka hoeocoype- ar okoeko dạṛetʼkan onko do okore dohokakope, ar rukhiyạ ńam lạgitʼ asray lạgitʼko khojkan hoṛ do alope soprotkoa.

Jesaea 18:1

Hae! Kus disạm reakʼ gaḍako hanasare nonkan mitʼṭecʼ disạm menakʼa one onḍe phạ̃kṛạ̃kʼko reakʼ san san saḍe ańjomokʼkan.

Jesaea 36:6

Am dom loṭocʼ, pạṭiol ṭheṅga, metakʼme Misor cetanrem bhorsakʼ kana. Okoe ona pạṭiol ṭheṅga cetanreye bhorsakʼkan uni do ti pạṭi tabokʼtaea. Misorren raj Pharao cetanre okoeye bhorsakʼ uni cetanre hõ onkage hoyokʼa.’

Jesaea 36:9

Ar ona hõ bam daṛeakʼ khan ińren kisạ̃ṛren huḍiń utạricʼ subedar do cekatem tạkicʼ daram daṛekea, ente am do Misor reakʼ rãt gạḍi ar aswariko cetanrem bhorsakʼ kana?

Jesaea 8:19

Hoṛko do tinre onko ṭhen calakʼko metapea one okoe do gocʼ hoṛko ar bạṛicʼ jiuko sãote helmelko dohoyetʼ arko biṛ biṛetʼkan, unre ape do cetʼ Isor ṭhen calakʼ lek baṅkantapea? Okoe jiwetʼ menakʼko onkoren hoykate cedakʼ gocʼko sãote sopolha lạgitʼ dope calakʼa?

Jirimiạ 2:18

Ar ńitokʼ do nil gaḍa reakʼ dakʼ ńũi lạgitʼ cedakʼ Misorte dom calakʼ kana? Phurạt gaḍa reakʼ dakʼ ńũi lạgitʼ hõ Ạsurte do cedakʼem calakʼkana?

Jirimiạ 21:2

“Babelren Nebukadnesar raj do abo sãoteye lạṛhại kana; onate abo ńutumte Probhu Isor ṭhen nehõrokʼ me jemon uni do abo ṭhene ruạṛ hijukʼ. Hoedaṛeakʼa Probhu Isor do lahate leka abo lạgitʼ hahaṛawakʼe kạmiya.”

Jirimiạ 37:5

Unre Babelrenko do Jerusalemko gherao esetʼakatʼ tahẽkana, menkhan onko do tinreko ańjomkeda Pharaoren lạṛhại phạdko do Misor khonko oḍok hecʼakana; unre onko do Jerusalem khonko uṭhạu calaoena.

Jirimiạ 42:14

arpe men, ‘ale do Misorte senkatele girobasokʼa; onḍe do lạṛhại hõ bale ńela, siṅgạ reakʼ saḍe hõ bale ańjoma, ar jomakʼte hõ bale ṭonṭakʼa,’

Jirimiạ 42:20

ape do ạḍi maraṅakʼpe bhul lạgidokʼ kana. Ape do aperen Probhu Isor ṭhen niạ mentepe kolledeńa, ‘ale lạgitʼ aleren Probhu Isor ṭhen koeme; ar uni okae men ona jotowakʼge lạiyaleme ar ale do ona lekagele calakʼa.’

Jirimiạ 43:7

Nonkate onko do Probhu Isorakʼ bako bataoletʼte Misorteko boloyena ar Tahpanhes hạbicʼko senena.

Rak̕joṅ 4:20

Aboakʼ mũ reakʼ sahẽtʼ Probhuren ojokʼicʼ do, onkoakʼ khạnreye sapʼ ocolena; menkhan abo dobon hudisokʼkan tahẽkana uniyakʼ umulre jạt jạtrenko talare bon girobasokʼa.

Hosea 7:13

Hae onko do, ente onko do iń ṭhen khon bạṛicʼ horteko calao akana. Onko do sorbonas hoyokʼtako ma, ente iń upạrteko hul akada. Onko chaḍaokoń khojkangea menkhan onko do iń upạrte eṛe kathako roṛeda.

Hosea 8:10

Onko do eṭakʼ jạtrenko sãote ṭakateko gate akanre hõ iń do mitʼ domte jarwakateń sạjạikoa. Onko do disạm cakʼlaokoren rapajkoakʼ santao iạteko caba utạrokʼa.

Hosea 8:9

Onko do eskar eskar ạcur baṛaekan bir gadha leka Ạsur hạbicʼko sen akana. Ar Ephrayim do ṭakate dulạṛiạkoe ạgu akawana.

Numeri 27:21

Uni do naeke Eleasar ṭhen senokʼ hoyokʼtaea, ar Eleasar do uni ńutumte Urim ar Thumim reakʼ daṛete Probhu Isorakʼ hukume baḍaejoṅa. Eleasarakʼ hukum lekage uni ar Israelren eṭakʼko do calakʼ hoyokʼtakoa.”

Dosar Biboron 28:68

Misorte calakʼ reaṅ iń metatʼpe tahẽkana, tishõ ona horte do taṛam baṅ lagao apea; menkhan Probhu Isor do unre jahajte Misor disạmteye kol ruạṛpea. Onḍe do guti ar kạ̃ṛmĩ lekate bạiriko ṭhen kiriń ocokʼpe khoja menkhan celege bako kirińpea.

Josuạ 9:14

Israelko do eken onkoakʼ jomakʼko ńelkeda menkhan Probhu Isor do bako kuliledea.

Bikʼcạrko 9:15

Unre jạnumanakʼ dare do onkoe metatʼkoa, ‘Aperen raj mente sạrigepe teṅgoyiń khan enḍekhan dela hijukʼte ińakʼ umulre asray hataope. Ar bape onkae khan enḍekhan jạnum jhạuạ khon seṅgel oḍok hijukʼte Lebanon reakʼ debdạru darekoe joma.’