Jesaea 30:10 - সান্তালী বাইবেল

¹⁰ Onko do ńeńelkoko metako kana, “Dorson do ar alope ńela,” Ar nạbi doko metakokana, “Okaṭakʼ sạrikan ona do ar alope lạiya. Ale ṭhen suk reakʼ katha lạipe; ar okaṭakʼ sạriyakʼ baṅkan onkanakʼko nạbiyalepe.

Jesaea 30:10 Iomraidhean Croise

1 Rapajko 21:20

Ahab do niạ katha ańjomkate Eliại metadea, “E ińren bạiri, niạ dhao dom ńam akadińạ.” Eliại roṛ ruạṛkeda, “Hẽ, ńam akatʼmegeạń, ente Probhu Isorakʼ mẽtʼre oka bạṛicʼakʼ kan ona onkae lạgitʼge am dom kiriń akana.

1 Rapajko 22:27

Arpe metakinạ raje men akada nui hoṛ do jemon hajotreye doho ocokʼ ar nirạite raj ạuriye ruạṛ hijukʼ hạbicʼ thoṛa dakʼ ar thoṛa piṭhạ chaḍa ar cetʼge jemon alo kin emae.”

2 Bõsbudạ 16:10

Niạ katha ańjomkate uni do ńeńelicʼ cetanre ạḍiye raṅgaoente hajot khanareye bhoraokadea. Ar onako dinre Asa raj do adom hoṛko cetanreye julumkeda.

2 Bõsbudạ 25:16

Nạbiyakʼ katha ạuri mucạdokʼrege raj do uniye metadea, “Ale do cetʼ rajren sosolhayicʼ menkate amle bahal akatʼmea? Thirokʼme, ar baṅ khan am dom gocʼ ocokʼa.” Onate nạbi doe thirena, ar enhõe menkeda, “Ińiń baḍaea, am do noam kạmi akada ar ińakʼ sopolha bam luturatʼte Isor do ame maraome lạgitʼe goṭa akada.”

Jobakʼ 41:3

Uni do cetʼ am ṭhen dayae khoj boteja? Ar am tulucʼ cetʼ luhum suhume galmaraokea?

Jesaea 28:15

Ape do bạḍạitepe meneda, “Ale do moron ar Sheol sãote mitʼṭecʼ bondobosle bandhao akada. Maraokʼ reakʼ cạbuk pheḍ hecʼlenre hõ ale do bae tiyokʼlea, ente eṛeteakʼ do aleakʼ hirlạ ar phikir do aleakʼ asraygele benao akawana.”

Jesaea 29:10

ente Probhu Isor do ape cetanre mitʼṭecʼ jạpitʼe ạguakada; apeakʼ mẽtʼ do nạbiko kana, apeakʼ ona mẽtʼ uni doe bond akada ar apeakʼ bohokʼ do cholte ńeńelkoakʼ kana, apeakʼ ona bohokʼ doe poṭom akatʼtapea.

Jesaea 5:20

Hae, onko hoṛ do, one okoe bạṛicʼakʼ do mońjko metakʼkan ar mońjakʼ do bạṛicʼko metakʼkan, marsal do ńutko metakʼkan ar ńut do marsal menteko hudisetʼkan, ar okoe heṛemakʼ do haṛhatʼko metakʼkan ar haṛhatʼ do heṛemakʼ menteko hudisetʼkan.

Jirimiạ 11:21

Ona iạte Probhu Isor do Anathotren hoṛko reaṅe meneda, “Okoe amakʼ jiwiko sendra baṛayetʼ arko menetʼ, ‘Probhu Isor ńutumte nạbi lekate katha do alope mena, arpe roṛle khan aleakʼ tirepe gujukʼa.’

Jirimiạ 23:17

Okoe ińko nihạ̃t edeńkan onko ṭhen nạbiko do niạ kathako roṛa, ‘Probhu Isore meneda, suluk hoyokʼtapea,’ ar okoe akoakʼ ontor reakʼ keṭecʼakʼteko senokʼkan onko doko mena, ‘jãhãn muskil do baṅ hoyokʼtapea.’

Jirimiạ 26:11

Unre naekeko, nạbiko, rajkạmiyạko ar sanam hoṛko menkeda, “Nui hoṛ do gujukʼ sạjại ńam lek kanae, ente uni do noa nagraha upạrteye nạbi akada; ar ona do apeakʼ luturtegepe ańjomakada.”

Jirimiạ 29:27

Ar Anathotren Jirimiạ do unre ape ṭhene nạbiketʼre cedakʼ bam sạjạiledea?

Jirimiạ 36:29

Ona chaḍa Jihudạren raj Jehoyakimem metaea, Probhu Isore meneda, ‘puthi jeretʼ giḍikateyem kulikana Jirimiạ do cedakʼ ona puthireye ol akada, Babelren raj do khạṭige hecʼkate noa disạme jarkhara ar manwa ar janwarkoe maraokoa?

Jirimiạ 38:4

Unre rajkạmiyạko do akoren rajko metadea, “Nui hoṛ do gocʼ ocokʼ lek kanae. Ente niạ nagrahare okoe lạṛhại phạdko ar hoṛko sarecʼ menakʼko uni do noako katha menteye as chuṭạu ocoyetʼkoa. Uni do noko hoṛkoakʼ bhạlại do bae khojkana.”

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Amos 2:12

Menkhan ape do nạsriko darkha rasape ńũ ocoletʼkoa ar nạbi lekate katha roṛ hõ bape roṛ ocowatʼkoa.

Amos 7:13

Bethelre do ar alom nạbiya, ente noa do rajakʼ sonot ṭhạ̃ikana ar rajosṭi reakʼ mundil kana.”

Mikạ 2:11

Ar jãhãe ekʼṛeyicʼ ar ṭhok hoṛ hecʼkateye men, ‘ińiń meneda je, apeakʼ bạ̃ṛti bubulakʼ ar darkha rasa hoyokʼtapea,’ enḍekhan unige noko jạtrenko lạgitʼ lek lekanicʼ nạbiye hoyokʼa!”

Mikạ 2:6

Aperen nạbiko do aleko metalekana, “Noako katha do alope mena, ar niạko reaṅ jãhãn katha hõ alope roṛa, ente ale cetanre opoman do baṅ hijukʼa.”

Johan 7:7

Dhạrtiren hoṛko ape do bako kurudapea menkhan iń doko kurudạńgea, ente onko reaṅ noa gohań emeda je, onkoakʼ joto kạmi do bạṛicʼgetakoa.

Johan 8:45

Menkhan sạri kathań roṛetʼte ape do bape pạtiạuạń kana.

Aposkạmi 4:17

Menkhan disạm hoṛko talare kathako jemon ar alo pasnaokʼ onate nukin hoṛ do botor udukʼ ạkin hoyokʼa, jemon Jisu reaṅ ar okoe hõ alokin galmaraoako.”

Aposkạmi 5:28

“Uni hoṛ reaṅ alo cetʼako lạgitʼ kajaktele hukumatʼpe tahẽkana, menkhan ape do apeakʼ cecetʼakʼte Jerusalempe perecʼ akada ar uni hoṛakʼ mãyãm alere paṛao ocoy reakʼpe moneakada.”

Romiko lạgitʼ Pạul Apostolakʼ ciṭhi 16:18

ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneyakʼkana. Onko do sebel ar luhum suhum kathate sojhe monan hoṛko bulạuetʼkoa.

Galathiko lạgitʼ Pạul Apostolakʼ ciṭhi 4:16

Ar ńitokʼ do cetʼ sạri katha roṛte aperen bạiriń hoyakana?

2Timothi 4:3

Nonkan okteko hijukʼa tinre hoṛko do sạriyakʼ reakʼ sikhnạt bako sahao daṛeakʼa, bickom akoakʼ sana purạu lạgitʼ nonkan aema gurukoko ḍạṅjoṅa okoe do onko kusi ocoko leka sikhnạtko emokʼ.

2Timothi 4:4

Onko do Isorakʼ sạriyakʼtetʼ reaṅ ańjom baṅkate kạhniko kusiyakʼa.

Johan sodor 11:7

Unkinakʼ goha emokʼ sạtlen khan ona athan kunḍ khon mitʼṭen janwar do rakapʼ hecʼkate unkin tulucʼe lạṛhạiya ar unkine bhagaokinteye gocʼkinạ.

1 Samuel 9:9

(Lahateakʼ dinkore Israel disạmren jãhãe hoṛ Isor ṭhen khon jãhãnakʼ reaṅ baḍae joṅko men khan onko do calakʼ lahareko menetʼ tahẽkana, “Dela, ńeńelicʼ ṭhen bon calakʼa.” Ar ńitokʼ okoe do nạbiye men ocokʼkan uni do lahateakʼ dinkore ńeńelicʼe men ocokʼkan tahẽkana.)