Jesaea 3:26 - সান্তালী বাইবেল

²⁶ Sion reakʼ phaṭok duạr doko homor halaṅa; ar Sion do ujạṛ akante otreye duṛupʼkokʼa.

Jesaea 3:26 Iomraidhean Croise

Jobakʼ 2:13

Ar ona tayom do eae siń ar eae ńindạ uni sãote otreko duṛupʼ tahẽyena. Ar uni do cetʼhõ bako metadea, ente uniyakʼ harkhet do ạḍitetʼ maraṅge tahẽkana.

Jobakʼ 2:8

Unre Job do torocʼre duṛupʼkate mitʼṭecʼ kelhatʼ hataokate gạdurokʼe ehopʼena.

Jesaea 14:31

E phaṭok duạr, homor halaṅ joṅme. E nagraha, rakʼ joṅme. E Philisṭiko, ape do sanamakʼpe juriyeda. Utạr secʼ khon dhũạ reakʼ rimil do hijukʼ kana, ar uniren lạṛhại phạdko khon celehõ bako pạcokʼ kana.

Jesaea 29:2

Menkhan iń do Ariel cetanre muhiniń ạguiya. Uni do hae hae are jare jarekʼa; ar iń ṭhen do mitʼṭecʼ Ariel lekae hoyokʼa, metakʼme seṅgelanakʼ pinḍ lekage.

Jesaea 32:14

Tin hạbicʼ cetan khon sonot jiu abore bae dul ocokʼ ar hahaṅkarre bhage jumi ar bhage jumi do bir gajaṛ leka baṅ hoyokʼ, unhạbicʼ gaṛre ar rão rãokʼkan nagrahare do celege bako tahena, ar buru ar pahra buruńj do dander leka hoyokʼa. Ar ona do bir gadhakoakʼ rạskạjoṅ reakʼ ṭhạ̃i ar janwarkoakʼ ạtiń jaegakoge hoyokʼa.

Jesaea 33:9

Disạm do hińjrạukʼ kana ar loraokʼ kana, Lebanon doe lajao ocokʼkana ar tolmojokʼ kana, Saron do hahaṅkar leka hoyakana ar Basan ar Karmel reakʼ dare sakamko do ńur caba akana.

Jesaea 47:1

Probhu Isore meneda, “E kũạri kuṛi Babel, am do dhuṛire duṛupʼme; E Babel am do siṅghạson bạgikate otre duṛupʼme. Ente Kakosiạ ar sukmạr do ar bako metama.

Jesaea 6:11

Unre iń doń menkeda, “E Probhu Isor, ar tinạkʼ din?” Uni doe roṛ ruạṛạdińa, “Tinạkʼ din nagrahako baṅ marao utạrokʼ, oṛakʼ-duạr baṅ ujạṛokʼ ar khet-baṛgeko baṅ jarkharokʼ;

Jirimiạ 14:2

“Jihudạ doe homor halaṅeda, ente uniyakʼ nagrahako do nijor akantaea; onḍenko hoṛ do otre duṛupʼkateko homor halaṅeda, ar Jerusalem khon do rakʼ ańjomokʼkana.

Jirimiạ 15:8

Onkoren rạnḍi maejiukoakʼ lekha do gaṅgaren gitil lekań hoeocoya. Am do bir banṭa hoṛren eṅgat kanam, amren hoṛko upạrte tikin jokhecʼ mitʼṭecʼ nonosṭoyicʼ iń ạguiyea; ar onko cetanre ackage haso ar botoriń paṛao ocoya.

Rak̕joṅ 1:1

Hae! ona nagraha do, mitʼ jokhecʼ onare hoṛkote perecʼ tahẽkana, uni do cetʼleka eskare duṛupʼ akana. Okaṭakʼ nagraha do mitʼ jokhecʼ jạt jạtrenko talare maraṅe tahẽkan, uni do ńitokʼ rạnḍi maejiu lekae hoyakana. Uni do disạmkoren rạniye tahẽkana ar ńitokʼ do kạ̃ṛmĩye hoyakana.

Rak̕joṅ 1:4

Sion reakʼ kulhiko doe homor halaṅeda, ente niṭ akatʼ porobre okoehõ bako hijukʼkana. Uniyakʼ sanam phaṭok duạrte bolokʼ hor do khạligea. Uniren naekeko doko jare jarekʼ kana, ar juạn kuṛiko doko dukokʼ kana, onate uni do monre ạḍi duke ńameda.

Rak̕joṅ 2:10

Sion hoponeraren murubbiko do otreko duṛupʼ hapeakana. Onko do akoakʼ bohokʼre dhuṛiko ojokʼ akawana ar gõṛẽ kicricʼko horokʼ akada. Jerusalemren juạn kuṛiko do dukte ot secʼko kuḍbur hapeakana.

Rak̕joṅ 2:8

Probhu Isor do jarkhar lạgitʼe mone muruk akada Sion hoponerawakʼ beṛhaeteakʼ pạcriko. Uni do sosoṅakʼ baberteye soṅakada mohor mekʼṭao khon acʼakʼ ti do bae or ruạṛtaea. Uni do Sion reakʼ aotan gaṛ ar pạcriye hińjrạu ocoakada; onako do mitʼ domte nijor akana.

Jeheskel 12:20

Hoṛte perecʼ nagrahako do dhaṅdhaserokʼa ar disạm do ujạṛokʼa. Ar unrepe baḍae daṛeakʼa, ińkangeạń Probhu Isor do.’ ”

Jeheskel 26:16

Unre jalapuri aṛe reakʼ disạmkoren rapajko do akoakʼ siṅghạson khon pheḍkate akoakʼ raj kicricʼ ar noksa akatʼ kicricʼko totʼ giḍikakʼa. Ar botorte otreko duṛupʼa, ar jao okteko thar tharaokʼa ar am ńelteko torasokʼa.

Mikạ 1:9

Samariạwakʼ ghao do ar baṅ besokʼtaea; ona do Jihudạ ṭhen khon hecʼakana. Ona do ińren hoṛkoakʼ phaṭok hạbicʼ, hẽ, Jerusalem hạbicʼ seṭerakana.

Mathae 11:17

‘ale do ape lạgitʼ tiriole oroṅkeda, menkhan bape enecʼlena; homor halaṅkedale, ar koṛam hõ bape ceṭakʼlena.’

Luk 19:44

Onko do am ar amre menakʼko sanam hoṛ sapʼkate otreko tawakʼkoa ar amre do dhiri cetan dhiri hõ baṅ tahena, ente Isore hiriletʼme okte do bam baḍae oromlakʼa.”